一個落雨  但唔凍既日子

唔洗番學  啊媽又難得地補假

下午就落左上水行街

今次啊媽有目的地去password買牛仔褲

我就順道睇下有咩new item

最後被一件外套既東東吸引住  就買左佢+一件tee

(希望唔會撞左衫...)

之後番屋企等打rugby

但係落雨既天氣真係唔想做運動

最後就留係屋企煲[MW毒氣風暴]  玉木宏另一傑作

可惜個故仔並唔係做得好睇

場面就做得唔錯~

不過我諗我遲D要再租碟黎睇

因為係PPS我完全睇唔明白d translate   而且我覺得佢cut左我片

超唔甘心的說

今日番星期二timetable

bio堂..遲左半個鐘到

之後仲要同啊奇傾計  不過都有乖乖drop notes=]

culture堂...悶到訓著左

break果陣去左同hayley慶祝今個星期日生日

(其實只不過去左寫卡  一眼都同唔到主角就趕番去上堂)

落堂同啊通去食野

呢排同佢愛上左pacific coffee

不斷係果到買cake,餅&野飲

雖然我地有7折...但都就黎食到窮- -

去到open area見到好多人係到溫law & business

(但飯罐就係電腦室用電腦- -..)

加油呢

我就係到一邊煲[交響]花絮  一邊等6點b-so開會

其實開會既目的  就係分番年宵賺左既錢

見到每人只係分到$2x...  笑左出黎

究竟有賺係咪已經要偷笑- -...

(聽說有好多檔因為天氣唔好既關係  好多都餞錢)

諗番起果3年前係大埔教院搞  賺左個double...

不過又冇得比既..  一黎借個場平咁多   二黎又有貨係無本新利

之後去左牛頭角打邊爐

呢間野唔錯  環境  食物  飲品都唔差

都只不過每人$90   抵

但係得自己其實蠻無聊的說

最後諗起星期一要test bio  最後一邊食一邊溫

無辦法啦...  星期六日又要番工 

而家唔溫  無時間溫

p.s.

係時候準備一下白色情人節

今日轉左timetable  上星期一既堂

但係天氣咁凍  係張床上面唔捨得起身

最後都係決定走堂

(哈~比billy傳染左走堂病tim-v-)

訓多陣  就係到煲[交響情人夢]最後一集

實在太好睇~~  好想入戲院睇多次劇場版

(可能睇完劇集再入戲院睇會有令一種感覺~)

而且好想去聽下玉木宏係香港既concert

3月27號係九展...  撞正表姐結婚   註定與玉木宏無緣

遲d睇下可唔可以買到佢d碟黎聽下先

夜晚特登出旺角食放提

約左cajun,niki,billy,飯罐,慶g

(橫掂啊媽都要我自己搵野食的說)

去到兆萬17樓  都唔錯幾好食

個價錢就貴左dd啫

不過都係至在同班fd傾計既啫=]

又好似好奈無見lu

唔知呢排大家點呢

最令人擔心果個始終都係billy....

[咩都唔怕,,至怕你過左18歲...]   唉

不過聽說佢啊媽最近買左部[單反]比佢用黎溝女

一個從來都唔影相既billy收到咁大禮  對我黎講係一件開心既事-v-

睇黎遲d真係要去多d billy屋企拜訪下~

終於可以玩單反lu~

p.s.

約會後  又是單獨一個回家的日子

甚麼麻...全都是乘同一輛巴士歸家

然而這天卻覺得不太孤獨

看著天空慢步到火車站

感覺比平常不一樣

我想..是沒有那種失落感

反之  像是不太習慣

曾有著這樣的想法

[ 最好永遠都不要回來 ]

嘿=)

p.s.

sor呢...最近都好忙  亦都好懶打blog

尋日約左啊女&飯罐今日上完design & 英文堂後睇戲

(本來約唱k  不過病到失聲)

但係因為culture份project改左今日做deadline

所以要寫完份essay先走得

2點後  未食lunch既情況下就同佢地搭的士趕去megaxbox

因為係星期四+係睇午場  所以諗住去到先買飛入去睇

尋日約果時本來淨係打算睇Alice in Wonderland 3D

但係飯罐對呢d童話故仔沒大興趣的說

就提議不如睇埋[交響情人夢 之 最後終章 前編]

咁橫掂大家有時間  兩套戲d時間又夾到岩岩好 

就決定一日睇兩套戲~!  (從來都冇試過!!)

  第一套戲

可能期待有d大左  所以失望

其實本身個故仔好好地  又唔係難編劇

但個故仔被整到一d都唔吸引  亦有蠻多悶場

最鍾意都係呢隻[會笑的貓]=]

要讚  最多係畫面上比個讚你

不過其實最3D都係個字幕- -"

第二套

呢個就完全唔同啦!  笑到爆!

本身我對[交響情人夢]呢個名係有d印象

(類似係J2係無線賣過廣告吧)

但真係完全唔知咁好笑  咁好睇

而且無睇過劇集既我都睇得明佢既內容   讚讚讚!

不過睇呢套戲好有係戲院睇電視既感覺-v-

睇完戲後  即刻番屋企煲[交]劇

讚!

尋晚約左飯罐今日一齊食lunch

順便比份notes佢影印

但最後告吹了- -

難得我為你早起身....

算啦  橫掂都準備好曬出門口

自己就早d出九龍灣  食住lunch等番學

有點唔習慣唔洗趕...

今堂英文堂test 作文 - argument

唔知係咪因為我地呢班係咪15班既關係

(d人話英文最差既一班   我都唔知點解會入左去-,-)

d題目相比係其他班簡單d

但寫文既時候發生左突發事件  搞到差d唔夠時間寫完佢

首先  個miss一邊test  一邊提我地記住寫好d intro  寫好d conclus

好鬼煩... 

作到一半仲要係到派notes比我  係到講番上堂我absent  miss左既野

完全o了 

最唔好彩既係  我作作下文  右眼con跌左出黎!!

我又冇鏡  完全帶唔番

跟住諗住唯有用隻手hold住佢成堂  test完先入廁所帶番

點知又見到隻con開始乾到有痕

冇辦法之下攞bonaqua 個藍色蓋  加d水浸住佢先

作完文  諗住即刻入去帶番佢

點知一入廁所困果下  比條蔑李撞一撞  成個蓋d水都趺曬出黎

裡面隻con更加唔知趺左去邊

唉..  最後放棄  唔再搵

但係等陣仲要上堂   今晚仲要打rugby

就係咁  今日成日就只係帶住一隻con做人

不幸之中既大幸係  我兩隻眼度數都唔算深

而家變左一隻0近視   一邊225度近視  都唔係習慣唔到

不過好難對焦lo....都未話唔辛苦

放學打rugby

而家打touch用易handle左  起碼知自己要做咩

不過仍然唔識出聲..  改極都改唔到

打完波  又發生左大件事

不過唔係我  而係波友ivan

佢成個袋比人偷左...

有人目擊過曾經有可疑既南亞人係我地擺袋既地方徘徊

唉...慘

如果係我個袋比人偷左  我諗我會怒到喊- -

唔見曬d銀包電話都算  你起碼都留番d衫褲鞋襪比我番屋企丫

仲要聽講ivan咁岩著左對新名牌鞋番學

其他人有多件衫多條褲就借比佢

我可以做既  就係送左對新既quicksilver拖鞋比佢

(咁岩今日諗住著對新拖鞋  踢拖番屋企   點知大派用場)

始終用釘鞋行番屋企  好傷對鞋

就係咁  佢變左街坊look...

我相信呢d人會比天收!