今日九點半就起左身溫書(愈黎愈難起- -..)

因為尋日溫得少少就訓左lu

叫做睇曬d notes就有成個鐘準出門口

但係因為一條褲搞到遲左出門口 

然後就睇住走左班隔20分鐘先有一班既巴士...

又遲到  又要Alison,飯罐,Manz等我  sor

然後又捱住凍咁行過去九展

入番尋日個場考試

今日考試策略 - 識就識  唔識就算

所以用左一個鐘多d做成份卷

check下有冇做漏題目  就舉手走人

(我都係見到飯罐,alison,啊通走先走)

橫掂自己都唔識  磨極都磨唔到野出黎

一個字  走

(睇見咁多人走  我諗好多人都唔識)

之後就走去食tea lu

同飯罐,alison傾得勁開心

下年暑假要番工!!

p.s.1

近排一直聽著Westlife的新專輯《Where We Are》

看著千千的歌詞  感到很共鳴

每首歌都像敘述著自己曾經所經歷的事

所以由下星開始

每星期四都會用到《Where We Are》裡的歌

希望大家不要介意吧

p.s.2

只剩餘七星期

時間還真的不等人

機會還未等到...

要繼續等嗎?

下星期便是聖誕  會變成怎樣呢

覺得自己跟你真的脫節了

你離開了幾天  但我一點也不知道

...

很討厭自己的軟弱...

我現在究竟在做甚麼?

唔知係咪之前習慣左夜訓

尋日12點幾上床訓覺訓唔著

聽收音機聽到兩點先訓到...

又失眠...

但都無礙我考試既表現~

今日雖然考9點半  約左Alison&啊通行過去九展

又要你地等我咁奈  唔好意思呢

之後淋住雨咁行去考試lu

今次個試場雖然冇尋日咁大咁豪華

但都有佢一半咁豪

一邊等住考既時候  一邊諗尋日冇咩點溫過書  會唔會死呢...

點知個考官叫我地check卷果陣 

一睇...  超低能

我敢擔保  任何睇緊我打blog既人

就算冇溫過書  都一定合格有餘

英文好果d人甚至可以答岩曬

因為根本就好簡單

內容係咩呢?

part 1: Question Making

比個答案你   要你作番個問題出黎

e.g. 題目: I live in Tai Po.

       答案: Where do you live?

part 2: 重組句子

唔洗點講   總之好basic

part 3: Part of speech (noun,verb,adj.  etc....)

i am a boy

然後問你highlight果個字係一個咩part of speech

重有超簡單既proof reading, sentence making

都廢事講.....

原本佢比一個鐘頭半個鐘我地做

我做左半個鐘就做完...(人生第一次-v-)

自己proof read左幾次  都未過一個鐘

諗緊走唔走既時候  已經開始有人做完走人

愈黎愈多人走  但自己又唔想得自己一個走wo

Alison&啊通又離我勁遠

當我諗住舉手扮去廁所  嘗試叫佢地都一齊走既時候

個考官已經唔比我地再走...(因為最後30分鐘)尸

跟住剩餘既時間  自己勁無聊地用枝highlight pen油下d重點

唔知Micheal會唔會加多d印象分比我呢-v- (傻笑中)

跟住又周圍望下

之後自己係到諗   其實最慘係係我地隔離考緊第二科既學生

(呢個場有兩個唔同時限既考試)

隔離班人一直係到睇&聽到不斷有人走wo

我自己見到都心酸啦...(冇得走)

奮戰到11點  終於都考完

跟住同啊通&Alison,Manz+新識既啊奇&Hayley

由九展行去megabox食m記做lunch

then 成班引誘自己一齊去樓上機鋪打機

橫掂遲d都要等飯罐溫書

就成班上左機鋪周圍玩

原來megabox d機咁平-廿-

1蚊就已經可以玩槍game  仲可以玩到死果陣先輸

不過唔多機款  想要既都冇-,-

玩左成個鐘就走人lu

我去左洗手間洗手  佢地就係出面玩夾公仔

遠睇佢地笑到好勁   行過去睇 

原來佢地玩緊一部  原本要入一個$2既機

但係Manz神手入$1已經玩到  仲要已經夾左4次-口-

跟住自己都一齊係到癲-v-

完事後  番馬鞍山搵飯罐溫書lu

上左佢屋企  勤力左.......半個鐘到啦

之後就開始做其他野  restaurant city&pps- -"

then 落左樓下m記食野with eddie+emily

講番從前培基既日子  永遠都係苦笑-v-

究竟我同飯罐可唔可以係carol night果日攞會考張成績表呢...

今日就係第一科係HKU考既試

今朝校早左鐘起身溫多陣d grammar先出門口

剛剛好1點半就到去到九龍灣lu (約了飯罐+ Alison)

已經特登早d去到德福樓下等車去九展考試

但都已經好多人大排長龍

排左一陣   見一架都未黎

就搵多兩個人搭的士 (其實自己唔多想)

去到九展六樓...爆多人

大慨因為係英文人人都要考(high dep, asso, pre-asso)

所以考試個hall勁大-廿-

實在係未試過係咁華麗既大hall考試

(差不多有四個培基禮堂咁大  樓低又高)

不過學費咁貴   差不多啦

成份卷最搞笑既地方係篇作文到

題目係[the experience that make you laugh]...

唔開心,最恐怖呢d題目都見過

但令你笑...  點寫350字?

而且唔開心既事  永遠都深刻過你笑所發生既事

單單一件普通既gag都可以令你笑

但點用英文寫d gag落去- -?  可以寫到幾多字?

所以自己憑空作左個生日故仔出黎

靈感來至慶G生日所發生既事

作得ok啦  變左忬情文

完左個exam  發生左件好kai既事XD

考完試諗住番學校攞番d功課

果陣時我同飯罐落緊電梯

但啊通&alison係隔離平地話我知佢幫我攞左

我罵左一句[搞錯!]之後  情急之下即刻身隻手出去攞份功課

但係個電梯不斷落   我同功課既距離愈黎愈遠 

最後我成個身差不多爬上去咁際  (其實咁多人有點兒樣衰)

好彩咁岩donna係後面夠手長幫我攞

但donna又係到罵啊通點解唔幫佢攞麻

又話睇下我份功課幾多分  高分就毀滅我份功課...- -

最後答案係9.6分 (最高10分)

不過最後當然冇毀滅啦

出到門口  諗住行番去德福

一出門口咁岩見得番之前係leadership program識既fd

不過睇佢地既shocking樣子都係唔記得我地傢啦

then 行左去學者附近食下午餐

太多野想食  揀唔落手-v-

最後都係食勁熱氣既薯條  不過好食過m記啦

食完行左陣hmv

陪飯罐係到諗買唔買westlife隻新album[Where We Are]

我就極力推介佢買  (因為自己覺得所有歌都好好聽)

最後佢就碌左隻碟lu  另外加送poster><

各至歸家後  我又要溫聽日考既grammar lu

又係放假的一天~

其實計麻上星期  總共放左5日假

但就要準備一連四日+ 一日的考試

聽日就係係hku第一科考既英文

雖然心裡面覺得唔需要點溫  但都不容有失

係到做一d 啊sir叫過做  我又值得去做既野

自己上網search d tenses做下

做完發覺  我用一日既自習時間

溫識番一d我係中小學應該要識既野

難怪我ce考英文考得咁差....

跟住又做下textbook裡面d execrcise

開頭有點混亂  但愈做愈起勁  慢慢地掌握到個答案=]

發覺自習好比上堂十倍

聽日加油!

唔講咁多  溫多陣就訓覺~

p.s.

看到某人的日記後  心裡面在冷笑

在某層面上  我很想留言給你說  活該!!

但在朋友的層面上 我不應該這樣做

當然自己最後並沒有在那裡留言

但對他那一篇日誌仍然耿耿於懷

自然地想起了從前

你從前也是做著同樣的事

活該現在也受到同樣的對待

我不斷對自己說著

但...   這都以成過去

我還懷著這樣的心態

就如當時我sd msg對你說一樣

是我的問題  不是你的錯

算吧

今日要番教會  冇得遲醒lu

但係唔知發生咩事  比啊媽撐起身果陣攰到不得了

可能生理上已經習慣左12點後先起身-v-

番到去教會都係頂唔順

坐勁舒服既sofa訓足全程

(其實覺得好樣衰  人人係到崇拜 你係到訓覺)

食完lunch之後  同啊媽行街~

哈哈~今日無啦啦身痕   好想洗錢-v-

去到元朗千色行行行行

勁討厭某d鋪頭賣cheap野但勁抬高個價

一件本來諗住買黎著下幾日 (意思係件衫洗衣機洗完唔洗要)

質料又麻麻   要賣成$17x  有d仲要$2xx

如果係邊度邊度買  完全唔洗呢個價

所以始終都係password最好-v-

(唔係賣佢廣告  只係個人真係非常鍾意去呢間鋪頭買衫)

本來第一次行入去冇收獲咁行番走

但最後臨走前都係入番去 

買左一件衫 + 一件好像有點浮誇的藍色外套 + 頸巾一條

有7折都幾抵下~~~

不過除左頸巾之外  另外兩件下星期先有貨-,-

咁就洗左成個月人工...(其實唔只..)

但洗得好開心  應洗得洗~

之後番大埔再行過 (今次只係行左兩間)

買左一件tee+ 一件訓覺衫 (啊媽全費)

然後就番屋企lu

夜晚食完飯先發覺原來東亞今日就閉幕...咩事

本人咩比賽都冇正式睇過  只係猛聽人講香港隊踢波贏左

咁兒戲既...  (其實可能只係個人真係唔點睇電視既關係)

唔知上網有無得重溫既呢...

勁想睇女排,跳水,拉丁五項......

另外想講多樣野

岩岩係facebk見到有個群組係專[反G.E.M.]

咁我無無聊聊入去睇下d人點解咁唔鍾意佢

睇完d人留既cm..  覺得呢d香港人都幾無謂下

我唔介意你點罵點插都好  (雖然佢係我其中一個鍾意既歌手)

你都罵&插得有point d啦

連g.e.m.犯曬十戒都罵得出   好野

甚麼反G.E.M.....  反黎做咩?  佢會封MIC咩

不如反特首好過啦   咁樣會比較更有建樹 (認真)

唉..我都懶得再講落去