今日係星期日阿......本應係放大假既日子，如果而家唔係暑假既話•今日我好遲先起身，一起身就開著部電視，做緊數碼暴龍
今朝早餐又係炒河粉，食玩早餐之後又到主要節目出場....打麻雀•今日我又輸啦...D錢有出冇入•早知唔打啦•
到左2點鐘,林楊鴻先call我去圖書館借書，去到先發覺大部份既書都俾人借晒，早知就放暑假前一早借晒佢，而家想做功課又冇得做喎•係圖書館裏面，柒文打電話黎，好彩冇俾人鬧•成2點9先打黎叫我去清水灣游水•救命!我返到屋企已經3點半，搞掂晒D野就出門口，一路行一路打電話，打左好多個先知道原來老子唔去架，我仲以為佢去tim，我先咁爽口應成•算啦，都出左門口又上咪車啦•架車一路行一路打電話，我先知道我前面架車係雷拉佢地，點知我架小巴過左佢地，我比佢地早2min到總站•但係柒文叫我扮到等左好耐咁
 齊人之後諗住可以游下水啦，點知又黎.....班女仔情願堆沙都唔落水，各有各問題啦!我同埋柒文2個飛身落水，游去防鯊網又返黎，上返去挖地鐵站•我列左一片手指甲阿，好彩冇入肉!我地玩下玩下就到左7點鐘，個天黑到睇唔到，我睇下個手提，死火!阿媽打左7個電話黎.....我一個都未接•跟住電話又嚮，係阿媽呀•諗住實會俾人炳啦...點知佢冇炳我，好順咁樣我就過關啦•到左7點45分，電話又再嚮
 今次以為阿媽問我係邊啦•我又估錯...佢話點解半個鐘仲未返到黎.....今次魚雷轟炸，俾人係咁炳....唉!仲以為大個仔所以頭先先冇罵我，點知轉個頭又罵到我一身狗血.....幾時先大個仔，阿媽先會放心俾我獨立一D呢...
|
