5A班相

你地估下我係邊度

今日係學校既旅行日，今年旅行日既地點係粉嶺鶴藪。今年唔BBQ，同D朋友一齊用火水爐煮野食，

祝偉帶一個，我帶一個，點知去到得我果個用到，所以時間用多左一陪以上。

咁今年煮左麵、蝦餃、餃子、煎左腸仔、雞扒、牛扒，仲飲左jolly Sandy！再去其他組搵野食！

好彩今日我有帶爐去姐，如果唔係真係要食西北風囉！(咁岩今日真係吹西北風 =.=")

期間打邊爐果組有兩個人叫我幫佢地整個打邊爐既爐，我真係呆左一呆，

原來佢地換完新氣不過冇火，咁我咪試一次囉。發現有煤氣出，不過冇火 =.="

之後第二次就整好囉，原來佢地果枝氣個位放歪左，之後佢地叫我幫佢地整埋另一個爐，都ok左

好彩平時學多D野，樣樣都親力親為姐幫到人既感覺都好！

哈哈！今次終於威返次，唔洗比屋企人話成舊飯咁咩都唔識！

雖然，我仲有好多野都唔識，但係...我係別人要幫手既時候都幫到佢地忙架！

差唔多走既時候不停影相，一生人一次

咁今日係最早出發，最遲果班到囉 =.="；不過走既時候係最早出發，最早返到學校既

今日無論係去定係走，行車途中都非常嘈 =.="(可怕)，不過都好搞笑既！

今日又影左好多相，打完呢篇就加相，仲有短片天！

中五旅行真係唔同D既！

晚上，補完習。見到我學校隔離既顏寶玲中學好似有火警，

佢學校D火警鐘響曬，火警燈著曬，又有警車、消防車，地下仲有好多水天！

佢學校早兩日朝早有個男學生比車撞到，副校長開咪話佢果時好似打緊電話 =.="

大家過馬路要小心D呀！

要短片既問我攞啦！