我都已經好耐冇打過日記啦！不過今日真係好想打！

今日我終於完成左我最後一場比賽啦！

不過…成績都係唔滿意，雖然係第三名，但係好可惜上唔到80分得79分！羅唔到季軍~~~~~

頭先，陳太打電話俾我，佢一來就問我點解唔打俾佢？有無唔開心？

佢同我講我唱歌好有潛質，唔可以放棄唱歌！囧！

今次個評判ge評分標淮簡直令我O晒嘴！

佢境然話因為我ge聲線唔係典型ge女中音(係偏女高音)唔應該參加依個組別！囧囧囧…

唉~~唔知呢！陳太話畢業後一定要繼續唱。但係我都唔知道之後會唔會…

陳太真係好....我，佢從來無話過我！

唔知啦！我..............唔識講啦！好亂啊......算啦唔講啦！

補打：

原來今日係不二生日啊！身為不二派ge我，竟然要KaZu話俾我聽先知道，實在太失敗啦！

不二生日快樂啊！~~~~~~~~~~~~~~~~~~~~~

我仲知道城田係12月26號生日添！不過就唔知樹樹ge生日啊！

唔知手塚有無同不二慶祝呢？如過真係有的話，又會係依一個四年一次ge特別日子做d咩呢？

哈哈哈！又再度想症發作啦！啊~~~~~~~~~~~~甜蜜蜜！

下一次ge生日要等四年啦！不二！要好好珍惜依一日的特權啊！~~~~~~~~~~~~~~~~

今日已經係星期四啦！距離下次ge練習仲有兩日炸！

不過幸好係星期二ge時候，已經算係練熟左首舞啦(除純音樂部分)！

不過拍子都係未完全掌握到！

今日見到朱sir ge時候問左佢歌唱比賽ge時候有冇錄影，點知佢話冇！

聽到之後有d失望，因為係我同KaZu第一次兩個人ge表演，往後都唔知會唔會再有咁ge機會！

而且今次又係以Yume ge名義出賽。原本想將段片段放上Yume個日記版的！

唉！下星期四又有數學測驗啦！

啊！今日小息ge時候我收到一條KaZu織ge手繩啊！係藍白色嫁！

今日係BAR係Rainbow Gala之後第一次練習！

黎緊係大年初四舉行ge CW BAR會一次過第四首歌，而且仲係PV版！

今次竟然四首都有份，都有d擔心自已會應付唔到！

最重要ge係四首我之前都未跳過，得返一個月左右，即是話一個星期要KO一首！

所以一返到黎就開始努力地自行練習！

不過因為星期就有文學測驗，所以唔可以放太多時間去練習！

聽日開始，學校就開始考試啦！我地依d中五生唔使考試都要返學啊！

而且一堂2個鐘頭，一日三堂！想死！考試個d都唔使返整日，我地..................

希望下次練習之前可以完成今日學gr舞啦！！！！！！！！

新的一年又開始啦！

係依一年有很多事情都需要更加努力。

例如要俾心機d讀書，盡力考好個會考啦；BAR個方面亦要兼顧得到啦！

同時希望屋企所有人都可以健健康康！

不過講係咁講，但係我到依嫁都仲未做晒我d功課啊！！！！

聽日就要返學啦！想死！依嫁我就係度做緊英文！

不過做到有d想死，所以決定打下日記！

依個聖誕假有很多event，幾乎有大半ge假期都用係練習/表演上！

相對溫習、做功課ge時間亦少左。我唸真係要唸唸辦法填補返d時間啦！

其實真係有d懷疑自已可唔可以同時應付學業同BAR，但又實左唔想係依個時候放棄！

所以係時候真係去俾心機管理下自已ge時間啦！

最後希望大家係新ge一年都可以為自已定一d目標，並付諸實行啦！

各位Yume團團員，係新ge一年要一齊努力啊！

                                         新年快樂！！新年快樂！！

今日BAR係Rainbow Gala(RG)有表演，因為要採排所以一早就到左會場！

不過我今日都係遲到左！

今日我個人覺得比起AGS更加累！因為尋晚幾乎訓得個2~3個鐘頭！

加上今次要一早去到會場，而且小川個頭搞到我頭都痛埋！(個頭整得太緊)

天氣冬左今我更加更加痛苦！

因為天氣ge關系，我d皮膚惡化左好多。隻腳簡直就係龜烈，著住對唔合大細ge鞋，簡直想死！！！

不過RG第一搞我覺得十分不錯！

有良好ge管理，d工作人員有幾有禮貌，而且為入場ge人設立一個Hall供佢地排隊！

又為設有更衣室和不錯ge儲物室，唔使我地帶住d野周圍走！

但係我今日都係無緣與瑛瑛相見啊！唔知點解BaLance八個人ge表演，變到得返2大個？

雖然有d失望，不過剩餘ge兩位隊員並無因為咁而取消演出。我覺得十分...........(唸唔到點講)

但係得兩個人ge BaLance一樣好睇，雖然小藏睇上去好係好唔開心！！

火！火！火！火！火！火！火！火！火！火！火！火！火！

今日係會場ge時候，我地係未上台之前係台的一旁練習！

點知有個大叔係咁用部攝錄機係度拍！拍到我地個個"利"埋，佢度重要拍，真的有點兒想打佢！

如果光明正大地同我地講左先拍，我唸我地絕對唔會咁嬲羅！！

不過可以同極樂咁近距離，而且佢地重話幫我地拍埋表演片段添！！Yeah！！

這是值得高興的！！