琴晚睇完婚前試愛既首映禮，果度有好多明星，當然場面係我生平中見過最盛大既一次啦!!!但係因為「人」實在太多既關係，所以冇去同D明星影相或影佢地相，同埋佢地都好高，特別係果個萬寧哥哥，真係高到呢 當然仲有其他既主演演員羅仲謙(好大隻) ，周秀娜，沈志明(萬寧哥哥)，楊梓瑤同導演等等既人。當中仲有黃晶，黃祖藍，喬寶寶，田雞等人仲有D我都唔識既明星，同埋睇到佢地個個D身材都咁fit咁瘦，令我既減肥大計有左新既目標 因為戲中既角色都係現場，所以都會有人係度歡呼
而且入到去都有禮品送喎，大家不如估下係D咩黎既？
好，入正題！呢套戲入面講男同女既偷食行為同埋對婚姻既睇法，當中佢地話：
「愛一個人，你要先hurt左佢，因為內疚是維繫呢一段感情既最好方法！」
「食，你仲係禽獸；唔食，連禽獸都不如！」
「10個男人9個滾，剩番1個仲諗緊！」
以上都係一D好精境既說話，但係我諗呢幾句都反映左我地既現實生活 唔知大家又會點睇呢？愛一個人係咪真係要咁做先可以長久呢？不如大家係度討論下呀呢套戲雖然有好多既情慾鏡頭 但的確有令人深思的地方 同埋都有好多既搞笑位
總結係：呢套係一套值得睇既戲
我upload左D相上黎比大家睇架啦
|
