前晚 11 點幾，公司突然間叫我尋日放假。所以....我同媽咪去o左屯門搵我姑媽飲茶、行街...
果日 2:00p.m，我o地o係屯門稻香飲茶，o係最後我o地仲叫o左 3 碗糖水食...
分別係：
合桃露
杏仁露
而酒樓入面仲掛住 D 旗仔，上面寫住「全力支持北京奧運」、「中國加油」
飲完茶，我媽咪就同我姑媽o係屯門市廣場行街、睇衫。而我就o係商場入面周圍行o下....
o係我行到屯門市廣場o既「中央廣場」果陣，我見到有個「北京 2008 年奧運會特許商品專門店」，而o係正前面仲有隻北京 2008 年奧運會o既「福娃」（歡歡）比 D 人去影相。
當然......我梗係唔會放過依個機會，影張相放上 Blog 啦！
而o係「專門店」前面，仲有個「米奇好友運動會」添呀！裡面都有個「聖火盆」o架！
裡面仲有：
「米妮」
「高飛」
「米奇」
睇o左依 D 公仔咁耐，令到我都覺得自己好似細個o左好多咁呀！哈哈 ~~ 另外，o係果到影緊相o既時候，我仲見到好多家長帶埋 D 小朋友入去玩同埋影相，覺得 D 小朋友真係幸福喇！
影完相，我就繼續企o係「中央廣場」望住上面個「大電視」，欣賞o下奧運o既現場直播....當時，係播緊籃球賽 -- 中國對西班牙
|
真係好好味o架！
