3/10 陸運會前一天
早上照常上課，放學後除左約幾個社職留低夾一夾跳舞之外，仲要去地下將陸運d物品封箱，
搞到成七點先至走。之後同燒賣仲要去買絲帶，買唔到，搞到成十點半先番到屋企。
晚上番到屋企，飯都未食完，就要即刻約班社職聽朝七點至七點三到逹會場。
其實真係早得離譜，估計班友遲到得黎七點搭三、四到齊都差唔多，但卻遭到批評。
有對我不滿既人，當面猛烈評擊我既領導手法，但又唔明白我既苦衷，極度失落。
開口埋口話我唔聽人地既意見自把自為，但係我叫人黎開會討論聽意見果陣，到既人一半都冇。
時間又緊迫，迫我要自己做決定。決定好喇，唔鍾意就話我獨裁等等。
時間緊迫請合作d唔好拗，做野自動自覺最理想。
支持我既人都算多，好幫得手，多謝你地。
"忍耐"令我不致於千夫所指。
4/10 陸運會第一日
今朝五點起身，諗住六點就可以出門，七點就會去到會場，點知出左少少意外，搞到遲左10分鐘。
搭二去到，敝社社職小貓三四隻。到左搭四，其他社既社職幾乎到齊，敝社仍然係得小貓三四隻。
搭七果陣終於黎左大部分~
等等等，等到車貨黎到就，開始佈置場地。
報置好哂，八點d人開始入場。
馬上就要開始進行進場儀式。叫哂班啦啦隊落去進場，然後四社男社長就去升旗。
升旗果陣搞出個小笑話~ 校歌一路唱，一路升旗，Vincent見到支旗好似就黎升到頂，就話"唔好升高過區旗呀~~~"
係地o係旗杆下面既角度望上去，支校旗真係好似就黎高過區旗，咁就停手冇再升高支校旗。
以為冇問題就閃人，行到咁上下，一另轉頭望番支旗......未升到頂之外仲差好遠先到=0=
....."下半旗"......社長們見到，尷尬地一路笑一路行....仲俾u-channal拍低左.......=w=
社長番到看台，今日陸運會正式開始。
馬上就召集左我所參加既"跳高"同"三級跳遠"。
我參加果三項個人比賽都係從來未玩過....
跳高，一開波1.4米，跳唔過=0= 原來規則唔俾雙腳起跳...無用武之地=.=
降至1.35米，都係跳唔過....算...
三級跳，居然入到決賽，不過最後都係拎第七名=0=
兩樣都比賽完，但係冇得休息= =
因為要趕住搵人參加社際4x100& 4x400....
基本上成朝都冇停過...
然後就要去跑班際4x100，同Dicky，Kary，Wingki一隊，
我跑第四棒，不負眾望，冇俾人追過，拎到第二~~~
之後又係去睇社際= = B,C grade輸到.......唉
校方有d維他飲品支援一下四社，拎左27包，留左d俾班社職，其他就用黎鼓勵下幫手打氣既人。
中午留守中一lunch= = 居然冇餐具送黎，搞到班中一遲左咁多先至開飯~"~
訂飯真係好難食=0=.......不過有得食好過冇~反正唔洗錢
等班友食完，帶左班啦啦隊落去試下個場，一片混亂=0=
到夠鐘，就到下晝既比賽。
下晝我只有社際4x400要玩...
長途比賽我唔在行，通常跑完番黎會頭暈眼花=0=
於是跑果陣我果隊一直都係包尾......
接下來的時間又好多野跟手，o係看台上看台下奔走= =.....真係好攰
飲水好似飲極都唔夠咁.......果d維他俾我飲左6、7包都有=.=
當學生們都離場之後，又係社長社職們工作的時候，清場&封箱。
搞掂之後就同細mike&幾個社職去m記hea，講出好多心聲，我則有所「頓悟」。
太累了，搭火車番屋企果陣不由自主地訓，企o係度都可以訓得著= =
番到屋企仲有野要跟.....十二點終於可以訓zzzzz..
5/10 最後一天啦啦隊排舞
約左d社職8點半番黎，不過我又出左意外....鬧鐘叫唔醒我=0=...自已彈起身果陣已經8點搭三...
趕到番去已經係九點...真係好對唔住.......
由於情緒低落，講說話都冇力氣，簡單地講解一下排舞流程就叫d人上去課室準備一下。
我就去mrs鄭果度抽簽。
之後就帶班啦啦隊落去B座操場練，先執下d位，效率高左~
不過仍然未夠齊，又有人跳錯，仲係有d混亂。
於是花左整個早上既時間分開兩邊去練齊，練熟，有進步。
12點半就放lunch，社職們仍然感到苦惱，因為仲有一分半鐘既舞未教...
去左興發lunch，討論「如何用最短時間組成餘下陣形」，食完就去左welcome買d野飲俾班啦啦隊，
於是遲左少少番到學校。
番到去馬上就練一次之前教過既野，奇蹟就發生了~~~
突然之間，40人變成一個人，80隻手變成兩隻手。前所未見的合拍，睇到o哂嘴....
振奮人心的一刻，激發社職們以往缺乏既合作精神，主動左，積極左。
接住就係排埋下面一分半鐘既陣型。
依照lunch果陣諗既方法，果然係好短既時間就排好左另外兩個陣，速度之快超越預算。
請埋佢地飲野，跟住多次重複地練習，四點鐘準時放人~
放哂人之後，聽到一d負面既謠言，但係好快就從"外交途徑"解決左。
之後就同部分社職去石地再夾下隻舞，又玩下捉老鼠~
天黑就走人了。
------ 今日既心情由極度失落轉成十分興奮，多得班啦啦隊咁合作，真係好鬼感動~~~
6/10 陸運會第二日
汲取上次俾人批鬥既經驗，今日約班友七點半去到會場，但係到七點九d人先開始到~"~
約早又唔得，約遲又煩麻，做人真係難。
極速佈置場地，我同濤fa就去升旗。
8:00a.m.，一開波就叫百一米欄召集。落到跑道有大把時間熱身同試欄，原來d欄都唔係好高o者~
未玩過跨欄，俾人笑我跨果陣凌空停留半秒,,,(輕功?!)
不過都好....小組賽有第四名。
跟住就上看台，叫d人打氣~今日敝社嗌得最大聲!!
嗌到好興奮果陣，俾包包彤捉左我去學會接力~ 去錯左召集處,,,
~~~天文學會~~~第一條線。我跑第一棒，副主席第二、主席包包彤第三，我條lan黃x勸第四~
第一線起點o係最後(終點位置...)，企左o係跑道咁鬼耐都未開始~ 等到好悶:-p
準備起跑果陣真係好鬼興奮...(喪左...)
開跑果陣好有快感地飛出去=w= 爬頭過左兩個人~哈
交棒果陣有小意外，交左兩次先接到棒=w=
跟住好順利咁去~最後拎小組第三~超開心!
不過冇獎拎，因為俾田徑隊玩哂。
跟住即刻就到五千米。
起步果陣狂奔二百米....之後慢慢行......
跑幾下就冇氣...再次證明我唔係長跑既材料=.=
又曬又熱，曬到面都紅埋~"~
5000米完左就lunch。又係冇得出去食，雖然有免費午餐，但係冇乜胃口冇食到。
班啦啦隊好快咁食完之後就落跑道練下，雞手鴨腳....紙圈失蹤電話打唔通...又冇CD機播歌...激死人.......
thx包包彤幫我拎個大聲公落黎......用手機搭大聲公播歌=w=
全世界等紙圈一個番到黎，開始練。
最後練左幾次，做得好好~可以出場比賽。
第一隊出場，總覺得有d蝕底...
睇番video，跳得好齊好靚!!! 我&紙圈solo同整果下L-KICK全場尖叫~
同女社長整果下一字馬睇到d人O嘴...(本來有側空翻...不過被禁止左...=.=)
好開心!!嬴得全場掌聲~~努力冇白費!
番到埋場邊又派野飲俾佢地~睇埋其他社既啦啦隊，最好係黃社；紅社好搞野~人地話vincent跳到似魷魚^^
睇哂四社啦啦隊之後，就同班啦啦隊一齊檢討一下~
真係做得好好，有人扭傷腳都跳；
女社長今日隻腳指腫哂，連朝早既比賽都出唔到，不過都堅持要跳啦啦隊，
其意志值得表揚!!!
最後仲鼓勵班啦啦隊上到看台一齊打氣，大家情緒激動地衝左上台吶喊!!
感到滿意，係做社長最有意義的事~
之後接受u-channal訪問。個"記者"(我既啦啦隊員..)唔夠專業，影緊果陣係咁笑...NG左好多次，
跟住仲捉埋紙圈做訪問，爆笑~!!
搞一搞又半過鐘~不過又幾好玩~
搵埋老師跑接力，今日既任務接近完成。
結束前有頒獎，藍社拎到「啦啦隊最佳表現獎」(即打氣獎) 、「女子組全場總冠軍」同埋「全場社得分亞軍」。
成績好好!!!
之後四社社長降旗，陸運正式結束。
冇人跟車番學校，唯有我去....搬貨上車，跟住坐細leung架車番學校....
跟住番屋企了。
突然醒起原來今日中秋節，不過冇乜特別~ 陪屋企人~
晚上去海灘燒蠟燭，好無聊....
7/10 無聊
訓到下晝三點半先起身....腰酸背痛，冇野做，睇下電視食下飯又一日。唔想做功課=0=
8/10 懶
唔想做功課，仲係腰酸背痛....勞動完一個星期，休息兩日都唔夠。
9/10 番學
琴晚乜功課都冇做.....今日死喇...上phy俾人話...英文埋積住勁多聽日交既功課=.=
今晚有排做....
10/10 ........
琴晚做到兩點半先有得訓....慘=.=
今日仲有中化，appi math....
11/10 PE
今日P.E.玩彈網，好玩!!!!
聽日quiz phy....冇時間打blog
12/10 .....
lunch果陣angus請我食壽司，哈哈~thx!
F.P.堂去chapel，講果個話題....
俾人點左相要講下d見解=0= 起哄....
13/10 =.=
pure做得咁辛苦...因為冇改正就俾人記名仲要唔計我功課分~"~
無奈中..............
聽日終於有假放...
| 
...............