其實自己實際上沒有舉牌叫價的啦~
今日上完悶悶的兩堂電腦堂
提前左半個鐘走堂飛去銅鑼灣伊館投標
係mtr出口魏等齊人先知... 咁少(我識既)人去
雖然我冇特別出聲 但d人都已經記得我lu
可能因為上次股東大會的關係吧
兩點前已去到伊館
等入場果陣收到好多年宵推介既傳單
成手都係傳單-____- 不過做得祕書呢個位就預左
跟住一邊聽住samuel 講上年年宵既野 一邊分析邊d傳單好用
兩點 終於都入到去lu
samuel等開場果陣同我地講
如果我地一舉手既話就會將個價提高$100
無錢比 = 開空頭支票 = 犯法
之後心裡面即刻有種無形既壓力唔比自己舉手= ="
(但基本上自己唔會突然舉起隻手的啦)
等到大會終於開mic講野既時候好緊張 (應該係因為未試過現場睇投標)
點知佢同我地講 要我地聽一後40分鐘既投標&年宵規則...
聽到忌-_____-" 而且都唔係好關我事 就一邊睇住報紙一邊等佢播完
終於聽完40分鐘 心諗仲唔開始
點知又要聽台上班人再講加插既規則
心諗 同頭先聽果d野有咩分別 咪又係果d野!!
3點...終於都真正開始
但都未關我地事住... 要比人投左d快餐中心先- -"
仲要有4間咁多 不過唔緊要 都係投標啫
第一間快餐中心由低價$4,1420 投到 $5,0500
由於係第一間比人投左 成場都拍手掌比投得人
但係第二間快餐店就開始發生奇怪既事
同一個面積 自不過隔離第一間快餐距離10m
但竟然投得價係$11,0000 一倍多-廿-"
完全諗唔通發生咩事...
可能第二間果到真係天時地理人和好d掛
投多兩間快餐中心終於都到投標1-84間年宵攤位~
我地b-so既目標係no.49既轉角位鋪
因為果到就係上年擺檔既地方
佢地覺得果到幾好 就諗住今年都要番果到
如果好運既話 想好似上年咁租麻隔離個單位
不過因為上年係金融海潚既關係先投到兩個
但今年經濟好轉左 我地投票資金最多只可以用$3,0000
要投到兩個鋪位有點困難
好似第一間轉角位既鋪頭no.1都已經由$2,1000投得
(轉角位貴d 中間果d就平d)
要係有限錢裡面投兩個鋪位應該就....
而且no.1-48號鋪頭平均投得價都$1,8800
所以最後我地以$2,4200係投得no.49鋪頭 投唔到隔離lu
(其實$2,4200去攞一個位已經好貴....)
有點可惜呢 不過唔緊啦~鋪位細左d啫 但我地可能反而仲賺多d呢
今日真係見識到好多呢
有d鋪位爭得好激烈 最貴果間都去到近乎$3,0000
雖然中途訓著左 因為唔關自己鋪頭事
(睇人地叫價 睇得多好悶...)
希望2月年宵順順利利吧!
|
