| «‹ September 2015 ›» | | S | M | T | W | T | F | S | | | 1 | 2 | 3 | 4 | 5 | | 6 | 7 | 8 | 9 | 10 | 11 | 12 | | 13 | 14 | 15 | 16 | 17 | 18 | 19 | | 20 | 21 | 22 | 23 | 24 | 25 | 26 | | 27 | 28 | 29 | 30 | |
|
2007 年 6 月 16 日 星期六  |
| 有得打網球啦! |
分類: 未分類 |
今日起身就溫書,當然,唔係比琴日既恐怖賭博條例影響,我估我自己都唔會咁乖去溫書!溫左兩粒鐘,數學同科學,今日早上本身打算搵下有關世界網球手既排名,不過搵下搵下就搵左去世界大學既排名,我見到港大先係排第300幾島,先知道自己係幾咁屎!再唔讀好d書就人生會冇出路!今日去打網球,個場唔係濕到死就曬到死!今日30幾度叫人去打網球,簡直想攞我命!不過我又想去打網球,因為發覺自己鍾意左網球呢種運動!其實我好多運動都鍾意,除左排球之外,因為我排球係屎到爆!我睇返新聞,知道拿度今次打草地出左局,又係既,泥地先係佢既地盤!出汗多到可以裝成枝水!正手好左,反手差左!同上次打網球相反,上次就反手好,今次就正手好!教練居然話我睇得拿度d正手多,學到野!呵呵!多謝讚賞!今晚溫書,科學唔可以衰嫁!
|
2007 年 6 月 15 日 星期五  |
| 好難既I.H! |
分類: 未分類 |
各位同學!我向大家宣佈一件慘事,就係我I.H好多都唔識,不過溫左書都要係咁,係唔係好on居呢?考完之後,本身打算同money佢地去中央溫書,不過發覺自己冇帶要溫書,只好講唔去,就係咁,money就嬲左我啦!去到7仔打算食野既時候,有某些人搞到我同笙兄要去第二間7仔食,城城同我太fd啦,成日都叫我做大佬,我諗佢係痴左線!去到第二間7仔,就睇到姑媽(yan姐),第二個家姐(雨盈姐),同埋楚翹姐!我就覺得好似差左一個人咁,佢地平時唔係4個人一齊放學嫁咩,差邊個大家知啦! 之後我又發癲,好似今朝同呀man講野咁!只不過係同笙兄講野,令到笙兄覺得我係癲左!之後笙兄上左車,係咁望72個巴士站,睇下我係唔係度!「笙兄,我係另外一邊呀,望過黎啦!」之後,佢終於望到我!返到家,打機,到左夜晚,money妹又會知我打機既!唔洗講,又係yip妹報串!之後,同佢地賭博,死亡賭博,我平均分要有75分或以上,唔計常分!如果唔係,我會比佢地打死同埋我又要大出血!好慘既事!搞到我連機都唔敢打,只好溫書再溫書,溫完再溫!明天希望好天,可以打網球! |
| 2007 年 6 月 14 日 星期四 |
| 努力溫書! |
分類: 未分類 |
今日,又係一日,琴日聽返個FD講d野真係好好笑!等我重組案情先!首先,我係我樓下見到佢,我就同佢講:「咁夜返,比老師罰留堂牙?」佢答:「食蕉啦你!」我話:「食蕉好喎,上次拿度打波有食蕉,而且飲左幾枝寶礦力!」佢話:「哦!踢波既人係要出多d汗同力,所以唔出奇!」我話:「下!朋友,拿度喎!」佢話:「我知,係法國隊做前鋒條友呀嗎!」我答:「喂!拿度喎,你冇野呀!」佢話:「呀,我記得啦,做龍門個條友呀嗎!」我答:「係上次打網球你叫我買佢輸條友呀!」佢話:「哦,好樣衰個條呀,咁抵佢輸啦!」我話:「下,佢贏左喎,3比1贏左費達拿喎!」之後佢就扮曬成個傻樣咁話:「係咩?」之後我由返到家笑到聽日起身!之後冇咩好打,努力溫習!
|
| 2007 年 6 月 10 日 星期日 |
| 溫書與打機! |
分類: 未分類 |
今日起身,落街食野落大雨,好彩有帶傘!今日溫左中文單元七,科學第六課及ENG U4 and U7!打機終於玩到劇情,好正,城堡兵最終回!用左日本人原來一般啦!今日冇咩好做,唯一好做既就係今晚睇費達拿對拿度,正,最強對最強!草地王對泥地王! |
| 2007 年 6 月 9 日 星期六 |
| 好慘!冇得打網球! |
分類: 未分類 |
今日,訓到好晚先起身,我love呢種感覺,因為唔係成日有得遲起身,成日都要返學!起身做功課,人生不樂也!日日都係功課,好想快d過左個考試,因為考完試有得同振兄同城城打機,正爆!唔知我輸定贏呢?做完功課準備出去打網球,正!如果有班際網球比賽就正,話唔埋1D都攞第一!上次睇死亡筆記打算學夜神月打網球姿勢,不過好可惜個鏡頭只係影住佢個頭,都冇影到佢既姿勢,雖然邊打波,邊諗佢同L既下一步對戰!去到打網球前,食拉(面),正!諗返起琴日食pizza hut,個批正爆,d湯都正爆,d肉醬意粉都正爆!不過呀媽居然話唔好味,哼!呀媽你都唔識enjoy!入返正題,食完野去打網球,居然落雨,xxyz!去老豆公司打機,yeah爆!教練部電腦個桌面唔係費達拿就舒拉寶娃!好正(對於佢黎講),師兄(網球師兄)paul哥哥又去左美國做野,仲打算下次同佢打返盤!等老豆做埋d野同佢一齊放工!返到家,不停咁溫科學,諗返起琴日,我用電話同笙兄講話我會溫到凌晨一兩點,不過事實上十點就訓左,佢話會同我一齊溫,唔知佢有冇咁戇居呢!假如同佢咁講,佢實打死我!今晚要打PS2! |
« | 5 | 6 | 7 | 8 | 9 | 10 | 11 | 12 | 13 | 14 | »
|
