連續第二天可以12點後先醒既日子~
第一件仍然要做既係restaurant city
之後就開始我既溫書大計
先開始執番d notes 分番曬d科
然後就決定溫英文先 因為第一科就考lu
但開頭完全冇mood溫
最後唯有用住PPS溫住D英文先啦-v-
今次係[America Next Top Model]
因為之前係電視miss左集 想追番好奈
就係咁 再開始掂本書係三點鐘既事
望住本九月新買冇點用過 但係又比我整到殘曬既英文書
係到睇啊sir要我睇果5個module
睇第一個ch. 已經想死...
因為自己本人仲未搞掂simple present/past perfect果d
係到睇番d notes... 都係唔掂
究竟幾時用have 幾時用had???
聽日番團契 搵機會問下christy or ms leung先
溫左一個鐘 就準備起行去打rugby
收到e-mail 確實左兩隊space1&2都要打比賽
就執好曬野出門口去佐敦king's park草場
岩岩出門口 覺得好似有d野冇帶
一邊行 一邊諗
唔係ar..應該帶齊所有野
但突然醒起 係[載]溜cons!!
之後就跑番屋企載
第一次係屋企載... 唔知點解有d唔係好慣
載左差不多10分鐘先ok
但係係好唔衛生地載左 (因為趕時間 就咁洗手 冇用皂液)
6點半準時去到球場熱身
今日心情冇咁緊張 狀態比上次比賽好
但係唔知點解比上次唔夠氣
覺得個心有d野阻住我吸氣咁...
不過之後發覺係因為某兩種因素令到我咁 都冇咁驚
正式比賽 又係要space 2(我)落場先-,-
今次打center 即係一定會掂到個波
但係開頭對方(center)開波先
我做center 既defence
一開波已經比我tackle左(擒抱並摔倒對方球員)
對方set bridge既時候壓到我.....三文治咁...
到我攞住個波進攻既時候 比人tackle又再恨恨地壓
之後自己友比人tackle 我set bridge比人推到好勁
總之成個比賽完左之後條腰好痛...
雖然最後都輸左 (輸1比0>< 仲要係加時先輸...)
入唔到final (原來上次果場比賽入到semi-final的)
但係又賺左好多經驗
今次輸既係身型+經驗 (一睇班友又唔係新人)
一月比賽再努力吧!
完左比賽 個場仲未到鐘
space1&2係到玩touch(用手掂人就要傳波)
都係覺得tocuh好玩d~ 無咁暴力
不過發覺自己有一個地方需要極力改善
就係自己要波 但唔出聲
所以d人成日都唔知我要波
不過 最後有一球比我搶到波
然後跑足半場贏左一分~
比人讚靚波x]
要再努力呢
打完波去佐敦食[沙爹王]
成班連舊人...廿個人到啦
好彩都差唔多10點鐘 冇咩人~
就係咁 食完飯就番屋企lu |
