今朝晨咁早番到去學校寫essay

未開始寫已經比啊通拉左去pacfic coffee食cake

(咁早食甜品飲凍野...好肥)

之後做左一半後  麻煩左balla & michelle幫我改改頭一段d英文

(兩個都係外國人  英文頂瓜瓜)

係隔離睇住...呆了+自悲

唔知我上大學前可唔可以英文係講&寫方面可以佢地咁呢

得佢地兩個傾... 自己完全沒有插話的能力 

十分悲哀

11點半去左同film堂既同學傾project @common rm

還好...約左7個都有5個黎到

雖然開頭完全破唔到冰  但愈傾就愈有idea

可以話係成功啦~ 

希望大家都可以盡力完成只係佔10%既project啦

搞掂曬d野  落番hall上堂

但太眼訓  訓左

原定上呢堂寫essay既計劃完全失敗

訓完呢堂  決定補食番個lunch先

去左宜家傢私叮飯吃 with alison & tina

一邊食  一邊勁傾

傾下人地壞話  傾下番工發生過既事  好享受~

幾時都話  可以完全唔洗避忌傾計係最舒服

之後因為傾到唔記得時間  趕番工去

今次又係幸運地06:59:43換曬衫打卡

好驚咁快用曬d luck   下次遲到...

不過都唔知下次係幾時lu~ 因為今日經理早走  無安排下次番工既時間

都好既~

第一樣要做既係  就係落樓下接客派傳單

真係普,英,中都用曬- -

內容:

請問係咪黎食飯呢?

幾多位?  本身有冇book枱?

請問先生姓咩呢?

我覺得真係係呢間花滿樓做野先要問頭尾果兩句

真係麻鬼煩  set死咁多規矩

雖然溝通上有d問題  但其實好清閒的說

只係帶客上去   鋪裡面有鋪裡面忙

我自己係條無人既街唱曬歌咁際   悶

不過慢慢體會到外國人係幾禮貌  幾有修養

香港人  點解要咁對自己d同胞呢?

企足兩個幾鐘後  終於有人同我調位

不過果陣已經得番好少人lu

但都比無理取罵既經理罵...

明明你係門隔離   d客走 點解要罵做緊野既我無開門送客既啫!

有好多粗口係腦裡面出左黎

我諗我如果係出面搵到其他工番

第一時間即刻quit左呢份job先

我收得你份人工呢  就預左份人工裡面係包埋受你氣既

但係愈黎愈過份呢  份人工又唔加呢  我就走傢啦

我又唔係靠你呢份工食飯

洗特登番黎受你氣?!

活係無品既老女人淫威下  人工幾高我都唔做

除非我食曬d身家啦!

唔講啦!仲要趕essay!

尋晚諗訓前都仲要寫多陣report先有得訓...

星期二交...唔知趕唔趕得切呢?

今個星期好忙的說...

今朝被人叫醒番教會 

雖然訓得幾粒鐘  但出奇地精神

遲左番到教會事奉  已經有人頂替了  麻煩你了

之後聽道又係訓著左

我feel到好樣衰- -..

跟住同啊婆啊媽飲茶

啊婆知道左我呢排份緊工後  好煩

:[做咩鬼工ar丫! 讀好書好過啦!....]

佢以為我放棄左讀書   走去全日打工

但佢說話既語氣呢...  真係好想卜十佢

其實都唔係第一次   不過見你係長輩+老人家 

忍!

夜晚7點準時到中環番工

星期日   好清閒呢

所以犯錯既機會都大大減少

期間去左蘭桂坊派傳單

其實幾響往一個係到周圍派

有幾班人會因為自己派既傳單而想黎食  好有滿足感

最開心既係  今日有靚女問我路

雖然我完全唔熟中環  但都傾左幾句~

之後入番鋪   得幾枱人食緊野

已經估到今晚又會比人叫早走

所以今日食宵夜果陣食多碗先收手

食多d覺得無咁蝕...

番到屋企  見到啊媽煲緊[交]

又坐埋一齊睇特別篇~

愈黎愈覺得[交]與[LOVE SHUFFLE]既玉木宏好大分別

2008年 VS  2009 年...

應該唔慣年歲事既   不過佢真係老左

今個星期六佢就係九展開演唱會啦><

今日訓得好飽~

一起身岩岩好時間番教會上堂

團契時間 - 為各位公開考試既團友加加油

(可惜今日niki黎唔到)

希望大家都盡力啦!

但以理! 撐硬你!

跟住又係番工既時間....趕

原因又係係教會唔捨得走

番到去即刻換衫打卡  剛剛好06:59:47....

真lucky- -".....呼

今日又係做水吧

一黎就做錯野....  死啦  我覺得我隻耳仔真係有d問題

定係我根本未在狀態呢?

之後倒啤酒 ..

因為我地要係個客面前倒比佢

但係倒啤酒係超級容易倒到勁多泡  然後隻杯係泡多過酒

所以避免有呢種情況出現  我係要倒得勁慢

最慘既係今日黎左枱十幾人

總共點左12支青島  你估我用左幾奈時間去完成任務-  -...

唉...更被人罵

今日都算清閒   做到9點半到就洗吧lu

為免佢又早叫我收工  特登洗慢d

洗到11點都未洗完-v-

11點15分收工走人

原本今日alison生日  係約左去尖沙咀落club慶祝

但係啊媽唔比  聽日教會又要事奉(更早番)

sor呢..

下次A.I.P. + 啊奇請你食飯啦

HAPPY BIRTHDAY TO U =]

今日做咩野都好無衝勁..

上完兩堂放學後

坐左係學校部電腦面前唔知想點

明明有四五樣project等住我做

材料我都帶曬黎  但都係冇mood做

可係距離交既時間都仲有得懶掛

甚至連rugby  我都考慮過打唔打

不過都帶齊曬波衫波鞋  就比自己輕鬆下吧

大家節奏明顯地唔夠快

我呢...  有段時間都唔知自己係到做緊咩

4月11號有比賽呢   唔知今次有無得出呢

打rugby最享往既  係打完波一齊去食飯既時間

enjoy~

jacq買左部x6!!佢都話好用~

唔該唔好再賣咁多廣告  趺價啦!

p.s.

愈來愈發現自己是一個罪惡感很重的人

重到...   真的甚麼都不敢碰

今個星期四既design堂cancel左

所以今日淨係番11點半既英文堂就可以落堂lu~

完左英文堂  同飯罐,啊女,billy食飯@九龍灣德福

去左食赤丸~  唔知點解呢~好似冇同啊通果次食咁飽~

可能因為今次係3個人分掛

其實佢地兩個讀恆商冇啦啦入黎食飯

都係因為就我食完lunch我要番學校傾project

之後佢地就出馬鞍山[溫書]lu

搭巴士事發生左件....麻煩事

話說我送左佢地上巴士之後發覺我有note放左係飯罐到

但見佢都趕唔切攞比我  就諗住聽日番學先攞番啦

點知架巴士走左之後  我諗住行番學校  發覺個銀包唔見左

心叫不妙  就諗住去睇下係咪漏左係赤丸

但冇啦啦billy打電話同我講  佢地係前面附近個站落左車  (唔係相差好遠)

心諗: 唔係ar...飯罐竟然因為一張note落車??

但原來事實係  啊女攞左我個銀包上車-廿-

下?咩料?

原來佢地因為比番個銀包我  全村人落車比番我

最後仲係我銀包攞番$20做第二程車既車費-口-

心諗: 你地一個落車咪得lo!!!

仲要基本上$20都唔夠佢地3個人既車資

唉...算   為左個銀包..