今日係最後上課日，D堂好悶，不過時間過得好快，

今日兩堂P.E.標叔開YouTube睇NBA十大入球，

兩堂Eng見X-men好悶！

放左學去合唱團，好少人，練左半個鐘到，之後晴係後面食M記，勁衰囉！

我地合唱團未食lunch架，又香喎，攪到我地餓上加餓

練完之後，我、高子、明、yan去左食M記，好開心！

唉~~~聽日個德育劇冇啦啦要我出，仲要我唱歌天！

真係無聊呀，你地做德育劇咪做德育劇囉！

冇啦啦拖我落水，我又冇應承，仲要我同個冇返既同學唱歌，

唱唔係問題，不過都要我識先得架，

一晚就好熟咁可以出去表演一首歌，我自問冇咁既功力，唔係我扮清高，

係我冇咁既興趣囉！

同我唱果個同學，連發生咩事都未知，我都唔知佢地點諗野架！

成班都一廂情願想我出，個劇本仲攞命得個幾句就話攪掂，真係無奈囉！

冇嗱嗱擺我上枱，咩都唔問，呢個世界唔係你地想就得架！

個題目係【關愛】，但係我覺得個劇一D關愛既成份都冇囉！

衰就衰在連光亮都話得，真係無奈囉！

我覺得聽日果套會係鬧劇多D囉！唉~~~【煩】！