星期三行左好多路，整日行程如下....
屋企-->UCC-->黃金-->南昌村-->西九-->慈雲山-->長沙灣-->南昌村-->美孚-->屋企
晨咁早就要番UCC補課....
補到十點半，就同Gap頭傑搭地鐵去深水埔。係石硤尾站裡面，有個年約30歲既男人拖住佢條女係我身邊相向擦身而過，佢條女隻手唔覺意撞到我隻手，明明係佢撞到我，佢居然話隻手好痛。佢條仔就係度冷緊張，係度鬧我，我冇理佢繼續行，佢就一路行一路鬧，又話我乜乜乜，又話要打爆我隻眼...白癡，得個講字就冷巴閉，又唔見佢番轉頭打爆我隻眼...(香港人既特點：得把口勁)。Gap頭傑仲傻下傻下，聽到有人好似想鬧交，居然行番轉頭去望，俾果個男人怒睥，我叫佢唔好望快d走，佢仲問我發生咩事.....唉..
去到黃金要搵一間舖，搵唔到，白行一趟....
之後去Gap頭傑屋企坐，約左ng輝係西九等埋一齊去果個乜鬼健康檢查，所以坐左一陣就走，去西九順便食埋lunch。
食完就搭地鐵去黃大仙，行路上果個伍x瑜xx院，條路又長又斜，加埋室外30幾度高溫就真係「正」=.=........上到去xx院仲見到兩個「自己人」。檢查要度高磅重，怪事發生....度到我166.3cm(有冇搞錯=.=)，ng輝仲搞笑，佢縮左水....矮左6mm，問埋果兩個「自己人」，其中一個都話度矮左(把尺一定有問題....).....無奈...
檢查完ng輝帶彭彭去Gap頭傑屋企，我就去長沙灣拎野，拎完野再去Gap頭傑屋企。
係Gap頭傑屋企打機，到六點鐘就去一干人等去美孚番跆拳，位於孚佑堂。俾教練指我出去同人「切磋武藝」，同個紅帶高手比試....平手....圍觀既人睇到呆左...
練完去左M記食野，豪氣的教練..資助$3.33....=.="....食完都成十一點，搭馬鐵番屋企...番到去十一點九。 | 
