哈哈~估唔到之前gradin都唔染

而家距離開學一個月都唔夠先去染xp

其實都自己都只不個係貪玩  陪飯罐染

因為飯罐想開學染番黑個頭

所以就好心急  特登由馬鞍山咁遠水路黎元朗染

(呢間salon我信得過先介紹比佢)

朝早教會都未番完    飯罐就已經到左

就叫住佢上黎聽陣先~

呵呵~飯罐連續兩日番教會呢   mr tse實開心死-v-

完麻簡短既祈禱會  就同飯罐出發染髮之旅lu

最後  同自己&飯罐所預算完全唔同

我本來打算染下藍色玩下  但最後變左紅色

飯罐本來諗住玩highlight紫色  但而家變左成頭紫

(唔記得即時影番張相tim><)

有機會post相比大家睇下啦~

p.s.

現在才給我猜中已太遲

充滿決心的你  已不能阻止

破碎了的花瓶   即使修好仍舊有裂痕的出現

同樣道理  這些刻骨銘心的動作在身上作

即使經過洗滌  痕跡仍然存在

不是說你這樣做是錯  但你這樣做

她真的會開心嗎?

心中有數吧

今個星期六既團契超好玩呢=]

首先  必須要提到既係

飯罐同mingming為左報恩  終於都跟我地番團契lu~

可惜mr tse今日病左  黎唔到見佢地

如果唔係實開心死~

而今日既主題週係   [但以理廚房]

我被分到同ar龍,ar jan,肥嘉,嘉駿,孫婷,becky一組

要負責整糖不甩

心諗: 都好彩... 應該都幾易整

點知....- -''

一開頭  我負責整碎d花生啦

諗住用個膠袋入住佢  然而猛力向枱上一fing

成包花生碎曬落地...   因為太大力  個膠袋爛左= =

今次真係落花生..  成地花生   仲要執番曬佢...

最後仲要食....   唔敢再諗-____-

跟住搞麵粉果班    係到整d 湯圓出黎   (其實咩形狀都有)

但發覺用熱水煮唔熟    應該係d湯圓太厚粉

時間到...  其他所有人都上曬碟

我地無辦法之下   即刻將d湯圓分開一半   再整番一d易熟既形狀

然後就聽天由命....

但估唔到   我地果組最後可以贏左個創意獎+好食獎 (同隔離組雙冠軍呢)

(因為實在是  起死回生吧- -...)

我覺得最要感謝係d落花生-v-~   因為d花生+芝麻實在炒得太香啦!

完左團契之後  去左旺角cafa慶祝8月生日既團友

終於   我第一次玩過pictionary(估估畫畫)!!!

今次仲要分4組玩呢=p

好鍾意做畫  比人估果個-v-~

玩完之後就食蛋糕lu

總共有5個壽星仔: 欣姐,肥倫,sandy,孫婷,fibi=]

成班人慶祝  開心好多呢!

我愛但以理團x]

5點半起身

搞左一輪梳洗就打一打比christy

問下佢係咪真係需要出先

因為佢尋日一個簡單電話   就約我咁早出黎

如果唔洗排的話  我會殺人的

7點出到黃大仙

完全唔識路........

問果到d市民一間學校係邊  佢地係可以答唔知-廿-

唯有自己落番兩次地鐵站睇地圖

係呢一刻   我真係好想要一部itouch...

7點半  見到飯罐,mingming佢地

雖然唔知自己可以做d咩

但精神上支持佢  就一直陪佢地坐到10點

意外收穫  一份mr tang&mr tse delivery既m記早餐

但其實唔好意思吃的

因為自己的確無點出過力

坐到10點鐘   終於開始收生程序

首先由最高13分開始入去面試

cajun入左去一陣   但係因為朱敬文中學打比佢話收佢

cajun即刻試都唔面就飛的去大圍apply

係到等個ar sir叫d12分入去interview既時候

我訓著左- -...   跟住一醒來  我身邊係一個人都冇

原來飯罐去左當代apply

咁我好自然諗住離開間學校去搵佢地

但係點知飯罐叫我即刻番去聽下叫到佢地in未

可惜我已經離開左排隊既位置

要重新排過-廿-..............

不過即使叫到果個分   人仍然可以插入去的

但果陣時  果個人已經係到講

間學校得番5個位  但係樓上仲有18個13分係到interview緊

佢就已經代表同我地講  你地唔洗等啦  無位啦

咁12分既mingming&飯罐就唔等落去

搵間餐廳食下野先決定點做

去到維苑  janis&christy帶麻肥倫黎呢

跟住我,飯罐,mingming,leo,高ben就坐麻一齊傾下之後點算

食完野  成班人決定番培基

一d人諗住填check卷張form,一d人諗緊re唔repeat

一d人係english zone玩facebk,msn

經過一輪議論  飯罐決定唔repeat  陪我報pre-asso

mingming就話交左repeat先算

cajun就出動左william lee人情牌  

竟然入左國際音樂xx中學升中六(leo一樣)

3點鐘  我同飯罐即刻出發前往hku space

佢ar爸,我ar媽    你一句  我一句  就交錢比form

終於   我唔洗自修repeat   變讀pre-asso

而且當我ar媽了解完呢個課程

佢竟然好buy我入去讀...   要多果個helper呢

p.s.

得到解脫  是應該感到開心的 

但現在我一點也不快樂

是否天註定我們要天各一方?

還是祂根本就想我們分開?

也許  分開各自冷靜一段時間

雙方也有好處

但我始終捨不得

由期本是你提議我們一起到英國去

那刻   我恨不得立刻與你飛奔到那裡去

但始終  太多問題的發生

証明了我們事實上應該分開

你  到那裡的時候

還會記得我嗎?

由於尋日比家姐既浸淫下

尋晚臨放前既決定係自修repeat

咁自修repeat唔洗搵學校

自己係一個狂風暴雨下 留係屋企繼續訓覺

但係朝早6點幾  比一個來電搞到全屋企醒曬

心諗:邊條xxx咁早打黎ar

點知原來係mr tse- -....

事源因為尋日sd左個msg比佢

問佢自修repeat有咩意見

佢尋晚又覆唔到我  就晨咁早比意見我

講完一輪  佢都冇叫過我唔好自修repeat

只係一直比意見我點樣做好

但係下午又再收到電話   (都係訓緊覺的!!!)

Roy Lam親自打黎問我點

一講比佢聽打算自修repeat

即刻同我講唔好  因為佢覺得我一定唔得

佢始終想我搵間私校repeat好過repeat

唉...唔知ar

所以最後都唔理住  訓多陣先算

醒來既時候  咁岩karina係到   就問下佢意見

佢都讚成Roy Lam講唔好自修好d

跟住講講下  就hea左成日lu

我就係到煲番之前未煲完既ugly betty

咁就一日....

夜晚同ar媽出上水食壽司

6點後全部半價~   正!

之後番大埔睇道- -....

飯氣攻心,,,  聽左冇奈  已經訓著

then去了食糖水~ 

已經好奈冇真真正正去糖水鋪食糖水lu

好味~  不過食到我咳-,-

夜晚番到屋企後準備訓覺之際

收到christy電話  問我聽日朝早得唔得閒

原來要幫人排學校頂更

因為飯罐,mingming,cajun仲未搵到學校收佢讀中六呢..

收到電話既時候   已經有人去緊黃大仙某間學校排緊隊

咁一黎自己未試過幫人跑學校

二黎冇理由唔幫下d兄弟

就決定聽朝6點半出到黃大仙頂更!

今朝起身  見到電視寫[放榜照常舉行]

就開始往死亡進發

番到學校  janis同我講班但以理團友仔係canteen等

就成班人圍麻一齊坐  等8點放榜

上到班房  ms sit名我地講

:[有個好消息係   我地班係冇人攞零分既]

成班人即刻拍爛手掌   開心到叫

見到ms 許係到笑我地作無謂既掙扎

等到有張野係我手既時候  我先開始識得緊張

但係果陣時既心情係開心既緊張

期望自己會係幾咁好彩有個雙位數字

所以決定唔睇個總分

打算自己慢慢續科續科計個best six subject出黎

當見到第一科 中文  2等成績

果陣個腦已經開始叫隻眼唔好再睇落去

睇完第二科英文   2等成績

就直接睇總分算

睇完...苦笑..

自己竟然得呢個分  哈哈

想跳樓...

好彩自己仲夠分滿足各大學Pre-asso 既offer

睇番adrian  佢同我同分

但唔好彩既係  佢達唔到個offer

自己都唔知點講好...

好彩佢仲有得去澳洲

總之睇完個分

諗住入硬Pre-asso 

打算等麻cajun,飯罐,billy果班就去apply

但係去到faith班門口  知道左佢地個分

佢地話想搵麻學校升唔升到中六先

咁自己冇野做  番班房

果陣時  已經見到有d人喊左出黎

但係自己唔知可以做d咩   講d咩

就一直陪係果d人身邊...

之後落到去  首先見到既係團友仔

之前已經打左電話比佢地知我同adrian幾多分

佢地即刻上前安慰我

我是真的打從心的感動=]

繼續留係禮堂  前黎安慰既老師,朋友愈黎愈多

而家已經唔記得曬

感謝各位呢

等到ar媽番黎禮堂

佢問我想點  咪照答Pre-asso

但係佢對呢樣野一d概念都冇  完全唔放心比錢我去讀

跟住好彩都可以遇上Mr. Tse同Roy Lam

解釋到我而家既狀況+出路

但ar媽仍然唔放心  就不斷叫我打比ar爸,家姐睇下點

我家姐就不斷叫我repeat

因為佢覺得如果真係上degree

pre-asso唔係最好既選擇

ar爸就sell我去中國讀- -....

最後ar媽話既然pre-asso唔急住報名

就番左屋企諗一晚先作最後決定

ar媽走左之後

同billy,吹波走出學校  打算下等陣有咩做

本來諗住陪飯罐果班一齊陪佢地搵學校

但係完全捉摸唔到佢地下一步係點

所以都係決定各自散band...

其實我並唔想咁快番屋企

想散下心...  但冇人陪

就上山搭車番屋企...

(上山途中  見到好多人係恆商走出黎搶的士)

番到屋企  都只不過係12點幾既時

自己完全唔知自己想點

就決定訓醒先算...

3點後  訓醒(其實係嘈醒)

不斷有人問我放榜放成點

其實都幾難頂...  要話比人聽一個自己接受唔到既分

比跳樓更難受....

我今日預計自己唔會流一滴眼淚

我係禮堂既時候都仲控制得好好

但番屋企途中  收到一個由補習老師sd黎既msg

我覆佢  覺得考成咁樣  好對唔住佢   好浪費佢既心機...

跟住佢再覆我  我淚水完全係控制唔到

真的對不起你呢...

夜晚   我家姐不停炸我  要我repeat

咁我就好似牆頭草咁  聽落好似幾好  就諗定repeat

仲要係自修果隻- -...

但係好多同學都同我講唔好

唉..唔知ar   爆lost...

p.s.

在你最失意的時候  我竟不在你的身邊

比我看到自己分數的一刻  更難受

對不起