一年過得真係快，今日又係UCC陸運會。
雖然好遺憾地冇機會參加比賽，但係能夠到場支持係一件十分高與既事。
於是今朝早十一點左右就黎到深水埗運動場。
黎到既時候，大門係關上的，有一個prefect把關。
托head-prefect LingLing既福，只要出示學生證就可以放行。
入左大門之後至到行去藍社既看台，順序遇到Monchichi、(Esther + Gloria) x 許、小招、徐x豪。
當時進行緊五千米，全部社職落哂去打氣，藍社人員一度真空...(其實我有帶衫諗住可能跑下五千米，但係竟然已經開始左!)
咁惟有同徐x豪o係看台作壁上觀，吹水。
五千米結束後，各位都陸續番到看台，向我揮手問好。
其中以呀條最為獨特，以「賤格！」作為見面既問候方式。
(事由琴晚我在msn中將佢既偶像，某中性明星，錯誤辨認為「潮童」，引起佢既強烈不滿。
然而不滿過後，我仍然無法接受該名「潮童」係明星既事實，繼而在家中情不自禁地對屏幕捧腹大笑(實為恥笑)。)
此時亦即午膳時間，當大部份人都出去食飯，啦啦隊係要留低練習的，我就從旁觀看。
今年藍社既啦啦隊，雖然人數少，不過氣勢十足，舞步亦係比較特別的。(有d部分好搞笑=])
起初有些少亂，但每一次重覆排練，都有明顯進步。我好佩服社長既領導可以如此有效~
藍社啦啦隊出場方式亦係四社中比較特別的，係步操出場。
有啦啦球同毛巾做道具，仲用臨時化妝筆畫星星o係面上，整體創意絕對係四社中最好的！
如此一來練多幾次，午膳時間結束，啦啦隊比賽亦就快開始。
呢個時候開始落住毛毛雨，不過啦啦隊比賽冇受影響。
出場既次序為 黃、紅、綠、藍，呢次我地排最後。
其他社不評論太多~ 我覺得藍社係最好的~
因為藍社已經將隻舞發揮到最好，o係我眼中已經嬴左冠軍~
啦啦隊比賽結束，回到看台上同d「花生友」吹水。
仲收購左一條藍社限量版毛巾~ (附圖1)
天雨關係，停賽幾刻，風聲雨聲吹水聲聲聲入耳...XDXD
玩到冇野好玩，用化妝筆畫到手腳都係字、符號，仲整左好多無聊野..笑到肚痛..XD...(附圖2)
有人聲稱黎做問卷訪問...我又亂up kai野...(份問卷都唔知係真定假=.=)
咁就笑左成個下晝~ 好開心^^
最後頒獎禮，藍社一個獎都冇...不過唔緊要~ 比賽梗係有嬴有輸架啦。
啦啦隊冠軍綠社，亞軍紅社。
(又要講下故仔，話說以前啦啦隊比賽只有冠軍冇亞軍，
直至去年開會果陣我就提出設立亞軍，獲得通過，於是自06-07年度起啦啦隊就開始有亞軍。)
啦啦隊雖然輸左，不過表演過程中動作齊整，冇出錯，就已經成功左~
mei2你係得既~~
今日過左好快樂既一日^^ | 
