某日早上,班主任突然話搜書包,就將書包入面既野倒晒出黎,好彩我冇遺禁品!!有部分同學自動自覺把電話拎出黎,不過要記缺點1個。有一部份係老師搜出黎既,有電話啦,IPOD,MP3...全部沒收。有位同學遲到,老師二話不說倒晒佢書包D野出黎,結果搵到包煙同打火機,好恐怖。有部分同學係收埋左既,女仔收左口係P褲同內衣入面,男仔就...唔清楚。某同學係有帶電話既,但老師搜極都搜唔出,就放學去捉佢,最後都落網。以上同學將會記缺點1個,真係可憐…‥．。

最大問題係LUNCH時間少左5MINS!!學校話預留5MINS俾同學入課室,遲入課室當遲到,放學留30MINS,過份!!平時老師唔係一到12:20就放人,會遲放,但仲要我地口係1:15前返到學校。食LUNCH既時候,食日望住個鐘,一到1:00就緊張了。結果咪好多同學遲到囉,老師問原因,佢地話:1.老師遲放。2.LUNCH黎得慢。老師話唔接受呢D推卸責任既原因,所以就變成1.自己行得慢。2.食得慢。之後呢幾日D同學都好早返,冇人遲到,係唔敢遲到。因為遲到紙儲埋學期尾可以用黎玩UNO,可佈也!!

今日上世史堂,教左一堂書,就俾史實紀錄片段我地睇。睇到戰爭係幾咁可怕~同時間竟然聽到【婚禮進行曲】-0-",原來係隔離間教堂有人結婚。XDD"今年真係好多人結婚喎…‥．。睇完片就討論班衫,大部分同學都話要黑色做底色,但係又大吉利是<出儐>,小部分同學極力反對,話鮮紅色今年大熱牙<利是封?!>。所以經過一輪投票後,最後結果係分2隻色:紅,黑。不過要平均,至於字既顏色就係金色<閃閃令*>襯紅,黑都OK。至於寫咩字呢...就係全班同學+2位老師既全名!!仲要用篆書刻口係背面<-金色->,這是歷史科老師既意見,鬼叫我地係文科班。班旗呢就一邊紅色一邊黑色,咁樣玩啦啦隊夠特別!!下星期五【12月8日】開始考試了~考到12月18日,為期7日。如無意外,12月19日【星期二】將會有1日假期。>V<"之後就是聖誕假了‥