新年快樂！

2005年既最後一日，去左倒數。

原先諗住去Time square，點知去到銅鑼灣已經太遲，周圍都封路。順住人流一路行，

諗住試下入time square。俾女警fake哂，佢指條錯既路俾我地，搞到我地兜圈。

兜完一個圈番黎又見到佢係度fake人，唔會再上當= =

點知兜完圈已經太遲，警察唔俾人再入time square，我地無奈之際心裡痛斥該名女警。

徘徊左一陣決定搭的士去天星碼頭，再轉船去尖沙咀。

黎到天星碼頭，諗住去立法會果邊參觀下先再過尖沙咀。果度有個繽紛冬日節，裡面有大電視，

有樂隊表演，仲有"美少女"表演跳舞(果d美少女當中只有一個係覺得靚= =)

我地見果度咁熱鬧，就唔去尖沙咀，留係中環倒數~

倒數前1分鐘，個大電視直播Time square既明星，全部人就跟住個大電視倒數~

夠鐘果陣d人就放紙炮，成天都係紙碎，好似開party咁。

倒數完hea左一陣就搭地鐵番屋企

今日deadline要清櫃筒+locker，琴日已經將大部分厚書「撤走」。

櫃筒內剩餘大量廢紙。清理廢紙時再次出現兩本已經封塵既書--「八XX 上、下冊」。

(呢兩本書又再引發起d不快回憶。起源不在此詳述。關於兩本書既事，起初的確幾激氣，

依家諗番起，都已經唔覺得嬲．．．為左呢d小事居然同人絕交= = 值得咩....

依家有少少後悔...事實我又係奸既= =.............過左去既事就算喇。)

lunch time 之後係歌唱比賽...輸哂....三甲不入。

盡左力喇~而且目標已經達到。

放學去左西九買野聽日聯歡會交換禮物。

買左隻唔知叫做乜鬼野不過隻眼會轉既鎖匙扣俾自己，至於交換既野就...嘿嘿~

彭彭就買左件正野~邊個抽中就真係好彩喇~

ivy送左d糖俾我做聖誕禮物~好有心思^^ 多謝哂！！

星期六，又去左表演

今次又係係嶺南之風。我比較鍾意佢個表演台夠闊夠大^^

首次擔當番頭(負責指揮隊員敬禮&次序)，幾好幾好~ 亦因此令我只有一項表演.....

一點鐘就去到彩排，到二點半就開始係後台預備....

靜坐左半個鐘多d，終於有得做...

期間不斷同中聖既李桂翔吹水，原來佢依家已經冇番何寶怡果間教會。

表演完換好衫都成三點半，搭車番屋企。

主辦機構都幾吝嗇，淨係送罐汽水就算...仲要係數量太少而有人冇得拎= = (如果係政府主辦既話通常有紀念品&錦旗)

.
.
.
據報暫定二月會去西九做show......如果有時間學識前空翻or後空翻既話到時就有野睇喇

今日放假。因為懶，起身冇梳頭。咁就出事喇......

我落街睇醫生，諗住幾步路，去一陣就番，隨便笠件衫就算。行行下，俾兩個差佬攔截

「唔該你拎張身份證出黎睇下。」差佬云。

「冇帶.......」我云。(我不嬲都唔帶身份證出街)

「你住邊架」差佬問。

「附近...」對曰。

「幾歲」差佬問。

「16................」對曰。(大鑊...)

「咁你身上有乜野」差佬問。

「乜都冇。」對曰。

「乜都冇？！」差佬愕然。

「有一百蚊...」對曰。

「念在你仲細個，今次放過你。不過你都要遵守法例，下次再俾我見到你而你又冇身份證既話就要帶你番差館。」差佬云。

「.......................」我無言以對。

個差佬見我披頭散髮，衣著隨便，就以為我係大陸人= =.........咁係咪等於迫人要著名牌出街？？

今日冇咩特別= =