近排大家都好嘛!暑假好快又得返唔夠半個月黎......亦即係表示中四隨之開學，唔知大家對新一個學期有咩期望之類咁呢!我就希望順利升上中五，而家最低限度都要中五畢業，This is my mother's lowest request!!亦係我地一班男仔最低要求!我目標就係死都要讀完中七先罷休，係咪好似口氣大左D•差唔多啦! 大家都要努力呀!!!

餘低既日子都唔多啦，大家功課做成點，大家要加多兩錢肉緊做快D呀....如果唔係我點抄呀..真係阿~~搵左咁多人冇一個做晒..甚至有人掂都未掂過咁先過份!!算....而家除左趕功課，打機，游水外、我就只好追電視─犬夜叉•唔好以為部卡通好睇我先追阿......其實係入面D女主角索咋，你信唔信呀!講真....我知你地實會話信係咪，不過.....講笑咋，部卡通真係唔錯幾好睇，有興趣都可以睇下.....係ANIMAX喎!

話是話阿∼近排無聊走去同我阿媽打麻雀，仲諗住嬴Ｄ錢星期四去睇戲tim架，點知打左成晚．．．．．．我輸得好慘，打麻雀真係好睇運氣•下次要擇個好日先同我阿媽死過！！但係今次真係死得好慘，輸晒仲邊有錢去睇戲喎．．．．大獲啦今次，雖則阿媽最後俾返＄１０我．．．．邊夠阿！唉．．．