| «‹ June 2026 ›» | | S | M | T | W | T | F | S | | 1 | 2 | 3 | 4 | 5 | 6 | | 7 | 8 | 9 | 10 | 11 | 12 | 13 | | 14 | 15 | 16 | 17 | 18 | 19 | 20 | | 21 | 22 | 23 | 24 | 25 | 26 | 27 | | 28 | 29 | 30 | |
|
2007 年 4 月 22 日 星期日  |
| 拜山記! |
分類: 未分類 |
今日,聽左陣歌!當然,又係死亡筆記d歌啦!冇幾耐就收到呀麻打黎既電話!佢就叫我去拜山,當然,我d咁既孝子賢孫一定會去!次次都唔記得帶蚊怕水,次次去親都比蚊咬,我d血好似係d蚊既糧食咁!我飲就唔覺得d血好好味啦,不過d蚊唔同,好似吸極都唔厭咁!去到拜山地方!多數都係冇野做!只係裝幾枝香,之後就坐低,完全無野做,同d大人講野,佢地根本就同我唔岩傾,因為佢地未睇過死亡筆記!所以就唔岩傾啦當然,但假如d陌生人睇左死亡筆記就唔同,我同d陌生人傾到由凌晨1點傾到第2日都得!不過假如d人冇睇過死亡筆記就唔同,no watch death note,no talk!只要大家抱住呢種心態同人地傾計!肯定有一大班陌生知己!返到家,溫書囉!一冇野做,自然就會溫書!溫書,當然睇返陣死亡筆記啦!今日睇埋第25同第26集!終於明白後來點解會咁啦!L死左,唔緊要,夜神月唔死就得啦!依然仲有戲睇!下集講N,都好,有新敵人,唔洗成日對住個L咁悶!不過N同L係差唔多嫁,N簡直係L 二世!歡迎大家留言,我好鍾意d留cm既人係留d cm仲多過我講既野!
|
| 2007 年 4 月 21 日 星期六 |
| 好多野做既一日! |
分類: 未分類 |
今日,有條小學同學打黎,條友係一條好煩既人,由小學三年級煩到我小學畢業,不過大家都係朋友!條友打黎又係問:「喂!你今日去唔去得教會呀?」我只會答佢:「我要打網球,唔得閒!」佢又話:「你條友又唔黎,悶到我死咁!好啦,係咁先啦,8!」就cut左線,我就諗:「陣我唔去教會係唔係要斷隻手指先!係我就打死都去,不過事實話唔去咪唔去囉,做咩要逼我!」去到打網球,比d蚊咬死,好似前世同d蚊仇咁!打完之後,教練就話:「有幾球打得幾好!」我就好開心咁笑!教練就話:「記住,係幾球!」我就諗:「教練,驚死我唔努力咩!」呀媽突然話:「呀仔,好耐未食過魚生啦!我地去SOGO買d返屋企食啦!」我話:「呵呵!今次正囉,食魚生呀!開心到爆呀!」不過到左SOGO,呀媽又開始行動啦!就係不停咁(簡)衫買!仲要買返d比我!唉.......! 都唔知d衫既店鋪係唔係落左d唔知乜鬼野既氣體會令到d客人入去!呀媽買衫比我,都算啦!不過,做咩要買長袖呀?宜家全球變暖啦!加上夏天,想熱死我咩!不過到佢買衫既時候,佢又係度(簡)緊d xx(女人內衣)!救命呀!不過我又見到一個男人走左黎呢度望住d xx,好似睇岩左邊款咁!仲好似對d xx好有研究咁!我就諗:「呢條係唔係變態佬黎嫁?」不過睇到條友有個牌掛住係心口度,原來條友係店員,唔係變態佬!睇返呀媽,呀媽好似仲未(簡)完!咁算啦,我只好周圍行,d人見到我一副無奈同沈重既樣,好似見到d遊魂野鬼咁!正當我遊魂緊既時候,我見到有條店員踎左係度,仲係度食緊薯條!家陣食野影衰你咩,光明正大咁食啦!呀!係喎!差d唔記得左人地係偷緊懶!如果佢咁做,駁炒咩!d店員不停咁講:「慢慢(簡)啦!」我就諗:「廢話!我(簡)得咁快趕住去投胎咩!」之後呀媽終於(簡)完,好似買左好多野咁喎!我就同佢講:「拿!呀媽,你買還買,唔好用埋買魚生d錢去買衫呀!我只係要魚生咋,d衫唔食得嫁!買魚生比我呀!」我下次同佢去行街,一定比幅墨鏡佢戴,咁佢就睇唔到d店舖啦!當等緊車時,架車剎車時,剎下剎下咁!發出d聲嘈到耳都聾,我就諗:「聾啦!死產!一剎就剎停佢啦!」返到家,好似發覺今日冇乜點溫書,不過,VIII13(04) XVIII21(2),XIII9(7) XII4(1) XIII5(09) II1(4) XVIII XVIII25(1),who is the 1D XXIII19(1) XV4(1) VIII8(5) XVIII吧! 請自己人唔好講個解碼法出黎! |
| 2007 年 4 月 20 日 星期五 |
| 悶到爆! |
分類: 未分類 |
今日UT考中文,不過我以為好難,點知真係好難!我偏偏唔做挑戰題,因為唔洗扣分!好聰明,呵呵!我自己認為姐!今日可以10點鍾放,奇蹟!不過要等埋sam sung先!都好!可以打陣table tennis,我居然會win到泰仔!呵呵!不過都輸左幾盤!唔怪得人地!人地整傷左條腰!都好正常姐!返到家,等於去到一個密室!呀媽唔係度,好野,打機!都係唔好,睇死亡筆記,又不停咁播放第27集!個劇情同埋d人既對話我可以背到出黎!只好找sam sung,sam sung係一個可以幫我解悶既人,呵呵!不過連續打左3次,都係有人阻止,邊條友咁衰,想令到我悶死!不過都好好,有得打blog,最近冇得打機,即係等於冇得打blog!戒打機中......唔可以話係戒!係減少打機既次數!不過一陣只要sam sung返到家,我就有得同佢玩AOC!終於知到死亡筆記個M,原來個M係壞人黎既,真正後來發現夜神月係奇拿既人係N!夜神月唔死得唔得嫁?我唔想見到佢死!不過個天整定佢要死!基本上我成套死亡筆記中,不理係動畫,漫畫定係電影,我都係最欣賞夜神月!呵呵!呀N不愧係L個徒弟,簡直同一個人咁!
|
| 2007 年 4 月 15 日 星期日 |
| 病得好辛苦! |
分類: 未分類 |
今日!起身好似平時一樣,平平無奇!但係我姑姐買左林海峰是但噏踎低噴飯,而且我堂細路又叫我快d播!我見冇野食只好煮個杯(面),食左小小,就覺得好飽,睇左踎低噴飯一陣,就覺得有頭痛!但係我又覺得個肚唔舒服,有d野湧上我把口,搞到我踎低噴(面)!話唔埋我可以開場show叫培兄是但噏踎低噴(面),但係我個show有五點係同林海峰場show有分別,就係個名,時間,人物,地點,情況!個名岩岩已經講左,時間係放學之後!人物係培兄,並唔係林海峰!地點係1D班班房!情況:林海峰個show係全場都笑,但係我個show係全場打喊(路)!原因係因為我無聊,所以d觀眾先會打喊(路)!但係假如有人笑得出,我會好欣賞佢!因為佢比我更加無聊!有d明星做緊show既時候通常會拋d野出去!不過我個show就冇野拋!反而d觀眾會拋返d野比我,就係雞蛋,番茄.........等!不過呢個show我只係用綠帽子既思考方法!我懷疑係我堂細路d病傳染左比我!比我知到左係既話呢!我會好好咁修理佢! |
| 2007 年 4 月 14 日 星期六 |
| 學網球的一天! |
分類: 未分類 |
今日終於開到個blog啦!開心very much!而且我download到死亡筆記動畫版既片頭同片尾曲!要就問我攞!無任歡迎!今日去左學網球,教練教我打(正手擊球)都算唔錯!教練仲讚我有球感tim!雖然我唔知球感係咩,不過聽到佢咁講,都係好野黎既!本身打1個鍾嫁!不過打左45分鐘後,突然落雨,落左兩分鐘都唔夠就停左!好慘呀!比我打埋落去啦!我既體力係得嫁!d雨水淋到我呢!我今日套裝係好型嫁!不過冇穿冇爛已經係好好嫁啦!大家記住留言,留言者,培兄得閒請你食野!! |
« | 5 | 6 | 7 | 8 | 9 | 10 | 11 | 12 | 13 | 14 |
|
