今日P.E.堂教壘球，學完之後我同幾個男仔留係跳遠跑道附近練習，

而其他男仔係籃球場打籃球，跟住陳煒棠無嗱嗱打個排球過黎，避到！

跟住乳牛攞左個波，打返過去。點知......佢明明向我右邊打返過去，

跟住個波無嗱嗱就打中我左邊面啦，仲擦到隻眼天呀！

之後用一隻眼睇野，跟住右眼開始矇茶茶睇唔到野，又開始好暈好暈！

跟住襯仲有意識就慢慢坐左係地下，跟住訓埋落地下，之後暈左。

過左幾秒聽到有人叫我先醒返，之後加旋拉我起身。之後就冇咩野啦！

講開又講，自從上左中學都冇咩食個波餅，而且今次仲要咁「金」天！

今次果個係排球，以前食波餅都係籃球，可能排球輕啦，所以好快！

接唔到又避唔切，根本發生得太快啦！睇黎要操返去正常狀態先得！

第一次暈的感覺，好痛......不過暈左果幾秒好靜，靜到咩聲音都冇，

個感覺就好似......以前一樣，一個我只係到達過兩次既境界－無我境界！