| «‹ September 2015 ›» | | S | M | T | W | T | F | S | | | 1 | 2 | 3 | 4 | 5 | | 6 | 7 | 8 | 9 | 10 | 11 | 12 | | 13 | 14 | 15 | 16 | 17 | 18 | 19 | | 20 | 21 | 22 | 23 | 24 | 25 | 26 | | 27 | 28 | 29 | 30 | |
|
2007 年 6 月 6 日 星期三  |
| 踢波日! |
分類: 未分類 |
今日,返學,又係等埋sam sung佢地先返得學,我唔知點解琴日睇完死亡筆記之後,訓教既時候發夢發到自己好似真係變左夜神月咁,不過只係發夢,如果係現實就正爆!返到學校,打陣乒乓球先,呢d係興趣,同1A班唔知大定細既兄弟打,泰仔不斷咁話佢既對手好廢,要求同我打,我聽到實在太開心啦,因為有人認同我既實力啦!連續3日,李生不停咁比老師話,佢唔悶嫁咩,比老師罵咁耐都唔改,唉!ling妹就一日一日咁比佢欺凌,城城仲特別,次次比李生打親,佢個樣都係笑住咁比人打,城城係咩構造嫁!雖然佢識發光,不過都唔洗咁串!之後,午膳就開波啦!我係後備,我自認,咁多個球類之中,我排球係最屎既,網球仲勁過排球!乒乓球更加唔洗講,踢波同打籃球就一般啦!放學,thx哥哥!唔洗補習住,推到星期六!踢波,我又用倒掛啦,正!我要練熟d唔實際既招數!踢踢下之後落雨,不過照踢!我返到家,不停咁做功課,做完就打blog,太好啦,仲以為我d blog既fans死曬去邊tim!仲有人會望下我個blog!都係件好事
|
2007 年 6 月 5 日 星期二  |
| 考試前的倒數-7天 |
分類: 未分類 |
我就唔係好明白,點解次次返到學,發癲既一定係5大天王嫁呢!搞到我又想笑,又覺得佢地有d煩,霍man同kai銳兄就話改左小小姐,不過其他就......!我十分之同情ling妹,不過money妹比較幸福,對住霍生起碼好過對住李生!yip妹就岩岩渡過左同5大天王(其中之一),坐既日子!笙兄今日好勇,大聲咁叫李生收聲,李生可能遲下要改名做「李收聲」,文雅d可以係「李修聲」,用左同音字!上左科學堂,搞到自己想整返個熱氣球(迷你版)!午膳好正,霍man勁輸比我,哈哈,開波第一下之後就即刻比我殺球,勁正!今日miss lo冇返,仲以為唔洗小測,,正當全班進入最happy既狀態時,miss so 就攞左中文份小測黎啦!全班情緒180度轉變,好彩都有望過下,應該合格,我聽振兄講話要對1B,1B聽講好勁,振兄居然叫我地認輸,一d都唔似佢,平時既佢,係好有志氣,點解佢會咁嫁呢,令到我太失望啦!放學後,睇到2A同2B決戰,哇,我地班有佢地9成力量,1B都已經唔係我地對手啦!不過現實係冇可能發生d咁既事,佢地既力量係唔會轉移到我地身上!只好靠自己努力! |
2007 年 6 月 4 日 星期一  |
| 又打返blog! |
分類: 未分類 |
發覺自己成日都唔打blog,都唔知個blog開黎做咩!今日早上起身,又係等埋sam sung班人先走得。今日返到學校,都係冇乜野!唔知點解今日覺得李生又失常,但係又好好笑喎!今日綜合人文堂,不停咁係度扮gatsby個廣告,男士止汗噴霧個廣告,笑到我就快斷氣!今日去左寺廟參觀,唔係學左好多野!不過放左學,可樂好好飲,多謝梓華姐!我好似同笙兄鬥飲比賽咁,鬥快飲曬梓華姐杯!不過真係好好飲,之後仲慘被笙兄害死,行到去跑馬地個巴士站搭車,行死人!全程不斷同笙兄講野,好似大把話題傾唔曬咁!之後返到家,比個細路串我唔識英文,次次邊個教你做英文功課,有小小時候就話唔係我教姐,我仲教到你英文功課好高分tim,你到頭來咪又係要問我!死仔包,你忘恩負義!下次唔教你tim呀! |
| 2007 年 5 月 28 日 星期一 |
| 咁快放完假! |
分類: 未分類 |
我唔知係唔係因為太耐冇打過blog既問題!搞到d人都好似唔係點睇我個blog咁!連sam sung都冇留言!得姑姐有留言!不愧為姑姐!可能我講太多關於死亡筆記既野,所以會悶親d人!我唔排除sam sung只係睇左,不過唔留言!所以我要改變一下自己!唔好再死亡筆記!我諗好多人會支持我!今朝,起左身,好似冇野食咁,去左攞薯片食!正!原味薯片係最好味嫁!有d人唔會贊成,好似我細路咁,(其實係我堂細路,不過我一早就當左佢係我親生細路)。佢會話燒烤味係最好味!我都有小小贊成,因為只要係薯片我就認為係好味!不過最好味就當然係原味啦!哇!money咁早on,簡直係件好事!起碼有人同我講下野!不過汶峻先生都有on!都係件好事!newscut我畫得d人好樣衰!今日下午出街買野食,打算出去時冇雨,都諗唔會好大雨,所以唔帶雨傘!不過之後買完野食之後就好大雨!頂你.......唔順!自己跑左返屋企,好威!返到家,同呀媽爭食薯條!結果我當然贏啦!冇人可以同我爭薯條食!呵呵,講笑姐,我同呀媽爭食既原因係因為佢食得太多!呀,冇野好打啦!多d留言啦!好唔想返學呀! |
| 2007 年 5 月 27 日 星期日 |
| 又落雨! |
分類: 未分類 |
n世未打過blog,今日終於有返心情打blog,其實我每日都有心情,只不過係唔記得左打blog咁解姐!今日打算早上去游水,不過肚痛,推到落下午,下午又有雷暴警告同埋落雨,雖然我試過落雨游水,只不過第二日就發燒姐!所以我唔想病多次!其實今日真係熱到死同悶到死,做功課好似唔係太好咁,而打機怕自己會又再上癮!所以我要有自制能力!我宜家仲有小小功課未做,我已經做好左錄音既功課啦!如果唔係呀sir冇派到張紙,同埋冇人話比我知張紙有講到係個網度download個檔案落黎,我諗我晨早就擔心到死!好似夜神月擔心人間跌多左本死亡筆記咁!我一陣做埋green file同埋newscutting就得啦,好似仲有longman未做,o...,慘囉,溫習時間表都未做!唉!都係唔好提功課,講返起琴日,係咁爆粗,火到冇人有!居然呀爸幫我收拾好打網球既野時,居然唔記得收拾對波鞋!好彩我爆既粗都唔係太粗俗!只係「頂你個x」我係不停咁講!好慘!搞到我要穿校服打網球! |
« | 5 | 6 | 7 | 8 | 9 | 10 | 11 | 12 | 13 | 14 | »
|
