o岩o岩過o左果個星期日（10 號），對我o黎講真係感觸良多！果日，我不時處於開心同唔開心之間......

        果朝早 11 點，我同屋企人o係金悅軒飲完茶，跟住去搭西鐵返工。o係西鐵上面，我睇到有線o既「即時新聞」話：「旺角o依家發生緊 4 級大火，港鐵旺角站部份出口要封閉，而現場o既交通非常擠塞。」當時.....我已經覺得好驚訝！

        到我去到旺角港鐵站，見到裡面好多警察，跟住我就去 C 出口朗豪坊返工。經過 C1 同埋 C2 出口o既時候，見到果兩個出口已經封閉o左，不過當時仲未知邊度發生大火。

        直至返到公司，同 D 同事傾開，有 D 人話佢搭巴士返o黎果陣，佢o地話見到o係旺角成個天空都「白茫茫」一片，真係好大煙呀！

        到o左 3:00p.m，我去o左附近食 Lunch。食完 Lunch，我o係朗豪坊行o左陣，期間......見到朗豪坊對面部大電視播住旺角大火果「單」新聞，當時...新聞報導話：「大火入面暫時有 3 死 55 傷，當中有 2 個消防員殉職。」