其實在鐘聲讀書,
比我想像中開心,
或者因為大家都不小了,
所以開始成熟,
而家班度冇再好似以前有咁多是是非非,
大家的相處都頗為融洽,
成日都嘻嘻哈哈咁,
真係幾開心！

我自己都好似比以前成熟o左d,
又或者係假o左,
我都唔知咁樣究竟係好定唔好,
以前,
如果我唔鍾意一個人,
就算佢同我講野,
我都只會一句起兩句止,
如果佢同我點頭打招呼,
我亦只會好牽強咁笑o下,
我對o個d我唔鍾意o既人,
永遠都係好冷淡,
因為我完全唔想同呢d人打交道。
不過,
而家我改變o左la,
面對呢d人,
我都會同佢地傾偈,
雖然有時都會對佢地不耐煩,
但係已經比以前進步。
好彩而家o個班只有兩個呢d人,
佢地有時對我做o左d野,
我都會忍o左去,
因為唔想搞到大家以後面阻阻,
反正我又係一個善忘的人,
尤其對d唔開心o既事,
我係會好快就忘記它。

有人話學校就係社會的縮影,
而家開始學習點去面對呢d人,
遲d出o黎社會就可以對呢d人應付自如,
不過,
我亦真的很討厭做人要咁假,
唉~
做人就係咁無奈,
有時就算唔鍾意做都要去做。
所以我幾鍾意班form 1仔,
至少佢地真同直接,
尤其是1B班ar,
而家同佢地熟o左d,
會傾o下偈、講o下笑。
好似尋日咁
就勁搞笑la,
有2個男仔俾阿sir罰,
個阿sir o係佢地個頭度紮辮,
我一見到就忍唔住o係度猛笑,
個男仔個樣好無奈,
唯有唔知傻笑定苦笑。
我係咪有d衰呢？
我從來未見過老師會咁罰人ga,
之前又試過罰人o係全班面前做掌上壓,
呢d係咪就係因材施教呢？
Anyway,
呢班1B真係好可愛,
我真係幾鍾意佢地。
就快聖誕節la,
如果佢地繼續唔太曳,
我應該會買朱古力請佢地食,
當係聖誕禮物。
我呢d係咪叫做「貼錢打工」呢？