今日幾多號阿∼好似３０號啦呵•姐係仲有１日就返學啦！！日子難過囉．．．．．．

今日冇記錯好似係星期二呀∼今日９點就起左身啦，我教左鬧鐘睇電視• 今朝早好唔妥阿•起身冇早餐食阿，要行去尚德買Ｍ記•好彩唔使我去姐，我家姐同細佬２個去買，我自己就係度睇電視• 食完Ｍ記就好努力咁趕功課，去到差唔多１１點半我就走左去剪頭髮，剪得太短啦•算啦剪唔剪都係咁柒•跟住就去左游水=.="我帶埋浮板去，不過就唔係我用•俾我細佬同佢同學用，教人游水好辛苦架，講佢又唔明，明佢又唔做•狂係度亂黎，我索性自己操水好過，跟住我都係掉佢2個落米2池度踢水•算啦，都係唔知佢做咩，有浮板都唔知佢踢到似嘜•去到4點半度我就走人啦，頂唔順呀!返到屋企繼續努力努力......之後都係同平時一樣，睇電視食飯訓教......仲有一樣，就係寫日記!好啦，今日到此為止啦，睇怕開學後日子難過呀~~

3曰2夜入去西貢白沙灣水上中心訓練營•本來lee件係一樣好期待好值得高興既事黎•可惜，當我啦柒文啦同埋其他人啦一齊去到黃大仙集合時先知道我地個個都被拆散晒•即時反應梗係唔開心啦，仲想唔去返屋企，我地個個都一樣，開頭時全組一個都唔識!所以冇野講，頂多你望下我我望下你咋•為左要落水冇解啦，就算想返屋企佢都唔會俾啦•去到之後既第一日好悶又白痴•玩埋D原野烹飪同趣味大笪地，用石頭燒牛扒燒魚之類，大笪地我就一樣都冇玩過•去左碼頭度吹風吹下水•果晚過左12點先沖涼阿~6個男人一齊沖，唔會誤會，一人一格架•沖完涼就去碼頭個浮台度訓覺覺•訓到2點俾人叫返上岸，危險喎 結果成夜都冇訓過咁濟•

第二日諗住可以玩獨木舟啦~點知佢地話用抽籤形式，我抽左去玩童軍標準艇，6個人用人手撐果隻 好鬼攞命架，隻手起晒水泡，又被木杉到隻手~好深阿....流血，少少姐•跟住玩先鋒工程，玩玩下我企下度訓著左，差D害到其他人受傷，是因我琴日冇咩訓度•第二晚，有一個營火會，好似好好玩咁，其實D野好白痴•跟住我地有童軍標準艇比賽阿，超過癮•不過我隊得第二名咋•沖完涼成班男仔係椅度吹水吹吹下訓晒，得返2個女仔守住我地訓 我訓左成4個鐘，都唔係好夠•柒文俾人玩都唔知，訓得好淋阿•訓到4點幾落左幾場過雲雨，濕左少少啦!跟住繼續訓......一直訓.....到天光•

第三日即係今日，6點就俾人叫醒去沖早涼，然後刷牙食自己帶既早餐，因為大會既早餐要到9點先有得食.......變態架 跟住都冇咩野玩，搞掂所有野後就返歸啦•我愈寫愈冇心情•係咁啦!我好眼訓阿......遲D再寫過啦~~~

琴日唔記得寫日記阿，冇解啦去到好夜先返黎•我今日已經寫唔到啦，所以今日補返琴日數•之後果幾日都會寫唔到，出完camp後再寫返啦!!

琴日好開心，又有D唔開心啦•琴日我地去左太子警察體育健身舍拎青年計劃銅獎(章)，由12點坐到去4點幾先走得啦.........慘慘!仲有阿SIR D資料出錯，搞到我地5個男仔好瘀阿，上台果陣唔係自己個名黎，而係女仔名黎 阿SIR仲話照上住先，遲D先再補返張證書•算數.......拎完獎，我地娜娜淋由太子走去旺角搭小巴直落西貢，一人13蚊阿~諗住用發達通啦，點知冇得用，結果柒文拎左張100蚊紙出黎，5個人成65蚊•柒文真係唔話得，可惜要還架 去到西貢後收到電話要加料BBQ，我地首先去百街掃貨啦，搞掂後個售貨員話唔俾買JELLY 未夠十八歲 最後都要俾錢架嘛，不過我身上得返三十幾蚊，柒文都話拎住先•買完就搭94上黃石碼頭，去到淨係見到成班女仔燒緊，攪完一大輪，我地開多個爐BBQ，跟住都係BBQ阿玩下咁囉，個天太黑啦，冇咩可以玩•去到9點半到我地有一半人就要早走啦，因為出返將軍澳都要成個鐘架，我又趕緊睇小魚兒喎 搭緊94果時個肚好唔舒服，唔知係咪食錯野，成肚氣，唔關啤酒事掛 架車好搖阿，攪到我好想嘔=.=" 最後我緊係返到屋企啦，不過張發達通就冇晒錢，聽日仲要入CAMP，一蚊雞都使晒啦!

希望快D出CAMP啦，我仲有2份功課未搞掂架•加油加油加油站!!!

yeah!今日終於買齊晒所有書啦•應該買既唔應該買既都買晒，實唔會買漏野啦•仲有2日咋，又要入camp啦•係要到月尾就返學先去既，唉!早知都係唔去好，是因我lee 2日一定要不停趕功課，我趕左成個禮拜，一樣都未掂過  唔係行街就係游水，再唔係就係屋企訓足一日，睇黎要搵定人幫我做啦，有冇人肯犧牲一下

今日要去沙田拎書阿~係咪遠左D阿!算啦，當行街•講真呀真係去行街架!我同雋去沙田商務書局度拎書，未拎書前已經同阿雋個姑媽去左食泰國菜，開頭諗住自己叫自己食嘛(我2個都係咁諗)•點知雋姑媽叫左4 餸1飯，我地都唔知點俾錢好•最後都係姑媽請lee餐，咁lunch就收左落袋啦，不過一陣又使左•行左去冒險樂園，童心未泯冇解買左23個金幣去玩，開頭羸左150張飛•3個金幣就有咁既成績，我玩真係有一手•玩完有D唔捨得，可以冇$$•跟住行左成日街，睇下漫畫店咁啦，又去M記休息下食雪糕•我行左好耐終於買左2隻好鐘意既介指，搞掂晒就返商務拎書落觀塘佩眼鏡，睇到眼都花•最後都睇中左一副，31號又要再去拎•佩完眼鏡先到戲肉，去左行批發鋪頭，由14樓一路睇一路行，行返去1樓，行到腳都軟晒!跟住行完就返屋企•

返到屋企，唔開心既事黎啦!我個家姐好鬼乞人憎，佢拎我2隻介指黎玩，仲係阿媽面前SHOW!玩就仲扮晒冇野，冇神神又拉埋阿媽落水，我又俾人煩多餐•多屋企人唔一定係好事，由其係兄弟姊妹，一定會冇晒私人空間，而且連私隱權都冇埋，我D野佢地都好以隨便(狩)，你話撞著D咁白痴既屋企人，我情願快D搬出去好啦!!

『時間總是嘲笑著匆匆過去，與其執著回憶，不如尋找現在的夢想』

而家lee幾句可能已經成為我既座右銘•

點解每一個人都鐘意回憶、鐘意向後看，

就唔可以正面向前咩，

過去既就算幾美好都好啦，

過去始終係過去•

點解唔可以腳踏實地向前，

前路可能係崎嶇難行，

就係因為咁我地先要正面向前；

腳踏實地將佢變成美好，

lee樣先係最重要•

人往往就係咁，唔開心只會將自己封閉係美麗既回憶，

從來唔肯正面解決•

相信我都係其中一個，

但係我已經不斷改變自己•

唉!講返今日啦，今日又去左游水•

唔記得食lunch去，攪到游左700米就手軟•

跟住手快快換完衫就走左去南豐食車仔，

幾抵食啦!食完就飛去海灣度吹吹風•

返到屋企第一時間係寫日記•

聽日去沙田拎書呀 好鬼死遠阿•

然後落去觀唐佩返副新眼鏡•

咁聽日又玩完架啦!好快又返學啦•

開始趕功課啦，我差2樣咋.....好快姐

大家~加油趕功啦，我等你地阿，你地識做架啦