 琴日（即係５月２０日）十一點幾去左青衣城，同阿短一齊搵工，
係青衣城兜左幾轉，之後就去左葵芳搵工兼食飯，
食完飯，去左新都會果邊搵黃生，之後又係商場度搵工，
一路搵，搵到四點幾就去左食野，其實得黃生一個食，
我同阿短睇佢食，因為我同阿短都唔肚餓。
食完野，佢地兩個話去荃灣搵工，我冇去到，
因為琴日先去左，佢地兩個走左之後，
我就上左我阿婆度，諗諗下，都好耐冇去過我阿婆度啦，
大概又會考之前兩個星期到依家啦。
搵左兩日工，今日就係屋企休息下，
本來諗住今朝九點起床既，點知一睡就睡到十二時，
真係失敗，食完野之後我就入左房打機，
打左幾鋪ｗｅ１０之後有ｄ悶，
所以就轉ｇａｍｅ，轉左打機戰，
一打就打到五點，洗澡後又入房打過，
到左八點半，食完飯又打過，打到成十點先熄機，
淨係打機戰都差唔多消磨左我一日啦，
果然我都係最鍾意打機戰。
| 
