 朝早上既堂都冇咩特別，係下午上chem果陣攪笑ｄ，
杏浩佢地上堂係度打機，我就係度睇佢打，打打下阿連好似想行過黎，
咁我地就扮冇野，係度聽書，一陣之後佢又打返，佢仲講左句「仲未死喎」。
聽過陣覺得好攪笑，可能笑得太大聲，激親阿連，所以佢就話俾３分鐘我地傾計，
之後上堂再嘈就鬧架啦。明明話左努力，但上堂又係咁，唉∼∼∼
放學之後同巴夫佢地去左圖書館pre lab，pre到成五點。
阿短就係圖書館幫手包書，包完之後佢就去左。
我地pre完lab就去左搵阿短，點知雷sir唔俾佢走，
因為佢家姐果班人唔係咁識用電腦，要佢幫手喎。
咁我同巴夫，杏浩，榮佢地係生物實驗室睇人打波同埋等阿短一齊走。
等等下馮sir開"咪"叫我地走，但係佢叫極都叫唔到我地企係邊一度物理實驗室，
化學實驗室都叫到，但就叫唔到生物實驗室，仲要果左二樓，明明係一樓架=0=
阿sir叫完之後阿短就走得啦，因為佢家姐果班人用緊既電腦hang左機，
佢就趁機走左出黎，之後就一齊去坐車走啦。
| 
