悶到發癲的我終於決定重返校園。今日lunch time番左燴雞。
放飛機好睇，最型係果架銀紙飛機
打鐘後入library做數學pastpaper，又做唔哂，長此下去只有repeat的份
我對library果位劉先生極度不滿，我認為佢係食飽冇野做而多管閒事
我上次一俾佢捉係上星期一既事。話說佢果日食完早餐冇野做，就周圍行下捉下人，咁岩俾佢見到我從影印機頂
拎左一張廢紙準備摺飛機，就走埋黎話我犯左香港既法例，話自行拎走d廢物係犯法，於是捉左我同彭彭去訓話一番。
今日我地圍埋討論，佢食飽飯冇野做，又覺得我地有問題，在校幾個鐘佢就一路監視我地，搵我地d痛腳黎記名。
包括 monkey俾佢捉頭髮、leoli俾佢話唔准睇漫畫(本漫畫係library既書)、關二十&vivian就俾佢話郁手郁腳。
其實犯規最多係我，我頭髮長、著波鞋、唔攝衫、library食糖、聊天，反而我冇事。
之後我地留意呢位劉先生，發現佢係唔係都搵d野捉下人，指手劃腳，開口埋口就話要記名，比訓導主任更積極。
請問佢係邊位老師？係邊位主任？原來都唔係，佢只不過係一個打雜，閒時幫人影影相，set set機，未見有何貢獻。
好一個打雜多管閒事，難怪咁多人背後詛咒佢。 | 
