一起身就比人拉左出去飲早茶

係粉嶺同grandma拜年

傾左好多野

d人開始問我有冇拍拖呢d未來野-.-

因為係李家  我始終都係最細&得自己未入大學

(6個表姐+一個家姐都入曬...  好大壓力)

得自己未有著落...

唉

飲完茶  去旺角嘉禾睇[緣滿情人節]

都唔錯  不過我自己唔係好認識某d明星

成日都唔知邊個打邊個

d情節幾好  最後都可以come up番

個結局都比到個surprise我

好睇=)

p.s.

非常感慨

訓左6個鐘都唔知有冇

就要出去旺角嘉禾睇[神火之賊]

咁眼訓...當然遲到   得自己遲遲先入場

睇完  同Leo既感受一樣 - 屎片

故事主題原本好吸引  講果d希臘神話

但佢d情節好爛....  西片黎講接受唔到

不過佢d特技又好睇過[哈利波特]既

(d特技比[哈]多好多)

睇完去舅父家拜年

超無聊...  去到佢屋企冇野做 

落左去佢樓下個商場行

但因為年初一既關係  好多鋪頭都冇開

(不過就算開左都唔方好行)

兜左個圈就番舅父家睇電視

原本舅母聊我打牌(賭錢  一番起糊)

但好乖既我諗番團契講過既野  最後都係睇電視算

睇睇下訓著左.....好攰

比人叫起身食飯  都無食慾  (死冬甩!)

未試過同親戚食飯食咁少..

食左碗飯,兩塊瓜,一舊肉  加碗湯  完

今晚睇黎都要食宵夜

原本今日3點半要早d番團契上堂

但係又遲到....4點25分先到

原諒我吧...

(究竟點樣可以唔遲到><)

今星期既題目係習俗

中國新年有好多唔同既習俗  但係基督徒係唔應該做

我又真係估唔到連[恭喜發財]都唔應該講 (發達)

之後做d劇真係笑到爆

完左團契陪cajun去買包食

我自己見到d冬甩都想食  就買左個

但係好後悔食左佢

因為我懷疑佢搞到我腸胃唔舒服

唉...

夜晚去上水二叔屋企食團年飯 - 食盤-廿-

個胃果陣雖然唔係好得  但都食左d野

10點就開始番太子花墟玩最後一晚

走出旺角火車站後  勁多路封左

自己又唔想同咁多人迫  寧願行遠少少兜大圈得自己一個行

唔知係咪行得急得際  去到自己個攤已經想嘔

果陣時已經有好多人係到行年宵  空氣勁唔流通

最後頂唔順   係打直行既人流中打橫行走出去垃圾筒果邊嘔...

好彩趕得切走到過去   如果唔係就大檸樂

(其實途中仲有扯住我  係到罵點解我要打橫行)

最衰個冬甩!!!

嘔完  自己坐係到  攞住隻老虎拖鞋訓左陣

最後坐左成個鐘多D  就跨欄番鋪頭繼續sell

就係咁  就sell到4點幾5點

最後因為落大雨  大老話唔好sell  番鋪頭避雨

就結束左2010年年宵~

買剩左d$0.6入貨既飛機  同麻唔知幾錢既風車

大老叫收鋪   咁我諗應該都唔緊要啦~

之後過左陣同飯罐周圍走  睇下有冇平野執

最後買左個吹氣波波+大大靚輝春  都只係$15

(番左屋企之後後悔點解唔買多個輝春-3-)

跟住聽到自己友大叫b-so  即刻跑番去鋪頭錄video

B-SO  祝大家新年快樂~!

最後走人番屋企

(訓落床果刻已經見到日出- -...)

p.s.

比你地睇下我地b-so既訪問

http://tv.on.cc/index.html?s=2&ss=104&i=OBZ100213-11861-02M&d=1266048582

今日上完堂就去年幫手

咁岩啊通&hayley都黎左幫襯

仲順便幫我地做麻義工  幫手叫賣

7點後要去石硤尾食團年飯

就順便同啊通佢地一齊行過去 (佢地都去果邊食飯)

上到去酒樓  原來我已經遲左到

其實親戚們都食得七七八八  得自己個碗勁滿

自己食左一陣啊通打比我  話唔夠錢埋單- -"

其實幫你埋單唔係問題 

而係岩岩先上到黎  你要我點樣同D親戚講...?

唯有同啊媽講話去廁所  但向住廁所既反方向走出酒樓- -

好彩番到去  無人覺啫~

食完飯  自己仲諗緊番唔番去幫手

啊媽&姨媽+表姐話想黎睇下   就帶佢地黎幫襯

(去到年宵附近既area已經好多人-.-)

最後啊媽買左隻老父公仔+枝花   表姐都買左對拖鞋   多謝曬~

之後就跟啊媽番屋企   比自己偷懶一日先

行番去新世紀廣場  順便去嘉禾買飛睇戲

打算星期日睇[神火之賊]  星期一睇[緣滿情人節]

早d買飛果然有好位=]

之後就抱住隻可愛老虎公仔番屋企~

今日好乖地早起身番8半design

入到課室miss都未到 (其實仲遲左10分鐘- -)

聽左陣書就開始做勞作 - 剪貼

剪d唔同既圖形出黎  貼落一張A3紙

我地呢枱人又黎superkai-廿-

  suppose要做到咁既款...

  但係我地搞成咁-口-

第二幅自由畫

玩得超kai-v-

跟住上英文堂

班房焗到就黎呼吸唔到 

仲搞到我訓著麻....

上完堂同飯罐食麻飯

出左去維園搵[會考市場]  想買d特別野

點知行左成粒鐘都搵唔到間野

原來因為比考試局話佢侵權  成間野執左

行到身水身汗  你同我講執左?!

最後番mk行陣  就去番太子花墟年宵幫手lu~

開到唔係好有mood sell野

但玩玩下就開始high左

最後亦都成功sell掂多樣貨品!

收工跟住就係最期待既活動 - 打邊爐

本來係決定12點全場熄曬燈就開始打

但點知今日3點鐘先熄燈  要涯多3個鐘頭餓先有得食...

(有點佩服自己12小時裡面冇食過野)

我地係鋪頭出面打~

因為方便雪藏既關係  全部餸都係丸  而唯一既蔬菜係金菇- -

(其實都仲有出前一丁既....)

5點鐘食飽飽就番屋企lu

出番mk搭通宵巴....新年加價   好鬼貴

番到屋企訓落張床都6點...

好彩第日番一點啫

p.s.

看見我們賣麥芽糖餅的時候

想回這首歌..

麥芽糖 - 楊千嬅

和你上次坦率傾訴生存意義
像塵封已久多年往事
為何向陌生的他抒發友情更易
只怪最好的光景到此

繁忙到沒法補祝一句生辰快樂
任由親厚的感情變薄
然而怪罪你都怕令你更為冷漠
最真心說話仍然未講

除了我記得　誰會記得　曾經嚮往的四五年
和你借一元兩個仙　如今只償還你掛念
麥芽糖始終多麼甜　苦的不過這天發現
平凡日子　寧願沒今天

除了我記得　誰會記得　曾經聽你講過戲言
和你那天遊戲半天　憑竹蜻蜓留個紀念
在人海的滄海桑田　已是定律不可改變
懷疑就此和你揮手相識不再見

難過在於只可給你包容見諒
漸遺失你的感情重量
然而我病痛都要扮作勝善鏗鏘
你終需要為前途著想

除了我記得　誰會記得　曾經嚮往的四五年
和你借一元兩個仙　如今只償還你掛念
麥芽糖始終多麼甜　苦的不過這天發現
平凡日子　寧願沒今天

除了我記得　誰會記得　曾經聽你講過戲言
和你那天遊戲半天　憑竹蜻蜓留個紀念
在人海的滄海桑田　已是定律不可改變
回頭或許　難過始終有點
　　　
斜陽下山然後日出只有他
不會厭

除了我記得　誰會記得

最真心說話仍然未講

回頭或許　難過始終有點..

只怪最好的光景到此

在信裡面不斷提著的從前的事

不知道你看了後會否有著討厭的感覺

對吧..  竟然有著這樣的曾經

這些事  除了我記得  你會記得嗎?

或許當說了一些點滴的時候會

但在平凡日子裡   你反而會將記憶刻意忘記吧

一個這樣的我..

自己現今在任何時間都會回望從前

即使在記憶旅行是多麼甜

旅行完畢後  苦澀卻不斷冒出來

當然  自己做了的事  自己也必須承受這後果

就像從前也在這裡說過  這是錯的

當知道你不喜歡的時候

自己也時候要學會改變

給我一些時間吧

自己會不再重蹈從前的覆轍