尋日又夜訓的關係..今朝起唔到身

但約左啊女&飯罐唱K

佢地又特別就我唱GREENBOX

(如果唔係咁  諗住唔出黎-v-)

就死死氣地起身  遲左成個鐘先到沙田greenbox

唱左4個鐘... 唱到好悶- -

我都係掛住同phoebe唱k既日子

可惜星期四就唔到時間><

唱完去burgerking買飯罐所謂甜甜的薯條

就一齊去左海天堂食龜苓膏

一邊食完佢地d薯條  一邊食龜苓膏...  咩都抵消曬- -

之後陪飯罐買多一杯雪糕  一個蘋果批  一個紅豆批   就番屋企lu

以上所有野都比我咬左一啖-v-~

都係鍾意食蘋果批多d!

好懷疑飯罐番屋企仲有冇胃口食晚餐- -

p.s.

I see a SHADOW of U

IT'S REMINDING ME THAT.. ALL WERE MEMORABLE...

今日又輪到我做事奉

時間岩岩好番到教會準備PPT

但安排左個新人過黎   叫我睇住佢做

所以基本上都係冇野做

食完lunch  同啊媽周圍行街

佢會咁好陪我行都係因為佢要hea到夜晚同朋友食飯

所以就陪我一齊睇鞋=]

不過元朗d鞋鋪好多都係賣女裝...-.-

自己發現到一對  寫住男女都岩著既boot

不過冇size><   自己隻腳太大...

其實我都有諗過  有d唔太女性化既boot  男仔都可以買黎著

而家通街都咁中性化   真係可以買對中性boot傢

不過...如果比你見到一位男士  係一間大部份都係賣女性boot試鞋....

跟住行左去元朗廣場

可能自己之前shopping買左好多衫褲

而家見到d 鋪頭都冇mood入去睇衫

都係陪啊媽睇多...

最後係bauhaus見到條靚靚頸巾

先見到墨綠色  之後見到有紅色

本來想買墨綠   但係因為啊媽話紅色著出黎好睇d

最後都係買左紅色~ 

不過$2xx一條- -"  好彩啊媽還欠我一份聖誕禮物~

之後陪啊媽去IT買鞋  買左勁奈...

行左去一間細細的IZZUE睇

見到一頂帽  自己無聊諗住試一下

點知~就比我終於發現到一頂可以帶得好睇既帽!!

自己知本身塊面型係唔適合帶CUP帽

所以對帶帽呢樣野已經死心

但係IZZUE呢頂又唔同  可以帶得好睇><

不過最後因為覺得一頂帽唔值咁貴  冇買到..

唯有等緊平!

其實我覺得帶帽好方便傢

出門口咩都唔洗搞  周圍帶帽搞掂~

不過就成日唔除得- -

等啊媽買完鞋  去左百佳shopping

食完糖水  自己就番屋企lu

自己煮麵食既時候   係PPS睇左[威E]

比我想象中好睇-v-

touching & meaningful

威e真係好得意~

今日1點半要番學校開會講年宵d貨

但係我同飯罐遲到  兩點先到-v-

開足3個鐘都係到研究賣d咩係真正賺到錢

學飯罐話齋  我都只係諗住賺個double

但啊jay(主搞手)真係諗住賺番3,4倍番黎...

跟住係咁ban一d好靚  但有唔賺錢既貨

暫時今日都只係得決定到7樣貨

下次繼續=]

之後就同飯罐趕番教會番團契~

今次遲左好多tim...

一番到去就開始入主題  [心+目]

意思係: 心目中的家    很有意思的說=)

跟住就係  諗諗寫寫畫畫

但以理團友們要hyper d!!!

之後就係同sally gather (sor~仲未改到口)

其實呢餐飯都已經約左好奈傢啦

起碼都係上年12月既事

今晚終於大家都得閒出黎  去吉野家打邊爐

本來我諗住番沙田食

但係sally話佢見到間MK間吉野家大d

最後就陪佢去出MK搵佢所謂既吉野家 (下圖)

我去到真係O了...

我去之前已經諗果頭邊到有間新吉野家

就係因為呢個牛logo- -"

不過~  咁都有樣好

可以帶sally去荷李活睇鞋  可以問下買boot既意見=]

去到某間入去試左兩對boot 

因為想再睇多d款  所以最後冇買到

就係咁  就比個sale白眼...-.-   咩料

以後都唔去果間鋪買!!

then問左alison  知道有間吉野家係朗豪坊入面

兩個人就行番果頭搵位打邊爐   二人一鍋~

咁既價錢食到咁好味算唔錯

不過估唔到會係sally同我掙食- -

食曬我d豆腐,豆卜><  (但明明有兩舊傢ma!!)

食完就行左影貼紙相

究竟帶眼鏡好睇d   定唔帶好睇d?

因為冇時限既關係  整圖整左好奈-v-

我諗我地起碼都用左成半個鐘有多去影

之後想傾多陣計  就掃少少街

買左杯珍珠奶茶+銀座既蝦丸

thx sally^^~

最後就一齊行去旺角火車站搭車

就完左咁充實既一天=]

下次有機會再出黎食晚飯~

p.s.

你應該也是最要好的女性朋友吧

只少也應該是和你說得最多心事的女性朋友

每次與你傾談後  總可以放低很多

所以自己也很響往跟你訢說種種的事情

雖然  差不多每次的內容都是環繞著那個話題

大家也在裡面有著很多問題

有點兒沒完沒了

但  這才是  愛情吧

總是叫人痛苦...

感謝你=]

p.s. 2

我是否真的是那類人...?

其實都不太重要

話  說了出來  總比自己一個收藏輕鬆

我希望真的會有一天  能夠不回頭對自己說

再見了  悲哀

再見悲哀 - 林憶蓮

再見悲哀因我不再計較任何結果
甚麼都可以坦蕩未在乎誰是錯
我兩眼合上失去甚麼　是與非也掠過
別固執到問一切為何

再見傷感因我不易被淚流留住我
甚麼的境界都愛自自然地渡過
去到最尾就如與物忘我　回復身心最初
面對心鏡內一片平和
鳥聲瞬間閃過　(這麼最好不過)＊

除了心　只有心　可以解心鎖
煩惱多　因我要得多
微似砂　輕似煙　怎會有風波
有惆悵　跌入了恆河

情路太彎　過就過　當是個經過
感動的愛　當做一次砌磋
沿途上遇上甚麼　都欣賞過
投入時便快樂一起過

再見悲哀因我不再計較任何結果
甚麼都可以坦蕩未在乎誰是錯
我兩眼合上失去甚麼　是與非也掠過
別固執到問一切為何

再見傷感因我不易被淚流留住我
甚麼的境界都愛自自然地渡過
去到最尾就如與物忘我　回復身心最初
面對心鏡內一片平和
這麼最好不過

傻也好　痴也好　因你記得多
忘記的　比你記的多

懷念最好　我便會　繼續愛惜我
花瓣飄過　美在不顧結果
人存活在世就似沙粒飛過
誰又曾為了誰褒貶過

再見悲哀因我不再計較任何結果
甚麼都可以坦蕩未在乎誰是錯
我兩眼合上失去甚麼　是與非也掠過
別固執到問一切為何

再見傷感因我不易被淚流留住我
甚麼的境界都愛自自然地渡過
去到最尾就如與物忘我　回復身心最初
面對心鏡內一片平和

這麼最好不過
這麼最好不過  全是一種經過

尋晚番發左個又驚險既夢

我係夢裡面同ming,飯罐等人做左特工-v-

目標係殺死春田(某間餐廳)裡面既表演者

但係因為比人警察發現左我地要殺人

就不斷係第一城裡面避開d警察

終於比我入到去春田  我即刻向上面開左一槍

要d客人勁驚咁走出春田

點知原來有班臥底警察已經係春田入面埋伏

但好搞笑既係班臥底竟然係菠蘿軍- -"

當我為左要殺個target  我諗住要開槍殺麻佢地

點知枝槍又咁岩冇彈

我就係到呃佢地  我係保護你地既自己友

仲問佢地借d子彈黎殺個target

但係個target已經準備開槍shoot我

我正同班菠蘿軍仲雞手鴨腳換緊子彈 

最後...

部手機響(現實世界)- - ..

最討厭d人係我訓覺既時候打黎!!  果個仲要係我啊媽!!

佢打黎同我講  要我出去買條水喉番黎  整番個花灑先出得去打rugby

(尋晚個花曬條喉穿左  要買過新)

即係要我出街買新水喉->番屋企整花灑->再出街去rugby

我已經忍住條氣你擾我清夢   你仲用咁既語氣要我做d咁蠢既野!

我同佢講  你自己唔得閒  就你叫d同事幫你買 

我唔會咁蠢   一日要答車來回屋企咁多次

then  就繼續我個夢

番醒用左陣電腦就要準備去打rugby lu

勁失敗..  唔記得帶con....

仲要係開始打先醒起- -"

今日起  開始練戰術lu

雖然開頭聽落去一頭霧水 

但係一落實做落去又ok唔錯

只不過又陣時d走位成日都唔記得要點行

(好彩冇眼鏡都仲見到個波飛埋黎   唔會點樣失波~)

希望我下星期都仲記得啦!

另外1月24日要打tackle比賽- -...

應該唔係新人賽...好似係大專賽

聽天由命  應該冇問題既

講真  成個廣州旅程都真係幾無聊 (無人陪的關係)

所以如果唔係自己未去過  可以見識下  我真係唔係好想去

話說今年年宵我有份玩  所以就上左廣州睇貨

尋晚訓唔著  但今朝又要早起 (05:00 a.m.)

所以其實應該都係訓得兩粒鐘就要起身梳洗

06:45

準時去到旺角中旅社

點知原來要等足一個鐘先有得上車-.-

08:00

上車起程去落馬州既黃岡過關

跟住就訓足4個鐘- -......

完全感受到d人話  自己個town去london要坐3個幾鐘車咁遠

原來即係香港去廣州咁遠-廿-

12:00

終於都到...  第一時間去酒店.........個廁所

我地成班都有30人  一齊沖入間酒店個廁所

真係所以有都入曬個廁所-v-  好彩個廁所都算大

之後就食lunch lu

但係山長水遠黎廣州  我地食既係 - 大家樂-廿-

真係o了   不過佢地年年都係咁安排

咁做細既  都唔敢點出聲

不過我都明白咁多人去餐館食既難處既

(大家樂真係有好多位- -)

食完我既廣州式一哥豬排飯後

就去開始我地既睇貨時間

我地分開左三組  with jay,大茵,子茵,david,iris,??,??

我地呢組專睇d關於係虎既野

公仔,廁紙筒&盒套,風車,cusion...咩都有d

行完一間又一間  行到腳攰-,-

好彩今日咩袋都唔帶  只係帶個腰pack就出門口~

其實都冇咩特別好講

行到咁上下  見到有一層專買文具

我地見有時間剩  成班人就去掃自己野

d文具真係超平  又有我地用開d牌子

其實我真係想成盒成盒咁掃

不過因為有點浪費既關係  最後都淨係零售咁買

我見有d city super有得買既notebook,好靚果d簿

係到買都唔洗雙位數- -...  citysuper真好賺

06:00

大家唔同team都番曬黎  就準備吃飯lu

係等組番黎既途中  我唔想浪費時間係丁到呆等

就同啊jay講我想去附近個商場行下

就係咁樣  我,大茵,子茵,david周圍行下

見到你地女仔d boot勁平- -"

$19一對-廿-   d款全部都係mk有既

我好懷疑mk賣boot d鋪頭都係呢到入貨   幾賺...

我同david就係到睇帆船鞋

見到一對幾靚~  不過太貴...(以廣州黎講)

其實我覺得價錢ok傢  $2xx 有香港既質素

不過自己冇咩人民幣 

如果我啊媽都係到  我點都要買><

我諗唔會著壞腳既~

所有野都係made in china傢啦-v-

最後咩都冇買到  就諗住係附近買d野食番去算

唔想食大家樂again><

不過...david想食m記...

我就陪佢試下廣州式m記

一望d menu-廿-

勁平... 全部唔洗$20已經有個餐

我地見到有兩個包餐香港冇  就試下

不過要外賣  因為要趕住上巴士番香港lu

係巴士上面食完食一個餐+一個包

又訓番4粒鐘番香港

就係咁  一個黑夜去黑夜返既旅重就完左

番到香港都11點後既事

番到太和都係忍唔到口  係m記食多餐先番屋企

好熱氣ar!!