今年既主題係營有愛，今次去曹公潭戶外康樂中心，呢幾日都好凍，多謝大家為我既身體祈禱，更加感謝主賜比我有精神帶組，賜比我有健康既身體，賜比我可以認識到好多新既朋友!!!佢地係「一品鍋」既Hilary、晶晶、國謙、Everylyn、3眼仔、Joy、New、Princess、Felix、Victor、Rex同埋更加深入認識左Yoyo！感謝主！
係呢短短既三日裏面，我地組「一品鍋」由彼此大部份人都唔認識大家既情況到左今日出camp時大家都會主動去同其他組員傾計，氣氛都算唔錯，大家都願意將自己既個人經歷分享比其他人知，見到大家去互相鼓勵同互相支持，真係好開心！係玩遊戲既時候，由尾果一組升到攞第二，第一次見到跑得咁快既二人三足 第一次成個人比人用繩抬起，果下真係驚，驚咩？驚咁重既我會跌落地下，更加驚會令大家受傷，所以果刻見到你地用盡力去抬起勁超重既我，真係好感動 多謝你地對我既包容同埋忍耐呀！有D說話我係用口係講唔出既，因為我唔識去用口表達，我唯有用文字去同你地講︰我好愛你地呀！
我自己都覺得今次帶組做得唔好，發覺仲有好多野可以做得更好，感謝主比我一個咁好既經歷，讓我知道有咩地方要好好咁改進，感謝主既保守同帶領！
我呢三日都去左入camp，今次個camp係HKBU CIECF Term Break Camp 2010-2011
|
