日日係學校都做足8-9個鐘(有時10個鐘)
呢個星期仲要上老師既培訓班(每日3個鐘,一連5日)

今日條頸唔知係咪扭傷....好痛
返到屋企又要改好多好多卷...
好沮喪 :(

做學生辛苦
做老師都唔差ga!

所以您地要好好對每一位老師~!!

過兩日又收多3大疊grammar卷
LE 都未改晒....
您地考完試
到我地辛苦改喇...一次100幾份,每份7-8頁呀!!

所以唔好成日吹老師快d派喇...
您地應該多體諒我地做老師既...
當然我都體諒您地溫習辛苦
但...呢個係大家一定要經歷既事~

我以前讀書咪一樣好辛苦
但都可以撐得過
所以您地都可以~ 加油呀!

記住...想要一個開心既童年(唔讀好書)就唔會有一個開心既成年~

掛住做part-time既...
您地驚第時冇得做野咩
將來...有排您返工呀!!!
所以而家您地既責任應該係..讀好書,升班,畢業...
而唔係做工/打機呀!