今朝落到巴士站，等左好耐都冇車，已經有少少把鬼火架啦。

之後車黎啦，因為巴士站有架校巴，停左係我上車個位度。

所以架巴士駛前左大約一半，咁我排第二個，

咁我咪跟住排第一個果位先生上車囉，咁我咪回頭行去車頭囉，

行左兩步，排第四個果位阿伯(我估40-50歲)，

無嗱嗱用手「恐」我左邊膊頭，推我出馬路喎，

仲好大聲，好惡，咁「喂」左我一聲。

當時架巴士擺緊直，所以個車尾向緊我呢邊埋黎，之後我好快退返後。

好彩平時有做足心理準備，應付突發事件姐，如果唔係咪「死」得。

之後我回頭一望返阿伯，岩岩想罵佢既時侯候，阿伯嚇到退後左一步，

當時我傲視左佢一秒，而且又唔出聲，所以可能咁佢比我嚇到啦，

之後上左車，因為冇咩位坐，所以坐左係車頭，

跟住個阿伯坐左係另一邊既車頭，仲成日眼超超咁望我，都唔知佢想點。

跟住準備落車既時候撞到黎思蕙，之後同佢一齊行返學，

佢話：好耐冇見啦。跟住我話：我地好似係第一次係朝早踏車見咋喎。

之後傾左好多考試既野，今日生物要小測、化學又要小測同統測。唉~~~

返到學校買完早餐，之後返位坐啦。跟住橡筋坐左我旁邊個位，

我都覺得奇架啦，因為平時佢會坐我對面，咁我咪坐佢對面囉。

之後，樹林、豆豉、橡筋都「喂」在我一聲，我就坐在落去啦。

咁就出事啦，因為原來果度有一大堆水，

之後我咪同佢地講：你地唔好「喂」我呀嗎，同我講有水咪得囉。

之後條褲濕曬，成個印係到，跟住着住條濕淋淋既褲上堂，好唔舒服，

仲要做化學同生物既小測。唉~~~

到左lunch time條褲先乾，跟住落去小食部買麵食，

點知已經有廿幾人排緊隊，跟住好多人又叫friend幫佢地買，

因為我今日IT Prefect有野做，比佢地咁攪夠鐘都未買到啦。

一怒之下，走左去買飯盒食算數啦！所以今日lunch食左意粉，

不過冇飲野，因為太多人排隊加上D人又叫人買，所以今日冇飲野，

我真係冇咁多時間比班咁既人浪費，一D基本既禮貌都冇

放左學去左土瓜灣圖書館還返本star wars，結果因為遲左還比人罰左＄18

今日真係有好多突發既事，希望聽日唔好再係咁啦。

今日真係：一世英明，一朝喪。

唉！