多虧細mike既家姐識人, 先至買得到海洋公園哈囉喂率先玩門券。
於是一放學，大家趕番屋企換好衫，就去海洋公園了~
搭直通巴士到集古宮入口，先玩山上機動遊戲。
玩越礦飛車，由於冇乜人排隊，所以好快就玩左兩次。
玩完呢個，就行過去另一邊玩其他機動遊戲，途中遇到好多鬼野
▼呢間係「人雜舖」，賣人體四肢內藏小食...
▼於是我地走去幫趁
▼特色小食
幫趁完了就繼續起程，沿路遇到唔少妖怪...
 
 
 
跟住就去玩過山車，冇人排...又玩兩次...
之後玩海盜船，多左人玩，排下隊又玩兩次。
原來有一個鬼屋就o係跳機旁邊，叫「xx嚇輪」，於是就去玩了~
我都係貪好玩，身先是卒行頭入鬼屋...o係鬼屋外面聽到裡面d人慘叫，開始後悔做乜咁衝動帶頭..
等左一陣跟就入鬼屋了，起初入到去都幾驚，因為d場景真係佈置得幾驚嚇...
但當遇到第一隻鬼果陣就有點失望...因為佢嚇唔到我=.=不過就嚇死哂我後面既人...
一路行一路見鬼，不過好似冇隻嚇到我...
只係經過一間房，d特製既屍氣味就真係好臭...
其實個鬼屋好細，行左幾間房就完。跟住趁冇人排又玩多次~
今次因為知道哂d鬼既位置，大家都冇俾鬼嚇到，仲嚇番d鬼。
附近係日本花園，去玩果度個鬼屋叫「瘋醫生解剖室」。呢個d裝修幾好，d肢體周圍放，同埋幾夠大。
玩完呢個之後就去玩滑浪飛船。其實滑浪飛船都係鬼屋，不過形式有d唔同，
就係d鬼企o係一邊自己嘈，我有我地坐船。
況且我地玩果陣d鬼都未預備好，仲o係度同人吹水，所以我地feel唔到究竟有幾驚。
此後沿路行去集古宮主場果邊，有免費食物，爆谷同汽水，咁岩我又冇食飯，今次旅程有得食有得玩真係好抵!!!
主場果兩個鬼屋「冥通大靈堂」&「東瀛凶間」最多人，排隊都排左一兩個鐘。
都幾好玩不過由於大多人同時入，d鬼嚇完前面果個就嚇唔到後面果d...
排隊期間仲見到BOYZ既KENNY。
用o係主場既時間太耐，趕時間玩埋「鬼旅逃生」同埋「死囚浩劫」跟住搭纜車落山。
落山後馬上就排隊玩「鍾馗捉鬼」，呢個係全場最好玩而且唯一嚇得到我既鬼屋~~~
d裝修有濃厚既中國傳統色彩，內容又係傳統既鬼神傳說，排隊果陣已經覺得應該幾好玩。
賴麒o係鬼屋出口俾「死神」嚇死，我親眼睇住佢彈起....
本來想玩多次，不過出黎之後見到已經好多人排，所以玩其他野先。
玩跳彈床，夾到我好痛....
跟住去兒童王國諗住玩「鬼迷宮」，點知冇開，成條路人影都冇隻。
一場黎到兒童王國順便玩埋「旋轉熊貓」(以前係騎木馬，依家變左騎熊貓...)
玩完呢個之後大致上都玩夠，十一點半大家就離開了。
| 
