今日團契係[聖光寶劍週]

無記錯就好似咁叫   亦即係聖經問答遊戲比賽

番左就近18年既我  對聖經既知識...都有一定既水平既

不過有好多都唔記得曬lu

都只怪自己無好好keep住睇聖經吧

連聖經有呢篇書都唔知- -"

要檢討檢討呢

成日都覺得臨上天家之前都未好好讀完一次聖經  未免太...衰了吧

晚晚都推得就推...  好差勁呢

係時候要追番個進度~

完左團契  出去佐敦飲   表姐結婚了~

其實對我啊媽呢邊d表兄弟姊妹都唔係好熟

所以基本上...  得個食字

不過男才女貌就真既   祝你地幸福快樂=]

今日難得地唔洗打rugby

被飯罐邀請去聽學校某個talk

由許冠文演說

對我黎講...  一個好似聽過下既明人咁lo  無咩特別

所以入去聽都無咩期望

基本上唔係飯罐  都唔會去聽

但我相信各位係threater 一齊聽既同學們

都係因為聽呢個talk有分加先會黎吧

(其實都住唔曬成個hall)

咁我當然都唔排除真係有人特別黎睇既

聽完成個talk  都覺得許先生有一個非常際遇

天生的幽默感是成功的其中一個原因

對我這個不懂說笑話的人來說   可以說是有點羨慕

很認真的說  幽默感是非常好的做人工具

由期特別在當朋友不開心的時候  更見明顯

沒有這個天份的我  安慰別人都只會給他一塊紙巾吧

不夠貼心呢

p.s.

掛住咩咩...

今日成日都攞番d相出黎睇

雖然只係做左半晚的爸爸

但我已愛上做牠的爸爸了

好掛住抱佢既感覺

如果我尋日冷靜d就好啦

比著我發生同樣既事情多次

我唔會放佢地走 

佢媽媽擺得d仔係我到

就代表係出面搵唔到適當既生存環境比佢地

我寧願佢媽媽晚晚黎我間房餵佢   照顧佢..

今晚咁凍..  希望你夠暖啦

尋晚無訓過...就係為左做份design

直到今朝6點先上床訓   但7點幾又要係身番學...

累..

番到學校交功課  但design堂又浪費我既學費

比多足兩堂時間我地做呢功課

咁我尋日做咁辛苦做咩? 不如訓番三個鐘  番黎做三個鐘

無野做既我地hea吹兩個鐘

個miss仲比我地45分鐘break  去左panda食早餐

傻左ar佢...

之後上完英文堂  同啊女飯罐去淘大食lunch

邊食lunch  邊玩大富翁卡~

食完玩完  諗住番屋企訓覺

點知...

發現一隻野貓從我間睡房逃走   跟住就勁聽到d貓叫

心諗: 唔係ar...   即刻搵發聲既地方

原來隻野貓係我間房個(衣)櫃生左3隻貓ar!!!

我前兩晚已經出奇  點解間房好似有d貓叫聲

但以為係對面屋d貓叫到過黎  先唔理佢

原來真係有貓..  但我係過左幾日先知lo唔該

我見到d貓真係連毛都出齊  仲唔係起碼過左幾日

可能成半個月都唔定ar!

但好cute的貓仔呢!

我開頭勁驚唔知點好  不過都要還番d仔比啊媽傢啦

就拉開隻窗  放曬3隻出窗台

但係其實我唔應該咁做....   因為過左陣  佢地碌左落街ar!!!!

我以為貓跳落去都應該冇問題

但我唔記得左佢地係貓仔><

我即刻跑落去地下

最後...  兩隻無事   一隻....未死(我見住佢仲有呼吸)  不過應該骨折吧..

對唔住ar><!!

我又唔敢行前睇佢點wo   我驚佢ar媽要我一命倍一命...

我應該直接攞佢地3個行樓梯落去比貓媽媽...對唔住

希望佢無事啦...

之後上番去  心好亂  又驚又喜

亦都諗過點解我唔偷養一隻呢  (即係偷貓貓一隻)

點知  竟然聽到房裡面仲有貓叫聲

原來有一隻漏左....

  就係佢啦...

但貓媽媽已經唔見左...

咁我見天氣咁凍  咪帶佢番屋企  比塊布佢取暖  等佢ar媽黎湊番佢

就係咁  我就養左[咩咩]半日 

我叫佢[咩咩]既原因  係因為佢同我個團友(子暉)隻貓好似   (就係叫咩咩)

一樣年紀(出世左無奈)  個size一樣  一樣咁cute

但係上年12月25號  因為又係從高處跌落地下   死左...

所以就有呢個諗頭  叫佢做[咩咩]

準備左一陣佢d野  就覺得佢改呢個名好岩

因為佢不斷[咩咩]咁叫   唔係[喵喵]

我見佢叫得咁慘  即刻睇佢想要d咩

嘗試比d野佢食 - 奶

但我記得從[柯南]睇過   初生貓係唔飲得人飲既鮮奶

無記錯係因為貓bb因發育未完成  係吸收唔到鮮奶裡面乳糖

但係無辦法下  唯有將奶溝水  大約1:99比佢

佢唔知係咪驚得際  定根本唔係肚餓  佢唔飲  繼續咩咩叫

咁我就估佢係咪唔夠暖   話曬都係初生  metablism邊有咁好

就勁搓手   比d暖佢

最後就係我隻包圍中收聲=)

哈哈~  果下好開心呢

跟住就上網search下點樣養佢

透過朋友既介紹   識左個叫a lone既女仔  (貓之達人)

佢勁緊張  話要我即刻出去寵物店買貓奶粉比佢

又話貓b一日要飲好多次奶  當我決定要暫養佢既時候就要做好養佢既工作

仲話方便既話  佢可以由葵涌黎大埔教我點餵奶

心諗: 下?咁大陣象?咩料ar?

就係因為呢條友...搞到我好大壓力

我最後當然拒絕左佢  我都係自己搞掂

但係一收線  咩咩又係到叫

叫到連對面屋d人都係到睇發生咩事

又勁驚...

一黎  事實上呢間屋係唔比養寵物

二黎  佢繼續咁叫  我驚人地會以為我虐畜

即刻搵其他養過貓既人傾下

twinkie,ar adoh, 紫輝......  thx

大約9點半到   佢終於係我比佢個暖水袋上面訓著左

我以為終於可以安頓到佢一晚

但係訓左10分鐘到   佢啊媽係窗出面叫佢

即刻勁多[咩咩]與[喵喵]之共鳴...

既然媽媽係窗邊  咁今次真係諗住小心地放係窗台交比佢媽媽

點知...咩咩唔肯走..    死都抓住我衫同窗邊 

你係唔捨得我既溫暖   定害怕從高處墮下?

但我望住咩咩啊媽  又望望咩咩

無理由要佢地母子分離...  就用毛巾包住咩咩

抱佢落樓見佢ar媽

落到去.. 又唔見咩咩媽媽  (可能驚左我)

唯有放低咩咩係地下  等佢媽媽接佢走

上番樓  聽到咩咩都係到叫...

對了   就大聲  竭斯抵力地叫吧

媽媽便會認著你的聲音帶你走

漸漸地  一陣陣寒風吹過呼聲奪去了咩咩的叫聲

不安心的我跑回去放下咩咩的位置

發現  咩咩已不在毛巾裡了

是嗎  母子重逄了

我也完成了暫託的任務了

但腦海仍然充滿咩咩的樣子  沒完沒了

我相信我們會再見吧   再會了

今日film堂睇既西片  又令我諗左好多野

話說有兩個病因為要住院  係同一間病房認識左

點知咁岩兩個都係末期cancer  得番半年至一年命

a先生知道左後係到寫低佢臨死前要做D咩

b先生見到後  就諗住不如一齊出去做呢野

但係a先生有成班family係背後

老婆完全罵反對  

話:[ 我可以忍受到佢死後離開我, 但我唔可以忍受佢仲生存既時間唔係我身邊 ]

如果係你   你仲會唔會因為個人既私心

想做你未做過既野  而留係到陪屋企?

最後a先生係跟左b先生走圍去

先發覺原來b先生係一個非常有錢人

佢地可以話係環遊全世界

墨西哥跳傘, 非洲睇野生動物, 去埃及睇金字搭, 去印尼睇名勝

去珠穆朗碼峄爬山, 去香港到處遊

(我見到真係好想一次過咁去旅行)

結局就係兩個人一齊火葬   骨灰埋係珠穆朗碼峄上

如果  你得番半年命  有一筆洗唔盡既錢 

但係你只可以同你一個朋友去旅行  你會唔會拋低屋企人自己周圍去?

就算唔係去旅行   你又會臨死前想做咩事呢?

對我黎講呢...  如果可以臨死前周圍去  我都真係死得眼閉

儲定錢去環遊世界先!!  <---- 傻左

4點上完堂就開始閉關係computer rm lu

做design....  好多野都未做

但係開頭都冇咩mood做

不過啊姍一黎就充滿力量lu-v- 

(尋日約左佢今日一齊留係computer rm做)

兩個一做就做到夜晚9點半 

其實如果唔係被人趕走都唔走

不斷係到講笑  如果KEC呢到有宿舍就好lu

一定唔會走堂  一定唔會遲到lo

因為就算未梳洗未換衫  死都會落去課室點左名先

然後再上番去執自己個樣

大學既生活~ 等我ar!

之後去左KFC食飯 (因為太夜  無咩選擇既餘地)

知道左d野  o左   原來係咁

愈黎愈覺得某人....  總之就唔係我悉識既佢啦!

今日好開心 =)

尋晚番完工又要做essay寫到4點

定唔順走去訓覺

唔夠訓既情況下  又走左bio堂

其實我好想上呢堂傢><

唔知啊奇有冇幫我tick名呢

1點番到黎學校上文化堂

比飯罐講中左  唔洗交份essay住

小! 咁我尋日做咁夜做咩ar!

算~  個天要我早d預備其他project就順佢意啦

4點上完堂去電腦室做design份功課

期間與Ravfi & Rachel去食野

成完野繼續努力畫畫

7點開始番屋企

之後搞film 既report..... 

果然有咁多人分工   做得好輕鬆

下星期交既功課  聽日交得 

試下比啊sir睇下先

希望聽日可以搞掂曬design d野!!