1/8

綵排2/8既拍攝，唔算辛苦！

2/8

「校園危機拍攝」終於正式拍攝啦，終於明白一套戲要拍成年既原因，

因為要拍埋其他既位，所以拍左好多，今次有成八個故事，拍左五個鐘！

最辛苦係巾姐，差唔多所有女角都係佢做，辛苦曬啦巾姐！

3/8-5/8

入Camp【真友營】，玩左好多野，其中康體籃球同籃球最好玩，正！

影左少少相，果度個廁所，都算乾淨，都放心去沖涼！

哈哈，今次又係我做房長，第一晚兩點訓，第二晚BBQ，食左勁多腸同丸，

第二晚一點訓，跟住，五點幾起左身，差唔多六點同美珠睇日出，

不過睇唔到>3<可惜！

之後話落海灘玩，不過落雨去唔到！跟住留係營地度玩！

最後，第一次打緊風踏船，冇想像中咁浪，好彩= ="

6/8

打八號風球，好彩五點左右已經改發三號風球，夜晚去左陳sir既farewell，

遲左到(三個字)，Sorry呀！冇巴士，等左四個字，Sorry呀各位！

雖然，我地人唔多，但係都好開心！食左好多野，又飲左勁多野，

過程中不停係度傾計，又講下笑，陳sir又成日比人串，笑到停唔到，

最後玩左粒藥丸，話會吸油架，最後消失左！走之前影左張大合照！

多謝你地比左咁多美好既回憶我呀！特別係：陳sir、雪雪、冰冰！

多謝你地同我度過左四年既歲月呀！多謝陳sir比機會我出去比賽呀！

大合照：(左起)賢仔、敬、雪雪、冰冰、文生、俊、泰仔、陳sir、明、我

7/8

做功課！

8/8

朝早做功課！夜晚勤叔帶全家去左尖沙咀食私房菜，

都係第一次食私房菜，仲係食法國菜呀！原本開頭係去食日本野，

不過因為冇位，所以改左！個主菜最好食，我果個係雞，一放到埋黎，

坐我旁邊既爸爸都聞到香味！真係好好食！

而我既甜品係第二位，叫朱古力心太軟！又係好好食既野！

我發現食法國菜一定要多人先好食，因為今次食左標準既三個鐘！

咁樣比左好多時間我地傾計，又真係幾寫意！

9/8

一早入左勤叔屋企，而我、我爸、忠叔、勤叔一行四人，

駕車去左嘉道理農場度睇野，果度真係好大！不過我地睇完動物就走囉！

之後夜晚睇左陣奧運開幕就返屋企囉！

10/8

返崇拜，唱左首詩歌叫你是我唯一，超正！有冇人有你是我唯一Mp3呀！

返完崇拜，去左屋企樓下間美心快餐食午餐，係我睇緊食咩既時候，

突然有五、六個，十幾歲既女仔話要同我影相，佢地話要黎交功課喎！

咁我就同佢地影左一幅大合照，跟住佢地好開心咁多謝我！

之後我叫左個六寶飯食，食完之後我就返左屋企囉！

11/8

做功課！

註：新增左相簿:校園危機拍攝、真友營、farewell、法國餐、嘉道理農場！