今日加油站又冇我份喎=.=奇蹟
好想去加油站參觀下，我讀左咁耐書都未去過，唔知係咩樣呢？

今日lunch同Additional Mathematical Lo 食，佢同我討論信仰既問題=.=
好無奈，熬到打鐘=.=

lunch之後上math堂，派測驗卷。拎45.5/50分=.=好失望....搞到我冇心機上堂，係度諗究竟我衰d乜。。
老師教書，我係度畫龜，俾Mathematical Kam 見到，佢都忍唔住係度笑

▲我隻龜...

放學，仲有好多功課未做完，圖書館做埋，即刻交左，唔洗記名^^
做完就落去練野，教練冇番，手機打唔通，原來岩岩佢轉左份多d錢既工，以後hi-tea有著落。咁岩Mathematical Kam 又得閒，佢帶練體能。
最後一次練習，班友仔又唔聽話，難教矣=.= 下年我退休冇得玩lu~要會考。

呢排好黑仔，可能係我講人壞話講得多，有報應=.= 今晚功課有排熬，難得抽空打日記。

乜功課都未做，成日就係做功課
仲有d功課留左係學校，大鑊=.=
聽日加油站見！

音樂會我有份唱歌，同全班一齊唱。
所以四點幾就要到大會堂，等左好耐先有得彩排，然後排得果一次咁大把就放人。
五點幾咁早咪去廣場食野。食左我$36，咁貴，去搶唔好？！
食完野同幾丁人去行商場，同埋運吉。行行下遇到詛咒，應驗左我既預言=.=
去左無印買左兩支筆，時間差唔多就番去大會堂。

我地班一場出就俾人噓，我認得係3E果d人做。
表演完就睇人表演，都幾好睇。

睇完就散場，突然見到有個鄭XX(下稱XX彤) "飛奔"出去唔知去邊，然而佢d好朋友就俾佢遺棄，such as xx珊，
我feld到佢好可憐=.="
等齊人就一干人等去搵野食，結果乜鋪都關哂門，行左好耐，終於有間茶餐廳未關門，去左入去坐。
一睇價錢牌---$30、$32、$30、$38.........好無奈...為左報復我飲哂佢杯茶，乜都冇幫趁就鬆人。
一怒之下衝左入7-11買左支雪條，請埋我d豬朋狗友。食完就乖乖地番屋企，番到屋企都十二點幾lu...

今日冇乜特別=.=