死得.....................
今日去圓玄學院第一中學考oral，
搭馬鐵去大圍轉東鐵去九龍塘轉地鐵去葵興轉的士去試場......
搭緊車果陣有個匿名電話打俾我，問我係咪去圓玄考oral，問我識唔識去..etc.
個電話講完我都唔知佢係邊個~"~(跟住就諗起"奪命狂呼"既情節)
好早去到試場，原來有好多人仲早過我。
冇幾耐又有個匿名電話打黎，終於知道佢係乜水(曾xx)
佢又係黎呢度考，有熟人都好d= =
吹左陣，夠鐘去等候室報到等考試。
我係第一批考既人，第二組黃色考生D= =
o係預備室有6分鐘填寫Part1-role play既試卷，唔算好難，夠鐘就去考試室。
入到考試室都未坐定，個考官即刻禁鐘開始計時....
匆匆忙忙就開始講，由於我係考生D，所以考生ABC都坐哂係後面聽住我考role play= =
好緊張....唔係驚開口講野，而係驚講錯野....好彩interview果部分問問題問岩哂，拎到所有答案。
跟住就去隔離檯向另一個考官匯報...匯報5條錯左1條......唉..咁又冇左幾分= =
跟住即刻開始四人discussion。
我搶左個leader，up左兩句，跟住開始語無論次= =
我好多野講，不過亂up一通，文法勁錯=0=我都唔知自己up乜......
另外有一個對手同我差唔多，全場幾乎得我同果個講野。
有個肥仔仲衰，完全冇講過野，連yes/no都冇講過。
我地有試過幫佢講野(我地呢個行為完全因自身利益所引致，因為幫助其他考生會有分加~)
點知佢望左我地兩眼，跟住冇理我地，當我地透明.\ /. ，哂我地d時間之餘佢唔回應，我地冇分加，白做!!
最後一分鐘，有個考官終於忍唔住警告果個肥仔"Candidate C, do you want to say something?"
呢句野重複左三次，個肥仔睥下個考官，冇出過聲，當佢冇到，我同其他人O哂嘴dead air左十幾秒!!!
個考官叫我地繼續，但係已經冇時間，仲有幾秒就夠鐘...
夠鐘就走得，出到去，另外果兩個考生話番俾我知，
個肥仔考role play果陣，講完"I am Chris Wong"之後就冇再出過聲=0=
個考官問番佢"Are you want to ask me something?" 個肥仔又冇理佢
笑餐死~居然有d咁既人~
又多一個烈士為12萬會考生墊屍底。
我係最早考完果group，出到去等埋曾xx，等左好耐= =
俾人捉住做問卷，我最勁，連人帶筆&問卷趁佢地唔注意走人~
同曾xx搭巴士去mk，o係朗豪坊見到久別兩年的小飛擦身而過，我地互睥，笑一笑，冇講過任何野。
夜晚同紙圈、大王、董標、盧向去奧海城睇波。
我地快手快腳o係大電視前面霸左個好正既頭位，未開波d人已經湧哂過黎我地呢邊個大電視睇。
大王係咁叫人打電話向朋友炫耀(我緊係唔會做呢d低b野 )
為左趕搭搭尾班車番馬鞍山，睇完上半場就走人。
番到屋企成1點幾。 | 
