琴日終於買左電磁爐la~

爽爆呀,以后可以煮下野食,煲下湯咁~(前提:我唔懶)

今晚我地買左紅豆,西米煮糖水

話說今次都係我第一次自己真正的去煲野咁

番到黎,浸紅豆同西米先

之后去左洗白白囉,嘿嘿~

咩都搞好晒就開始煮野la

原來西米唔可以咁快煮定,但係我笨左

但係凡事都有第一次,衰左一次下次咪無事囉

所以今次我都無野~呵呵

之后到煮紅豆囉

d紅豆好難熟哦,真係我同你唔熟囉依一輪,不過因為我地有寶姐姐的存在

我就去左打機囉,依個行為係超唔好的,但係我都唔鬼理佢囉

當我打到差唔多個陣,d野都煮好囉

本來d紅豆仲唔係多軟的,但係好在寶姐姐搞下佢

食得la~落埋d糖落去

食囉,我地一共有五人食,d份量好似係仲要多d

而平均每人只要2.5左右

仲要係自己人手煲,個成就感大好多呀

超爽囉,第一次煲的糖水比自己想像中的好

真係太好囉,以后我都希望可以成日用到個爐la~正野~

話說琴日夜晚餓,咁咪叫左個外賣

今次唔係我落去攞,係個宿友

咁哥個外賣佬話十分鐘后落去攞就得

咁好la,cc(我宿友)準時十分鐘后落去

咁個陣已經成十一點几,又快關依個宿舍門la

佢係出邊一個人又個天又咁黑的等左成十几廿分鐘

個哥外賣佬仲未到囉!!!!

佢已經唔係第一次遲到嫁la,我上次落去攞都係要我地等

成日都係咁,咁等左咁耐佢都未到,cc就番左出黎,

之后宿舍門就關左,

過左無耐,我個電話就嚮la

係個外賣佬打黎,話我地做咩無人去攞d野

我話我地d人落左去等左好耐都無人黎,

佢又話佢依家再出過車,叫我地再落去,但係我地已經出唔到la

咁咪話唔要囉,個條死仆街,就係咁吵

又話你咁做人有咩意思,

我都依家想咩,明明係你地d人遲到仲想點

一次係咁二次係咁,同佢地講得多都浪費我d錢,

咁咪cut佢線,之后佢就不斷咁再call過黎

真係有咁煩就有咁煩,連平時好少動氣的我都超氣囉

打打打,咁鐘意打過黎,我關機睇你點打

我地係因為餓,又覺得你間野ok先叫外賣姐

你地d人咁的服務態度咩Q意思呀

你話我地咁做人有咩意思,咁你自己呢

死人外賣佬,去死吧!!!!!!!!!!!!!!!!!!!!

一開學就染上壞習慣

真係唔多ok~

但係個電腦堂真係超悶囉

簡直係攞人命的

一口氣上成四堂,快四個鐘

二堂理論,二堂實踐咁話

但係佢d理論課,簡直係可以殺人的

就算我上完個理論囉

個二堂實踐我又上唔到,

因為我唔識打拼音呀,咁想我點,唔通打英文呀

咪傻啦~又搞唔到倉頡出黎

今日去做哥個咩心理測驗呀~

要改個咩個人資料都係叫人幫我打嫁炸

help~~

就係咁~我走左晒四堂電腦堂la

六點到我地去白石洲呢

個到好似蓮花路囉

連d地磚都一樣的~強呀~

個邊都ok多老番哦~不過我都睇唔中~傷心呀

之后由街頭行到街尾

行左超耐,本身同我同行的人話行番去

但係當我地行左二個車站后,好痛苦呀

最后我地都係坐的士番去的

一共12.5元,無跳過錶,不過都快番la

只係可以直達宿舍門口真係爽呀~

今日又走堂la!不過都唔理佢囉~嘿嘿

我係咪變左個壞學生呀???