上星期，上左飛鵝山試車，飛鵝山真係好令架！

不過今次唔知點解，上左好耐都未到頂？

不過，夜晚駕車上山真係好危險，加上我地架車又唔勁，所以真係差D！

好彩有我老爹姐！等我有經濟能力，

我要買架GTO比自己，再買架FTO比老爹，同時買層樓比媽咪，

等佢地享受下！

如果可以坐 LAND ROVER 既 Discovery 2 上山玩就好囉！

真係好想再試下 Discovery 2 既威力呀！

夜景:

靚唔靚呢？其他既相係相簿度！

呢個星期坐左好多車，我既坐車里數可能已經有過千囉！

呢個星期老爹與大伯同兩位呀叔操車(路面&泊位)，而我都有去幫手！

(唔知算唔算做助教呢)^^"哈哈，上左咁多日堂，令我獲益良多呀！

23/7(星期三):

我同橡筋、水水去左科學館做物理報告，科學館下午一點開，

因為水水唔識去，所以我十二點五十分去巴士總站接佢，

我約佢地一點係科學館門口等。

點知十二點五十二分，栗米call我問我係邊，

跟住佢話佢地係科學館門口旁邊旋轉天橋頂，

我去到科學館樓下個停車場，當堂O曬嘴D人多到呀！

由天橋排到落停車場，係停車場仲要打左幾個蛇餅！

好彩佢地早到咋= ="去到見到橡筋、栗米、家駒、施宇和，

四個一齊，加埋我同水水，跟住原來kai man(啟文)遲到，

其實我果組仲差一個人「乳牛」，不過佢飛左返大陸囉！

不過真係估唔到咁都會撞到，未入科學館之前大家係度傾計，

先知原來橡筋踏巴士黎既時候已經撞到施宇和(聽到佢把聲)^^"【勁】！

之後入場，跟住我地兩組:

我(長空)、橡筋、水水同栗米、家駒、施宇和、kai man(啟文)，合併左！

跟住我地一行七人，由底至高反轉左成間科學館兩次^^"

我地係科學館努力左一個半鐘，之後佢地想食野，

佢地行左一陣都未諗到食咩，跟住我提議去M記，因為又快又食得飽，

而且施宇和又唔餓，又可以就埋佢，一舉兩得！^^

之後家駒去馬鞍山我教佢踏87D巴士走，kai man就踏5C巴士走，

而我同其他人就踏5號巴士走，去到新柳街我同栗米一齊落車，

我去學校(約左人);佢返屋企！果日真係兩個字講曬:【熱】【累】！

今日去左姑婆度睇佢，跟住又去左勤叔度練車，食埋晚飯，岩岩先返！

聽日個行程未定，要聽日先知！

去完科學館既證明(何sir話要喎)

左起:我、栗米、施宇和、kai man、水水、家駒(得你着黑色衫咋)、橡筋！