尋晚夜訓  今朝1點幾alison上緊堂既時候打比我叫我起身

心諗: 仲番唔番好...

算啦  橫掂夜晚都要出街食飯

就起身梳洗番學

(其實呢堂自己唔番  人地都可以幫我tick名)

番到學校3點幾  得番半個鐘頭上堂

正當自己開始有心機上堂  佢就落堂- -

之後落左籃球場  啊通,alison,hayley,tina係到跳break dance

我&啊奇係隔離打羽毛球  好奈無打  懷念f.3...

之後4點番ethic tutorial

hayley係到玩   有點煩- -...冇心機聽書 

完左落電腦室等係澳門番黎既啊媽打比我

contact之後就出左沙田   目的只係去搞電話問題

超級討厭3台成日呃錢!!

成日都係咁   根本成間公司係黑店黎

如果唔係sd msg  我真係唔想入你個台!

(不如3台人一齊轉其他台   繼續sd msg好過啦!)

等既其間去其他電話鋪頭睇電話 - Nokai X6

新目標-v-!!  $35xx

以一touch mon黎講  d功能又唔差  買得過~

其實之前已經望實部5800好奈

但又覺得而家通街都係  師奶細路都有  買唔落手

而家仲要新出左呢個更靚版  真係更加想買

上網search左好多評價都唔錯

有部份人就話因為佢買第一批落黎既貨  有d位做得唔好

但其他功能都幾抵玩

本來只睇中全黑色  但又覺得平平無奇  最後都係想買黃色呢隻

(第一次search電話search得咁認真)

而家只係睇定多陣   問多d人少少意見

我就會買你番屋企XDDDD

等我ar!

p.s.

一直也不捨得這部舊機 - k810i

太多往事也是與它經歷

還記得那時你是非常沉迷它內置的遊戲

你送我的第一封信息

最後的離別  也是靠著它

或許真的時候把一切都更新了

但當見到新的電話  再沒有你的信息  不是很可惜嗎

還是真的要這樣才能忘記過去的你與我

當新機到手的時候  我仍然會把你好好的收藏

我不想失去當時的你   也是唯一我能保存著的

放心  我不會貪新忘舊的

今日去mr tse家拜年~

好彩約3點啫...如果唔係4點先去到佢屋企

因為除左我之外  都有人遲到

呵-v-

廿幾人入mr tse家...其實唔係好夠位

我諗佢個單位大約...同terri家差唔多大

我地咁多個就算坐曬sofa,地下都唔夠位-廿-

d大人全部都企曬係到

一開始我仲以為會有團拜

點知坐低左無奈就玩大富翁卡大戰- -

因為多人既關係   分組淘汰賽

大約有5組  我,cajun,loka(with yoyo),李文(with紫輝)一組

我本來以為咁強勁既陣容會係cajun or loka贏

點知...竟然比李文贏左   成功升級

跟住自己玩一盤唔夠high

陪sally玩升級賽  with margaret, 紫輝,啊祥,啊re

果然係升級賽...  竟然玩左成個鐘都玩唔完- -

最後由最多地既紫輝贏左-3-  (明明差一步就贏的說)

之後紫輝叫遠處既李文:[李文!你贏左ar!]

所以  李文就變左Deal之達人

玩完就開始逗利是lu  一個非常難玩既逗利是遊戲

我同每個團友都要向每個導師講一句祝賀語  但唔可以重複

導師有文達,ms leung,mr tse兩公婆,嘉雄   我地有成廿幾人wo

大家都諗到傻左- -

最搞笑係有人講:[祝你鐵齒銅牙  霎時感動-v-]

收完利時  影完團體照   6點幾就走lu

mr tse 打擾曬~!

之後同cajun&(唔記得左名)  去朗豪食飯

會錯意tim  sor!

收穫: 收到第一封老師利是-v-

唔知結完婚係咪闊綽d既呢~

今日要番8點半....  遲左少少到

不過好彩無事~

岩岩坐低  飯罐同我講miss 唔見曬之前幾堂d attendance record

即刻開心到笑左出黎

可惜既係我之前只係遲過一堂

今堂係到學用design software - AI

真係幾好用  不過唔知係咪之前用Photoimpact多

都係覺得photoimpact d功能多d

而且AI麻煩DD... 

上堂superkai

  飯罐出cheat!

1點放學後同飯罐去食飯

食完等4點幾睇戲 - 72家族

等緊途中同啊女係冒險樂園玩

順便等埋其他人~

之後我,啊女,飯罐,eddie,啊天,慶g,billy,ginny係到megabox準備入場

入到去發現8個位都比人坐左

心諗發生咩事既時候   帶位個人同我講我地買錯飛

買左14點果場!!咩料??!

總之唔知係我買錯  定賣飛果個錯   冇位坐!

最後叫左個經理出黎傾

跟住安排其他位比我地  但係全部分開曬

亦睇少左開頭套戲...

各位..sor..

[72]睇完都真係得啖笑

不過係戲院見到有咁多tvb人做戲  好新鮮

d笑位ok...

總結:3粒星

睇完戲同各位講byebye就出元朗

因為今日約左從前跳舞fd出黎團年打邊爐

大家見到我都o左-v-  變左好多吧~

都有成兩年無見...

不過我見到佢地都o左- -..   因為得5條友

我期望會見到既人全部都唔係到

不過唔緊要啦~

食完飯  行左去千色機鋪打機

發現林允軒高左好多ar!!

去到睇人地玩21點...  好食錢- -

做莊果個成日贏既  (即係電腦)

之後去睇詩樂玩跳舞機

哈~果然係跳舞之人

玩到11點幾就走lu

今天一別  又唔知幾時再見lu

今日年初四已經要番學T^T

不過番學之前去馬老師家(中醫老師)拜年

原本諗住去到老師屋企拜個年就去飲茶

點知有一對夫婦呢錯日子黎睇病  (suppose應該係聽日先黎)

咁老師就決定睇完診先去飲

但好開心地  老師叫埋我入去睇診~

咁我就乖乖地係隔離睇老師點做

睇病既係男人

首先做左面診 - 肝有事

教病人做疏肝運動

之後把脈 - 痳巴唔通   要通通

跟住老師同個病人講怒氣唔好忍  唔好谷住谷住

個男人都未講野   女人已經係到b li ba la

之後發生左d搞笑事-v-  (呢個唔講啦)

最後12點幾  終於可以坐係茶樓入茶

但我1點鐘要上film堂- -.....

不過自己想聽老師講多陣野  食到1點先開始走

由銅鑼灣去九龍灣搭左半個頭車

入到課室已經睇緊戲 - The Butterfly Effect

講有個男仔遺傳左佢啊爸既能力  

可以睇番一d日記,舊時既相,video  就可以番去果個時間

變番細路  改變歷史

因為我遲左入去  所以唔知開頭講咩啦

我估係個男主角   開頭因為想改變少年時所發生一件恐怖既殺人事

所以返去舊時盡力去阻止事情既發生

點知愈去改變  turn out出黎既愈恐怖   更慘既事情發生

男主角盡力番去改變  但其實可以番去既次數有限

因為佢每返去舊時改變一次歷史  佢腦裡面既記憶會更新一次

(佢每改變一樣野  之後既歷史亦都會演變得唔再一樣  就係所謂既蝴蝶效應)

所以佢個腦d細胞會不停有regeneration

但係一個人既一生細胞分裂既次數係有限

所以...你地明啦

最後佢終於改變到恐怖時情既發生 

但turn out出黎既係  個男主角細細個冇識佢女朋友   最後就變左單身

結局就係咁

第一樣想講既野係個男主角

原來butterfly effect個男主角同星期一咁岩睇左[緣滿情人節]既主角係同一個

兩套戲既演繹都好唔同  都做得好好睇

至於情節  自己睇到好緊湊

某幾個鏡頭我直頭叫左出黎  (仲要係粗口- -)

因為好暴力 + 變態    (就係少年時所發生既恐怖事)

呢個係不得不讚

但唔知係咪因為我無睇開頭   我睇到好亂

成日飛黎飛去  都唔知佢想點

不過佢有d劇情又估唔到佢

總結: 好睇!

又比個trailer你地睇下

如果你可以改變歷史  你會...

選擇阻止發生恐怖既事情發生?

阻止自己認識一個他/她?

還是設局令自己想的事情發生?

全都是將人生變得更好

真的會更好嗎?

p.s.

比張film堂相你地睇

好空虛...

今日原本可以留係屋企休息一天

但niki今日經開大埔  想搵人溫書  就陪佢出黎

去左大埔墟間24m記

買野食既時候發現裡面既運作同沙田唔同

薯條比少d, 醬料唔比拉6折 (by niki)

話時話都真係niki時知多左咁多m記既野-v-

好好咁岩有角位可以靜靜溫書

其實黎得m記都唔算靜傢  不過好在附近隔離坐果d都係賓賓

可以聽到既全部都係唔識聽既語言  所以兩個都好專心做自己野

佢有佢做maths  我有我做project

順便幫niki計時做mc

一做就做左成6個鐘-廿-

我自己都估唔到竟然會做到咁夜

其實自己都有d做到唔捨得走-v-

(如果唔係啊媽催食飯的話-,-)

之後帶佢搭73A

又講番d傻野~哈

多謝niki你陪左我成日=)

p.s.

又會恰巧在我在場的時候....

笑了

現在到我陪人搭73A了 

祝君安好