今日好開心呀，一年一次生日，但係年年都唔同過法•

我好記得讀小六果時，竟然冇人記得我生日•

真係好唔開心，結果自己買左個蛋糕黎幫自己慶祝•

我本來以為佢地會俾驚喜我架，到左第二朝我就知咩事•

我真係好失望，嘗試去喊去發洩，心好灰好冷•

好彩我有一大班同學同老師幫我慶祝•好大個蛋糕!

到左升中一啦，第一個初中生日傻下傻下過左，

開頭大家都唔熟，又係開學冇幾耐就生日•

今年至起碼有屋企人幫我慶祝，如果唔係=.=

又要自己幫自己慶祝架啦~慘慘....

中二既生日有成班男仔同我過生日，

好可惜果日我病左，冇蛋糕食•

唯有同梓華佢地出去茶餐廳食野，

我只可以食稜魚白粥，佢地就開大餐，

係咁釣我癮!算啦，總算佢地肯陪我冇得食蛋糕•

中三呢，舊年係點過架~係呀，上年10月3號

係學生會選舉，投完票又出左去玩成日•

真係好開心•最衰今年撞正星期一，冇街出~

諗住可以唱K，行街或者睇戲都好，點知咩都做唔到•

不過今日我收到好多生日快樂，亦都收到第一個拒絕!!

ICQ同E-mail都有好多生日卡~多謝你地!!

雖然冇一個完整既生日會，但有人同我講

"生日快樂"已經好足夠!希望下年可以出去攪生日會•

最多我出錢，俾自己咋喎=.=