今日12點幾醒左啦..(好遲啦~!!)尋日同小明去左尖沙咀個邊見工...不過佢話要等一日..今日又黎左尖沙咀見..不過見個陣我冇咩出

過聲呀..所以..哎呀= ="...死啦..家陣只係知道要我等一星期既電話..之後本來諗住係左尖沙見多幾份..不過最後都只係係度打機嗜..

食完吉野家..就坐返車去tko中心..令返d$$(之前做外賣的= ="不過家陣唔做啦)返返屋企搵呀龍幫我整部電腦..不過都好似整唔到..

佢都話我部野唔知咩事喎= ="..所以呢幾日我都冇用過電腦上過網(好掛住色色既網站ar!!笑)跟住英英叫左我出黎食野..去官塘食~

我去到官塘先知原來今日係英英生日呀!!(呆了)我都唔知呀= ="之後呀蛋同曾曾都黎左...不過海誠同家希遲左成個鍾..

我地班友係apm既味千等左佢地好耐啦...算吧~不過我地6個人都係度傾左好多計呀...又係度講笑..又講返陳sir同童軍d野..

之前都係一班童軍們呢~(笑)約好左遲d一齊再出黎去camp嫁~!!哈哈!!之後再係apm行左一陣街..我同曾曾走先囉..

返到屋企我再搵返呀龍(呀龍仲幫我搵緊部腦)都係好似整唔到...= ="算啦..遲d再睇下點啦...英英..生日快樂~!!

今日有我啦..千野..柯華..apple..豬錕..小豬..鋒..葉志同佢幾個fd去燒野食..因為今日係葉志生日..所以我地去左咩x月灣

燒野食囉..不過今日落雨(選了好日子啊= =")佢地班友就走曬去游水..得返我同豬錕係度起爐..我同豬錕都起左好多次..

個火都熄左好多次..終於都起到啦(感動!!)點知游水班友就好快咁返返黎燒野啦(幹!?不是吧?)不過佢地係沙灘個陣玩沙..

班男仔好似整傷左千野呢..搞到佢好火ar(汗..)所以我就比班女仔命令燒野食比佢地食(我真好人呢= =")..燒野食個陣都

落過幾次雨..個火都好怕佢熄左ar..之後嘉義同鐨石頭都黎左啦..咪再燒多陣囉..不過好多人都落左去沙灘玩..

我都係一直係個火爐度燒野食(冇落過去呢)..開始發覺原來老子我燒野食都有一手呢= =+燒d牛肉豬肉都幾好味~(笑)

燒到6點幾到啦~返返去西貢食糖水囉..係個度食之前同家姐食過既芒果河粉!!爽!!不過問鋒借$$的= ="(冇$$啦)

最後同千野..鐨石..豬錕一齊坐MiniBus返去(我同千野坐呢~笑)..係車度佢地都係度傾d學習既野..我完全入不上話題..

(真是一班好學生唷..努力啦!!)終於都返返屋企囉..本來想開下部電腦..點知..呀~!?壞左~!?

今日媽子唔洗返工...我同呀媽呆左係屋企...悶死我了..= ="..不過到左7點幾..楊聰同公公係明德打波..所以我咪走左

去搵佢..不過好快落雨囉..係明德坐左一陣..之後之左富寧個邊食野..一直都係落雨(不過我鍾意落雨既呢= =+)

再係富寧坐多陣..成一點囉..諗住返屋企嫁啦..點知公公叫我同楊聰去佢屋企訓一夜..(呆了)不過都去囉..

我都係第一次去公公屋企..之後都係一直係佢間房囉..睇左佢同其他人影既相AR~!!(殺人呀!!女仔呀!!)

跟住三個男仔係間房度傾女仔(笑)..嗚嗚..去追返一個吧!! ..傾左差唔多成4點幾..都開始眼訓囉..想訓個下..

點知我地三個黎左個~枕頭大戰~(勁好笑)玩到成5點先訓..頂唔順啦..真係眼訓囉..訓左囉..訓到差唔多十一點訓醒..

公公早就醒左囉..哈哈..我到三個呆到點幾...出左去囉..係商場行多陣..返返屋企再訓落囉..

其實我還喜歡(妳)嗎?....還是喜歡了(妳)!?!?

今日9點鍾就比君姐嘈醒左我啦...因為我地今日約左成班人去飲茶!!(笑)..前幾日無聊同家姐係度飲茶..

之後就好白痴咁約左班友去飲茶啦...有我啦..千野..肥雷..肥班長..小豬..田雞..鼻屎同2個紫君一齊呢..

雖然叫就係我叫..不過由人物..時間..地點..全部都係君姐幫我搞既呢(感謝!!)..不過遲到既..都係佢(汗)

今日係古敏同亞yan既生日活動~出海了呀(不過我地玩到都忘了這兩位是女主角= =")8點幾醒左啦...不過仲好眼訓..

尋日成4點先訓..失眠..我同公公楊聽坐bus,大約9點鍾到左西貢啦..毛毛同魔姑都黎左..點知其他人差唔多十點先黎到..

其實今次有幾多個人去...我都唔清楚= ="...我啦..古敏..亞yan..鼻屎..蕃薯..筷子..河馬..華政..珍珍..king..神父..田雞..

呀差..milk..肥蘇..柯華..魔姑..毛毛..公公同楊聰..應該咁多到啦(忘了你不要打我..)跟住成班人就去左坐船咁啦..

係船度望下風景..吹下水.玩下野..好快就去左個不明來歷既海島咁啦(放心..不會比人賣豬仔的)我地就成班係度游水..

游左好耐呀..好多笑野..講都講唔完..哈哈..不過好快就到左一點啦...成班個身出曬水咁係船度食野...(我都係= =)

milk食野仲要食到好似個難民咁...(笑)食完野..我同田雞..公公..古敏去左玩香蕉船..這的確是一個又好玩又可怕既遊戲..

我同田雞..公公都趺左落海好幾次..古敏就一直係度笑(..幹)有一次最好笑..隻香蕉船係度沖下沖(好快嫁!!)不過船家冇啦啦停左船...

跟住我同田雞都望左去後面..唉??~公公呢?(大家知咩事啦= =+)有次趺落海比田雞既飛腳飛中...痛!!!係海度沉睡左一陣..

差點再見不到大家..之後古敏同田雞..公公玩香蕉船..媽的!!個船家明係親親女孩子的..佢話唔可以整到個女仔wo..

所以咪唔整反隻香蕉船...不過古敏坐既香蕉船都反左兩次..船家話唔關佢事喎..哦哦...咁關邊個事呢..嘿嘿..

坐完香蕉船囉..又落返水玩..田雞同筷子就係度玩跳水..跟住個船家(男仔)又係度玩跳水...總感到他是一個色色既人..

玩到5點幾啦..坐返船返去..係船度影左張大合照相個咁啦..之後到西貢食個糖水..班女仔又講返船家d衰野(我聽到dd咁啦)

之後亞yan又講返佢玩香蕉船見到既野..(感動!!)咁就差唔多8點啦..坐返bus返去..係bus度都係同緊古敏串嘴(慣了)..

不過估唔到佢有咁多幫手...敵不過..算..聽歌..打比柯華吹水..不過傾左一陣.落車囉..點知古敏同公公落早左一個站..(笨蛋= =)

我同楊聽..華政係後一個站等佢海地...之後返屋企囉..好累啦..想訓又訓唔著...又搵返猖狂落明德飲野..吹水..

返返屋企再呆多陣訓覺囉...