一黎冇煙，唔洗焗死，二黎心情都唔同D架。
拜完之後我地一齊去左灣仔飲茶，之後各自返屋企。
5/4：返團契。
6/4：休息加做功課。
7/4：週會做聖經問答比賽，好悶！
8/4：做功課
9/4：有難得既清閒^^"
10/4：笑面虎黎睇電腦堂，好彩冇比佢咬我姐！
11/4：校長黎左睇中文堂，平靜曳既人都靜曬^^
放學去左觀塘同爸爸D舊同事食飯(食日本野)，見返既倫哥哥，好開心^^
12/4：今日去踏單車發生左好多事，首先我犯左一個好大既錯，
我居然唔記得左今日係我轉台既日子，所以冇帶新果張電話卡出去換，
之後就攪到亂曬大籠。今日1：45p.m.我去到大埔墟火車站，
打比爾晴姐先知佢地原來仲係紅磡火車站過緊黎，
之後我上左去樓上既美心快餐度叫左杯汽水，一路打機一路等佢地，
我仲坐左係窗口位睇下佢地幾時黎，點知等到3：15p.m.都冇人call我，
之後我打比爾晴姐，先知道原來佢地因為打左我手機好耐都係未能接通，
所以佢地出發左，之後原來分左兩批，一批爾晴姐帶；一批汪哥帶。
我租完車就去會合汪哥，途中見到文銘彥同另一個男仔學緊點踏單車，
之後我教左佢地一陣就同佢地加埋鈴姐、另一個女仔會合汪哥，
之後有D人唔去會合爾晴姐，咁鈴姐同文銘彥加個幾個男仔，
係大埔墟附近踏單車，我就同汪哥加埋六、七個男仔一齊全速前進，
去會合爾晴姐。之後踏左一陣就見到爾晴姐佢地，之後兩批人合一，
整左隊大車隊出黎，之後我保持全速前進一開頭耳仔都仲跟到我，
之後剩返陳偉耀跟到我，跟住我同佢一齊，踏過左科學園、兩條隧道、
水警基地，之後打比爾晴姐先知原來佢地連科學園第一幢大廈都未過，
我同佢地既距離最少有五、六K，之後我地兩個又不時停下，又影左D相，
踏到城門河我地就call汪哥係咪行沙田果邊，答案：係。
跟住我地過左河然後再踏，之後條路好靜冇咩人，得我地兩個，
之後踏到石門站，見到間叫香港浸會大學附屬王XX中小學大到痴曬線，
之後再call汪哥問佢地係邊，然後先知原來佢地冇過河，係對面踏，
佢地過埋沙田馬場，之後陳偉耀架車隻扶腳有問題，整唔返上去，
之後我地兩個開盡個引擎，以∞匹馬力、∞CC返轉頭，我快過佢^^"
以U字形去返城門河，之後撞到牛牛、何希、星星佢地，
原來佢地岩岩去左大尾篤三轉，等緊人！之後汪哥話係小食亭等我地，
之後我同陳偉耀換車，因為我怕佢會抄車，佢架車重過我果架，
不過我踏左佢架車一樣快過佢^^"佢話要成5－10分鐘車程，
之後我同佢用左3－4分鐘就到左啦^^"
之後汪哥整返好陳偉耀架車，所以我踏返自己架車，之後過左沙田，
入大圍，係文化博物館撞返耳仔及其小隊，之後同佢地一齊去大圍交車，
跟住佢地成班餓鬼咁衝去7仔買野食，跟住佢地都話好累，
可惜我冇咩累既感覺，因為大家踏既方法完全相反，
我：快而省力；佢地：慢而曬力！最後爾晴姐問我點解會咁快到，
原來佢地岩岩先到，估唔到我行左咁多錯路都係同佢地差唔多時間到，
都算係賺左囉^^"之後同溫梓健佢地坐火車，之後去媽媽屋企食飯，
食左魚生、蛋糕、龍蝦XX煎餅、自製藍莓雪糕7起，之後返屋企，
等左半個鐘先有巴士，點知咁要滿座既天，跟住行雷閃電落大雨，
好彩夜晚先落雨，如果唔係...個活動一定取消姐。
之後等多5分鐘先有另一架巴士到，返到屋企打日記囉。換左電話卡啦！
琴日某人唔知做咩好鬼死嗲；今日某人又唔知做咩好鬼死cool喎！
到底邊個先係某人既真正性格呢？
