今日9月2日星期五，係返學既第二日•今日係學校冇咩特別野，只係有少少唔熟悉一D新面孔同任教老師•返學等放學，唔知點解D堂上得特別慢•由其係第八堂，我過得好辛苦阿 ，不停打盹•放學後約左大家去泳池游水，本來約左2點半去到將軍澳泳池等既，不過我地返到去都2點7個字，遲晒啦!我地食少少野就坐單車趕去泳池•點知去到打電話俾大文，原來佢而家仲係科大食緊野 ，仲搞到我地趕得咁急!去到4點15分大文先黎到阿=.="有黎好過冇黎，原來今日大文同阿DO要考拯溺阿~3分鐘践水同埋5分鐘游2百米，大文仲係差少少，游得唔夠快阿，游游下又玩下，好快到左6點半，個個都肚餓啦!跟住就沖身換衫去新都哈迪斯食野，夾錢買左2個餐•我地未食完大文同阿DO又要走啦，佢地趕住返泳池試水•我地就繼續慢慢食完陪陳偉謙行返去，行左一半我同阿雋轉去泳池果邊攞車，今次又係雋載我返去，今日我要影相架，不過睇黎一切都要留返聽日啦~