岩岩攞左驗血報告, 醫生話我體內真係有肺結核病菌, 但唔駛擔心, 我係健康既帶菌者, 唔會傳染人, 只要食半年預防藥就ok! 我身體其他問題都好好, 醫生話我肺, 腎各方面都健康, 紅白血球都冇事, 又冇糖尿病, 所以食藥唔會有問題, 負作用只係會有d疲累...所以唔駛擔心, 多休息, 心情愉快, 注意健康就冇問題!! 大家都唔駛驚左我. 因為我唔會傳染你地, 但如果我唔食藥, 一抵抗力差就可能會病發, 所以都係食藥安全d!

之前因為有學生患有肺結核, 我教過佢(雖然佢返得一堂), 但琴日防肺結核中心打俾我叫我今日見醫生, 今日下午去, 醫生話我照肺冇問題, 但試針呈陽性反應, 體內有小小肺結核既病菌, 佢問我食唔食藥, 食就要食半年, 如果唔食都得, 但如果抵抗力差就好容易發病, 到時好痳煩, 仲會傳俾身邊既人, 我抵抗力咁差又成日夜訓, 精神壓力又大, 唸唸吓都係食藥好d, 唔想影響(傳染)身邊年老既公公, 細佬, 朋友, 同事, 學生…醫生叫我3月1日早上再去抽血, 驗血, 再做一個簡單既身體檢查, 如果肯定有, 就更加要食藥, 如果血裡面冇, 都可以考慮唔食…之後再驗血再覆診…希望冇咩事…真係唔想又影響到人!! 醫生話我身體差…不過食左如果抵抗力好d都可以預防4-5年…唔食既話, 身體一差就病發 :( 唉…點解最近咁多事發生??

我們昨晚分手了 但放心 我仍會返工 雖然身體好似冇靈魂咁

每個星期六, 日, 我唔駛講書/話學生, 所以把聲都會好好多, 舒服D, 一到星期一, 我把聲又開始沙 >< 聲帶真係冇以前咁好...希望唔好繼續惡化, 唔想以後做手術~~

今個星期會好凍，各位，特別係學生，你地要著多幾件衫打底呀，因為唔俾著或帶出面既風褸/ 羽絨返學呀！大家保重！！（冬天著幾暖既外衣,都不如打好個底，著啲暖既內衣嚟得溫暖。）