今日又好惡話個學生, 求神俾我更有耐性, 我都要好好反省自己處理學生問題既方法...放課之後頂唔順, 都係要睇中醫, 希望把聲好快好, 中醫師話我唔夠氣...我對住d學生真係冇晒氣~~

日日都好累...琴晚又發惡夢...今日又凍...又鼻敏感~~:( 不過我班又生性左...都開心d~

雖然日日同我班一齊溫習大家都好辛苦, 中午係咁溫, 下午放學又係...但今日佢地中午溫習竟然冇咩唔開心, 冇咩怨言...哈...而且今日佢地代數測驗竟然得13個唔合格ja, 進步好多, 仲有好多人上次唔合格, 今次高分左, 有d仲好高分tim...真係好開心, 逐個讀分, 成班拍手...雖然有d都唔合格, 但都有好多進步左, 真係好開心, 溫習有成果, 希望佢地繼續努力考埋下星期既exam!!!為你地自豪...你地係得既, 其實你地係醒目既, 只係平時太lazy, 又唔聽書, 而家俾心機咪得lor!! :) 加油, miss chu同你地 S2BA一齊共同進退~

今日開始一星期我班都要係學校食中午飯,由12.30溫習到 1.15pm, 之後上canteen食飯, 1.35pm-2.10pm再溫過, 溫習, 做數, 做英文, 下午放學都係咁...係就係辛苦d, 但真係唔想見到你地成績一日比一日差, 而家每科都係全個F2最差...真係唔想你地咁...第一段唔理成績, 第二, 三段點拉分, 下星期五考試喇, 呢個幾星期係關鍵時刻, 我知你地辛苦, miss chu都係咁陪住你地, 同你地共同進退, 同甘共苦喇, 你地好趕食飯, 我都係ga, 你地晏放學, 我仲晏喇, 仲要出卷, 改卷tim...我唔會比你地輕鬆, 但我真係希望你地要好好加油, 唔好辜負我同其他老師對你地既期望 & 一番苦心, 我地只想為你地成績好!!

因為最近心情好差, 各方面既問題都令我好心煩, 瘦左 5 磅...食又冇心機...訓又訓唔著...:(