今日雖然分別有姐姐&alison打比我叫我起身

但我最後都係差d遲到

因為搵唔到試場-.-

我九點半考ethic  我九點二十七分到達九展

但我搵唔到star hall入口...

平時有成班人係門口企係到等入就話知啫

今次咩人都無   仲要唔知點解有咁多展覽   差d去左聽講座- -"

最後岩岩坐低就開考   幸好...

但見到份卷...  都唔知話識唔識好

是但啦   考完就可以番屋企訓覺

我hea到係用半個鐘去寫essay果個intro

仲要只有一兩句係我自己寫  

大部份都係抄番個題目  question轉statement

只係用最後一個鐘寫3百幾4百字出黎

d內容真係好hea

考完最後呢一科就鬆曬lu  

Pre-AD生活就此結束

之後同Alison & 啊奇去淘大食飯

3個花滿樓員工不斷數同事的不是-v-

搞笑~

番到屋企用左陣電腦  就開始努力練琴

估唔到一練就練到10點- -"

另外唔知係咪之前長期無用左手去做野

我彈左一陣   右腦好痛- -

Gd luck

今日約左姐姐番去學校溫聽日考既ethic

因為都約得幾早...

大約11點到啦-v-  (其實一d都唔早)

我就叫佢叫我起身 (我已經當左佢做傭人)

跟住佢話洗唔洗煮麻早餐比你食ar大少

咁我緊係話好啦

點知佢就真係整左出黎- -"  (本身講笑的說)

但之後佢同我講    佢係連蒸饅頭都會唔記得落水  果d人

所以可以整到咁既樣   已經算好傢啦

心諗:  呢d野... 難食極有限啦

事賓上食落去唔錯既

但係..  算啦   唔講啦~

不過佢整d甜點還真好食的說

岩岩好食完

Manz就打電話比我佢岩岩考完試   已經番到學校準備交收

哈~ 我就係向Manz果到買左部iPod Nana 4~~!

其實成件事就係咁    話說佢4月27號生日

佢d m記同事夾錢買左呢部nano4 比佢

但佢本身就用緊iphone  所以對佢黎講其實無用

所以就諗住賣比人   再買過份自己鍾意既禮物

咁佢生日果日係msn到同佢講生日快樂

傾傾下就講到呢份禮物    佢問我有無興趣

咁我本身係一年前都已經都迷上左nano好奈

由期係佢出左果隻綠色後

我覺得呢隻綠起靚的啦!!!

咁最後我問過d人買唔買得過    傾掂數   佢打左個折比我

由$1388   減到$1000賣比我

本身部機黑色   但佢話仲可以換色  

咁我叫佢幫我換綠色比我

但點知   佢d同事係好早之前已經買左  (已超過買後7日)

所以無得換T^T

不過算啦   我太好人+易心軟  最後都係接收左佢

但啊Manz見我咁   話買個mon貼比我

(因為本身佢無mon貼送   我諗住用呢個做理由叫佢平d-v-)

所以最後擁有呢部無咩特別既黑色iPod Nano 4 XDDD  開心~

我係學校即場試機 + charge電

(橫掂我地都溫好奈書先會走)

但我而家呢一刻後悔咁快攞出黎玩

因為番到屋企之後   我玩佢玩左半晚

都無溫書- -"

算啦   聽日ethic就靠係學校溫果7個鐘努力!

p.s.

靜靜雞post張傭人相比你地睇   睇下邊個係姐姐

  辛苦你照顧我了~

shuzzz!!!千祈唔好話比佢聽我攞左   佢用我部相機係女廁同fd自拍d相出黎!!

今日比自己休息下

完完全全地做自己鍾意做既野

傾MSN  狂煲下PPS.. 咁

後日就後Ethic

但諗住聽日先開始溫

唔理得咁多   休息左先算

但好討厭既係   近排有多野煩

真係好x煩!!!!!!!!!!!!!!!!!!!!!!!

第一 - 5月17&18去camp

頂你咩! d人去又唔去

錢又唔交   想點啫!

都已經話左唔做搞手傢啦

你地咁樣問我點算  咪即係等如又係我incharge曬!!!!!

你地個個都大個我   比d責任感好無?!?!

第二 - 暑假

今年呢個暑假應該仲多野做過上年

番工,學野,考牌,實集,camp,旅行

問題係安排唔到時間

而係所安排既都要比啊媽一一恨評

我覺得  你係想我為著將來著想 

就唔好將你既價值觀放係我到

咩叫我感覺到你唔係真係有興趣

你咩事   我自己對一樣野有無興趣  由你去覺得?

你的指引我聽過了   尊重我的決定   好嗎?

最後想說既係..

交響情人夢 之 最後終章 後編    5月28號上映啦!!

先睹為快~  睇trailer先!!

齊齊去睇!!

尋日連續都keep住有野做

今日都曬full booking   好充實

朝早一樣番教會   仲要事奉

但因為出門口唔記得帶電話

除左早餐食唔到   連事奉都遲到

sor呢-v-

完左吃完午餐後  3點半番大埔大尾督魚場釣魚

with 飯罐,terri,ginny,啊天,em,billy,eddie,johnny,慶g

玩左個半鐘   我沒有釣到一條啦

啊天釣到兩條   eddie一條

老實說   我是沒有等待魚上釣的耐力啦

才不到5點  我就已經要走去番工-,-

沒辦法吧   鬼叫公司係中環

最後影張團體照   佢地去撐船    我就等車番中環

其實  我寧願唔要果晚既人工同你地玩

但我唔想做一個人沒信用的員工

願諒我吧

6點15分番到公司換衫    6點半開工

因為某同事遲番的關係    要我頂頂佢個位半個鐘

(做係廚房攞餸出去比客果個人)

但只係半個鐘  我就已經做到 [呢咁hea]

仲要狂問啊奇係咪呢碟餸跟咩汁

唔係未做過...   不過只係好奈從前先做過一次

鬼記得咩  今日又唔記得帶note cards

所以連d廚師都睇唔順眼   係到提我-v-

感激華哥!

之後等到果位同事番到黎   我就睇番後線(樓面)

好唔鍾意比d客用超差既態度對待

咩料啊你   仲要係好明顯細過我既女仔

唉..   忍!

之後又要服侍VIP房裡面既13人

不過成個FAMILY都好friendly

佢地果兩個b仲要係到忍我笑

笑點很低的我   一邊分湯  一邊笑  (背住他們的啦)

因為今日只係睇樓面  d人走曬   執好曬d枱就可以準時放工啦

(唔洗洗酒杯~  辛苦曬啊奇啦)

p.s.

食宵夜果陣得知   某某做麻最後今日

當呢個被罵擋箭牌走左之後   我未來打工既日子會變成點呢?

11點30分

我終於都考完bio....

呢一科係咁多科以黎  考得最辛苦既一科

可能我期望得太大掛-.-

頭一小時  見到d題目係識與唔識之間

完全唔知想點   hea寫

只掛自己沒好好背曬所有detail吧

之後半個鐘  寫essay

我明明識..  但唔記得左d point

算...   畫圖補番

但唔知係咪用曬d時間   之後半個鐘條essay唔太夠時間寫

應該係話唔夠時間去畫圖

總括黎講   炒就唔會炒既

不過唔會達到一個滿意既分數

題外話

我唔見左f.5時所寫所畫果本note-.-

如果大家有印象  就係果本係學校果本藍色長簿

我畫到d圖靚一靚果本

唔知係咪比左niki呢- -"   溫書果陣想搵都搵唔番

個問題係..   某d題目  如果我有果本野係手

我唔會唔記得點畫圖><   

不過算啦   整定既

跟住番鑽石山  不過未番住團契

去搵啊媽食飯 + 睇戲  - Iron Man 2

老實說   第二集並不討好

或許打鬥場面比第一集多

但..  整套戲的流暢度(對我來說)不太好

可能我唔記得左上集講過d咩(應該有少少refer番上集)

但我啊媽無睇過上集都覺得一般

後part直頭唔明點解會演變成咁

不過我成日都係到諗   究竟係咪香港CUT片CUT曬D鏡頭

令到我唔明呢..

所以睇完後   係有感覺係後悔買左飛入去睇

即係覺得..  等到PPS有先睇仲可以

我highly recommend係等到出3D先好睇-v-

講真   如果佢D某劇情  (例如 打鬥,主角屋企部電腦D鏡頭) 整到3D

咁就VERY GD!

睇完戲岩岩好4點半番團契

不過臨入教會門口前  諗起今晚番工唔記得帶名牌-廿-

我地如果唔記得帶   係要加鐘  (即係有一個鐘係白做)

咁就搵個今日咁岩唔洗番工既啊奇幫手 (亦都係space既同學)

最後唯有要更早離開團契   去搵啊奇借名牌

(基本上唔會留意個名  只會留意有無牌)

6點半出到上環  之後6點45分跑到中環-口-"

好辛苦.. (如果你有留意中環d路幾斜  就知辛苦)

今晚做野無點做錯事    不過今日又係做水吧既我

洗極d酒杯,水杯   都比人話唔合格

[ 唔合格定義: 隻透明杯係燈下面睇到係有印  就唔合格 ]

心諗: 我又唔係hea洗   洗極都仲有   即係根本就係隻杯花左  or 陳年舊跡

而且如咁樣睇   點都有印傢啦

最後因為我唔想留番D野比人做   好人地開OT開到12點  (本身11點15分走人)

但係其實D杯都仲未OK   只係搵其他人接手

(咪一樣洗極都係咁-.-   係呢個不充足資源既BAR入面洗杯  唔洗指意洗得令)

最後因為趕唔切九龍塘最後一班火車

要搭番去旺角搭通宵小巴  (貴!)

1點半後先番到屋企

累