尋日放榜工作坊後

cajun約左我地成班男仔去報Pre-asso

我口裡面話一齊報  但都只係打算昅昅

但係尋晚講到唔清唔楚

都唔知佢地約實係邊到等

所以臨訓前  sd左個msg比飯罐叫佢起身打比我

但我尋日搞到差不多3點先訓

所以飯罐8點半打黎都幾想打爆部電話去   (認真的,  但沒惡意)

最後同飯罐傾番佢之前申請Pre-asso d學校資料同麻面試問題

10點半出門口去中大專上學院

係旺角地鐵站join麻adrian,billy,cajun,慶g  就行去lu

入到去  成個社區中心咁- -''

聽完人地簡單介紹  見佢唔洗錢交留位費果d野

又可以即場知道佢收唔收你

就撞左入面試室面試

最後  成功地係中大Pre-asso取得暫取生位置

估唔到咁簡單就搞掂左- -...

至於點解係暫取生  係因為佢仲要睇我會考成績

但基本上中英有level2以上+3科合格

你就可以聽日apply呢間學校

等麻adrian&慶gin麻   (當然兩個都簡單地取得暫取生位置)

發現個考官超級不奈煩-口-...

所以最後billy&cajun一齊見果條友

入左傾左陣計   搞掂麻  走佬~

之後發覺呢個位置幾近Poly

5條友就順便搭麻的士去Poly專上學院in麻Pre-asso

但係慶g&billy覺得唔岩佢地讀

兩個食完lunch就番恆商報Pre-asso

adrian,我,cajun就繼續往面試進發

雖然條友話我英文oral較差  但最後都比左個暫取生位置我

offer完全一樣....

我地3個搞掂曬係poly入面食麻lunch

就出法發去麻HKU Space報Pre-asso

岩岩好係5點半前趕到去面試

雖然條友又講到我好唔了解Pre-asso讀d咩

但最後亦都比左個暫取生位置我

offer亦是完全一樣

我地3個不斷地諗

其實個面試只不過係一個儀式

只要你唔係英文文盲+啞   點差都有位收你

同麻見3間專上學院今日都超少人    排隊都唔使排

但係覺得聽日放左榜就唔係咁講法

條龍應該會係9曲13彎掛,,,,

完左成日既周車勞動

自己都超攰   仲要尋晚差不多3點先訓-_________-

之後陪adrian番左屋企沖左個涼

兩條友就搭的士去鑽石山番  但以理團契祈禱會

哈哈~好多大學生陪我地放榜呢=]

聽日仲有小龍,小浚&子暉陪我同adrian係培基

而janis,christy,gloria,sandy,emily有ar Jan,ar Re呢

超感動的說~

成班團友+mr tse+ms leung係到傾聽日跑學校既策略

正常黎講  有兩個培基老師係到  都唔太驚聽日搵唔到學校

(雖然自己決定唔會跑學校)

9點45分   掛8號lu...

突然熄左燈-廿-....

但原來係ms leung今日正日生日

搞左一個小型生日派對=]

欣姐生日快樂~!!!

之後食完蛋糕  成班人繼續去m記gathering

11點先捨得走-,-

感謝但以理團契的所有人呢~

究竟聽日會唔會繼續掛8號呢

自己沒甚麼大所謂的說

好處係可以訓多幾鐘  唔會話會擔心多幾個鐘

因為直到而家呢刻  都仲咪緊張   (認真的)

可能自己唔識死掛....

希望聽日成功攞到理想分數

安安樂樂咁過左一日去   已經好滿足

祝各位培基友   心想事成=]

下午一起身先同ar媽去大埔食lunch

但去唔到銀行入番搞camp既錢

因為趕時間+多人排隊...

見到巴士即刻追上車

咁岩就見到ginny就一齊番學

遲左5分鐘

見到都唔係好多人番左黎

(at least估唔到咁少)

其實聽左兩個半鐘頭講野

最緊要都係聽mr lee講既野

其餘果d都係癈的...

完左之後不斷搵老師傾下自己既問題

答案係:  只要你會考有15分  學校包收你原校升

我係咪應該感謝將會飛去外國既朋友?

但係  如果好多人都好似我咁

諗飛去外國都係培基買個水泡  冇曬位咁點呢- -?

唔知...  唯有希望自己at least有14分先><

(估唔到billy係最驚果個...不過見佢而家仲打緊機   應該冇事既)

6點半後去左同菠蘿軍打邊爐

其實自己好少可去菠蘿軍搞既活動呢

開開心心食完就行街  番屋企lu

p.s.

好後悔用左第一城果個存錢機ar!!

點解呢部要一個星期內先有得用番d錢wo!!

咁我要用錢點算ar??!?!?!

訓醒時係adrian叫醒的11點20分

心諗:襯你地班死仔仲ger緊  即刻霸左個廁所沖涼先~

事因已經一日半無沖   再唔沖自己都頂唔順....

到出番黎既時候

成班人都起曬身等我個廁所~

(好彩冇比人罵-v-)

執好曬野就出camp lu

吹波唔知點解   臨走果刻講左句

:[如果東涌有一間餐廳用八達通比錢   我請曬大家食飯!]

講真點會無   跟住成班就跟住佢番東涌

可惜既係  所有餐廳有八達通機既都好full

最後去左food republic到食据排

(事源係吹波肚餓  唔想再同我地周圍搵  先成餐野津貼$300)

其實自己好似好衰...   好似硬要吹波請

所以今餐非常多謝吹波呢=]

食完之後各有各走lu

我就同飯罐,ash&em行東涌outlet

又見到一件超想買的衫><!!

但係一件野咁普通   $3xx好貴...

如果我有吹波咁豪  我實即刻買左佢!

所以最後番到屋企都冇買過野

呢三日兩夜既adrian放榜營

''完滿''    結束

P.S.

一番到屋企見到間屋

即刻想番返間渡假屋繼續渡假!

當朝早醒來的時候

發現身邊多左個billy- -''

見佢訓得咁唔舒服  就比多d位佢+比多d被佢

然後繼續訓~

點知唔知過左幾奈

就比人嘈醒+叫醒....

因為要交屋比人....唉..算~

12點後交左屋

就出出門d士多食lunch

我個叉蛋飯變成餐蛋飯囉唔該!!

因為要等到2點先有第二間屋攞

本來諗住1點半就開始行去

但係傾計傾得好開心  兩點後先開始去=]

(其實蠻喜歡成班同學一齊講學校d野~)

入到間屋   哇!大好多,,,,

因為之前果日得450呎   今日700呎

同吹波出去士多租完麻雀之後就狂打

打到唔想出沙灘玩

(因為個太陽咁猛   都唔係好想咁早落)

去到5點半後

心諗:冇理由出黎咁遠   沙灘都唔去下

就同飯罐,ash&em,吹波行沙灘

影左好多靚相的說~

雖然d水唔夠涼  但挺享受在水裡行的感覺=]

行到太陽落曬山   先捨得番屋企食飯

今晚晚餐係去酒家食飯

本來打算去番叉蛋飯果到食

但係係沙灘附近發現左一間Quicksilver既club bar

就帶左成班人去果到睇

本來都好想入去食  但好似係bar同麻睇落幾貴

最後係附近d酒家搞掂算

叫左6個餸  9個人分呢

每人比麻野飲錢都只不過$32

(對比尋日外賣pizza令人$7x....)

仲好食好多   只不過係污漕左d

之後到番到屋企繼續打牌

其實對一d唔識打牌既戈都幾悶

而且成個三日兩夜camp都不斷打牌  好似好無聊

不過  基本上搞呢個camp  目的都係為左渡假啫

而且唔想臨放榜前比ar媽狂娥

所以先黎呢到避暑~

夜晚  睇睇下電視既時候

飯罐發現左間屋有wi-fi

成班有仔即刻攞曬d上到網既電話出黎搶線- -....

自己亦都借了上facebk~  

呢間屋值得下次再借-v-~  nice!

12點後得番自己係到睇死亡筆記

其他人一係訓左  一係入房傾計

見佢地好似無特別叫麻自己入去傾

自己都唔想好似8野咁入去收料

繼續睇電視睇到3點幾

睇完發現得番自己未訓

就睇下佢地入房搞緊咩

原來佢地仲傾緊  咁我見冇電視好睇 

隔離房又無曬梫頭+被   (比班死仔搬曬入傾計房!!)

先入去訓麻一齊傾

內容黎黎去去都係果d   講到5點幾就決定訓lu...

P.S.

衰人adrian霸左一大張床  

搞到另4條友迫住訓一張床!!!

今日開始去adrian放榜營

目的  只不過想照之前學校既原定計劃

係臨放榜前搞番個camp...   relax下=]

adrian,billy,cajun,吹波兩點先入了貝澳攞屋

我同飯罐,ash&emily去百佳買完野先入

當我地去到貝澳既時候

搵極都搵唔到間渡假屋係邊

入左去果四條友仔顧住打牌又唔肯出黎接我地

搞左勁奈  adrian先肯出黎帶我地入

超討厭...

算...打牌會令我心情好~

去到夜晚  慶g帶麻pizza外賣入黎

都已經好似係10點後既事- -...

(好彩之前食左個杯麵打好左個低啫)

一食野  班人就開始黎料

所有雪櫃裡面既酒都出動曬

啤酒,vodka,saka(日本清酒),ice,橙汁...  咩都溝麻一堆

過左兩個鐘到  所有男仔宣佈[wing]曬

冇一個行到直線超過3秒

然後開始發癲...   (包括我-v-)

但我始終醉唔到呢

我d酒散得太快的說....

只可以說令到我行為大膽

但自己仍然清楚自己係到做緊d咩  -__________-

深夜  全屋人走曬出屋傾計

去左個空地到發癲

有咩煩都講曬出黎  係舒服d既

直到有一刻  自己真係頂唔順

走去水渠嘔.....

咁多種酒溝麻一齊   個胃都真係頂唔順

臨番屋企之前   再係人地間屋前面條水渠再嘔多次

超對唔住間屋既主人的說...  但真係忍唔住

不過嘔左出黎   真係鬆好多~

不過我諗我暫時都唔會再飲咁重酒味既酒

因為嘔實在太辛苦....  連胃酸都嘔麻出黎-_______-

P.S.

或許你說得對   我懂你的時間才一年也沒有

相比那五年的  我根本不了解你

只恨我們相識得太遲

無論你多討厭別人跟你道歉也好

我也必須承認自己的錯

對不起   真的對不起...

有你的安慰  我真的很開心
因為從來都沒有吧