8月22日 ----- 長洲
今日正是去camp的日子[一]！！(注[一]：Tammy教會搞的camp)
朝早訓過龍....本來約好左我地「四隻king[二]」佢地一點半o係中環mtr等， (注[二]：大王,gap彭,紙圈&我)
結果遲左廿分鐘先到= =(住得遠就係咁唔方便....)
大隊兩點鐘集合，搭新渡輪去長洲~
終過上次乘風航一役，我已經練到唔會暈船浪~"~
係船上無聊，同佢地玩「打手」，痛到標眼水~"~笑到好大聲影響到其他人.....
一路玩埋d無聊野玩到落船........
上岸之後點齊人數就去「渡假村[三]」分房。 (注[三]：私營的渡假屋)
全team預先租左一間三層高的渡假屋的其中三間房，分別於一、二和三樓。
我地就佔據左二樓果間，有八個人用一間房=0=
休息左一陣，去埋惠康買飲品(呢幾日既食水源)，四點鐘左右就全部到一樓間房聽人講道。
聽完道就自由活動，買左條價值十蚊既沙灘褲(有花花圖案果d...)，換好埋條褲就去沙灘~
沙灘幾多人，之後行左去d舖頭買野食。
行下行下又番去沙灘hea，hea到七點鐘去碼頭迎接jo姐，然後去食晚飯。
晚飯去間小茶樓，都算飽肚。唔知點解一見到茶就飲....飲左勁多茶....
唔止係我，個個都係咁...(飲茶會傳染?!)
大王可能無聊過頭，連食飯都要搔擾人。人地飲緊茶就拍人個頭，搞到成嘴都係茶.\ /.
邊食邊要提防俾佢襲擊.....
食飽飯冇野做，四條友走去買漁絲同沙蟲去碼頭釣魚=0=
碼頭釣左好鬼耐都冇，去左沙灘釣~
去到冇幾耐就俾我釣到!!!仲釣左五條~ 其他人一d收鑊都冇，嗌悶走人=0=(無耐性之表現)
跟住帶埋d魚同d蟲番去渡假屋。放o係枱面，冇幾耐d魚就死哂。
我都話d魚要掉，大王話唔掉得，連埋d蟲放左出露台=0=.....(預計會產生陣陣惡臭...)
睇電視~
(--承上--)8月23日
睇完電視之後成晚就玩啤牌、killer。
玩大話啤全靠我既心理戰術，"哂冷"9次全部俾人食到應一應，絕非巧合!!技驚四座，旁人咄咄稱奇。
玩killer，下下都係我同tammy一開波就俾人殺....一係就我同tammy互殺...之後協議合作，卻又暗中互殺=0=
玩到凌晨四點幾，去7-11.......夜晚通街都係曱甴~"~
番黎差不多五點，訓左冇耐近七點鐘俾人叫醒.....(冷氣太凍，凍醒左幾次)
聞到d強烈既魚腥味就醒起d魚....oh my goodness.....
梳洗完大隊去食早餐。去左碼頭附近一間大排檔粥舖食粥。
之後有一段break time，跟住就行去山上既神學院參觀。
好熱，好攰，上到去果陣件衫濕哂。
o係神學院玩下集體遊戲，中午就o係裡面lunch。
幾無聊咁lunch完就落山番去渡假屋。
沿途地上有好多松果，無聊起黎執d松果互掟，之後演變成大戰=0=(俾松果掟到都幾痛...)
番到渡假屋，又好無聊....幾條友玩人疊人。喪架.....差d壓爆我個肋骨籃，玩埋d危險野~"~
之後就跟陳雅去租單車，去張保仔洞做海盜！！！
將架單車踩上山，全部人鎖好車之後步行150米去洞口。
呢個時候大王稱無聊，押埋紙圈掉頭落山=0=
得番六個人去。
個洞口好多垃圾....同埋入去張保仔洞必需要一支電筒。
我地冇人有，好在隔離有個當地既小朋友o係度租電筒，用$5同佢租，
仲請佢帶埋我地入去個洞(因為人人都驚...陰深恐怖，而且唔知裡面有咩蛇蟲鼠蟻=0=)
個洞都幾深，洞內有d冰涼既山坑水o係石上面流動，空間好細好黑，不過好涼~ 簡直係一個洞。
洞既山口o係另一邊，有好大個蜘蛛網....
張保仔洞真係正~
跟住落山去食糖水~then番渡假屋。
換衫去沙灘。玩沙灘排球、閃避球，個波多次整親其他人....
後來佢地落水，我佢大王等人2 on 2打排球...輸左要行出防鯊網個浮波跳海=0=
我同gap彭輸.....要跳海喇~~~
落到水好爽~但不幸地俾浮波上面d貝殼界傷"左手"幾隻手指.....流血不止
被迫上水洗傷口。d傷口好恐怖=0=
hea左一陣番入屋沖涼，then食dinner。d野食唔太好味。
之後番屋睇神鵰...無聊地又去m記.....再番去玩啤牌至一點幾，訓覺.....
8月24日
訓到十點先起身....係俾大王襲擊致醒.\ /.
諗起d蟲仲o係露台.....大王出去拎黎掉...勁臭=0=
梳洗完去還單車，再去食早餐。
跟住就搭船走lu~
船上面玩左一陣打手&啤牌，但有人暈船so冇玩.....
一號風球隻船拋得好勁~(海盜船!!)
我覺得好過癮，同眾人一齊歡呼~....暈船果d就更暈~
落船就搭地鐵走。
Tammy等人話去海怪公園.....(拎住一袋二袋野去?!番大6= =....)
加埋有雨....我就冇興趣o係咁既時候去喇....
完
8月25 --日本沉沒
本來約左gap頭眾朝早九點半o係mk等，去睇戲.....
點知鬧鐘叫唔醒...結果訓到九點，
巧合地一個唔關事既紙圈打電話黎先至驚醒(天意？！)，已經冇可能趕得切= =so sorry.....
冇計唯有叫佢地去睇先....
於是再約紙圈&大王兩點去睇---日本沉沒
套戲......幾悶= =
| 
(注[二]：johnson唔識講中文.....)
